ه‍.ش. ۱۳۸۹ خرداد ۹, یکشنبه

جنبش ءِ سرمچارانی رِداں ( صفوف ) بَــزتربوتگنت


تهران ءِ رستريں هکومت ءِ جاهليں واکداراں که رند چه سرمچار عبدالمالک ءِ بنديگ بيگ ءَ گوں ڈهل ءُ سرنا ، ناچ ءُ سهبت ءَ جار اِش جت که بلوچستان ءِ مزاربيميں سرمچاراں پروش وارتگ، بے بنياتیں وابے اَت. جاهليں هکومتی رستر ءُ مافيايی واکدار بزاننت که رند چه سرمچار عبدالمالک ءِ بندی بيگ ءَ سرمچارانی رداں ( صفوف ) بَــزتر بوتگنت ءُ باز انت ذمه وار ءُ ايمانداریں بلوچ ورنا که وت ءَ را تياراِش کتگ تاں وتی ساه ءُ شيرکنيں ورنايی زند ءَ په اسلام، بلوچ کوم ءُ بلوچستان ءَ فدا بکننت.
تهران ءِ هکومتی مردم ماں بلوچستان ءَ تگ ءُ تاچ کنگ انت تاں گوں پلينڈی، دروگ بندگ، هونريچی ءُ رستری کارکرد، بلوچستان ءِ جنبش ءَ پروش
بدينت. بلئـے جنبش پرزور تر ديم ءَ روان انت تاں بلوچستان ءِ پاکيں سرزمين ءُ بلوچ کوم ءَ چـه
مافيايی سپاه ءُ رستريں زابلـی يانی دست ءَ به رکينيت

مافيايی سپاه الاهــواز ءِ دهکانانی ســرا هلگــر کرت


العربيه ءَ هال دات که ايرانی سپاهيگ په الاهــوازی عربانی زمينان ءِ زوربرد کنگ ءَ ماں حميديه ءِ شهـر ءَ دهکانانـی سرا هلگــرءُ تيرگــواری کرت. عرب دهکاناں وتی بں پيرکی زميناں په رزا ندات ءُ گوں تير ءُ تپنگ سپاهيگانی ديما اوشتاتنت ءُ يک رندے دگــه الاهــواز سرزميــن چه عـرب ءِ هوناں سهــر بوت. ماں آ جنـگ ءَ چنت رستريـں مافيايی سپاهيـگ جهنــدم ءَ راه ديــگ بوتنــت، سئے عــرب دهکــاں شهيــد ءُ هپت نپـر ٹپـــی بوتنــت.

ه‍.ش. ۱۳۸۹ خرداد ۷, جمعه

شمارے چـه رستريــں ڈنـی واکداراں ماں بلوچ گلزميــن ءَ

شمارے چـه رستريــں ڈنـی واکداراں ماں بلوچ گلزميــن ءَ


ه‍.ش. ۱۳۸۹ خرداد ۶, پنجشنبه

اتمی بمب ءِ ناهودگيں واب


اتمی بمب ءِ ناهودگيں واب
تهران ءِ آخوندی حکومت ءِ انسان دژمنيں سروکاں گوں مکاری ءُ ٹگی دگنيا ءِ ملکان ءُ تپاکيں راجانی هوربند ءَ، په وتی مـَـنَّ ريپينگ انت. بلئـے تپاکیں راجانی هوربند ءِ باسکاں ماں گوستگيں ۳۰سالاں، بيستءُ پنچ رندا تهرانءِ تهارپگر ءُ انسان دژمنيں واکدارانی رستری کارکرد اں په زپتی ايرجتگ انت. . مافيايی سپاه ءُ جاهليں آخوندان په اتمی بمبے ءِ اڈ کنگ ءَ ميليارداں دلار چه بے وسيں ايران ءِ ايردستيں مهلوک ءِ زر ءُ بيت المال ءَ چينی ءُ روسی زرپرستان داتگ انت تاں په اے شيطانی کار آهان کمک بکننت. رند چه چنت سال ءَ کٹرين ءُ جاهليں شيعی ـ فاشيستان، اشکنگ ءَ دوازده ءُ نيم ( ۱۲،۵) کيلو " سئے ءُ نيم در صدی ( ۳،۵درصدی) اورانيوم" بزان تيارنبوتگيں اورانيوم تيارکتگ. ايران ءِ حکومتی جارچين ءُ دولتی ميديا اے اورانيوم ءَ "کيک زرد" بزاں زرديں کيک هم گوشنت .
آخوندانی اے زرديں کيک نئے په بمبے ءِ اڈ کنگ ءَ کار دنت ءُ نئيکه ماں بوشهرءِ اتمی نيروگاه ءَ سوچگ بيت.نالائکيں احمدی نژاد گوں جاهلیں آخوندان که اتمی بمبـے ءِ واب ءَ گندگاينت نزاننت که په اتمی بمب ءِ اڈ کنگ ءَ نود در صدی (۹۰ درصدی ) اورانيوم پکار انت ءُ آهاں ماں ايران ءَ چشيں ازباب نيست که اے اورانيوم ءَ تيار بکنت. اکاں ناں اے کار اِش تاں هنوں کرتگ اَت.اے گپ بزاں نود در صدی (۹۰ درصدی ) اورانيوم وتی جاگه ءَ ، اتمی کهربا ءِ نيروگاه ءَ گيش چه پنچ در صدی اورانيوم پکار انت . بلے ايرانی واکداراں هنچو پيش دارگ انت که آهان همے زوتاں اتمی بمبے اڈ کنگ انت ءُ وت ءَ را گوں امريکه ءَ هم سـَنگ زاننت.تهران ءِ آخوندانی رڈين ءُ زرديں کيک آهانی هچ دردے ءَ درمان نکنت ءُ اے ايکيمی گپے انت که آهاں گوں وتی اتمی بمب ءِ ناهودگيں واب ءَ جهندم ءَ روگی انت.انشاءِالله.. .

ســـــــــوره اخــــــــــلاص

ســـــــــوره اخــــــــــلاص

يليـــں سر مچـــــار

يليـــں سر مچـــــار

ما پيروزيم


بيل و براھندگ و ھمدليں سر مچار
آجويى و ايمنى ئے صباح و سحار
تو غلامى ئے بدواھئے مئے سنگتئے
په الس واجھى راه سپارانى ھمراه ئے٬ مئے سنگتئے
مکئيں گلزمين ئے يلين ُپسّگانا په عاقبت
ايمنيں زندى ئے ره نشان داشتى ات
تو نه سگ ات که قھريں درآمد بکنت واجھى
مانشانيت په زندا بد انت ايردستى غم ئے
ايردستانى تو درد وار

يليـــں سر مچـــــار

بيل و براھندگ و ھمدليں سرمچار
ڈيھئے آجوئى و په الس واجھى
يکيں دست گوں سرجميناں آوار
ظلم و زوراکى ئے آھنى ئيں حصار
او غلامى ئے سياه و تھار شھمناکيں سگار
يليں سرمچاربيل و براھندگ و ھمدليں سرمچار
تو په وت واجھيا زروک
پُر مڑاھين سروک
تو ماں آزاتى ئے جولگھاں نامدار

يليـــں سر مچـــــار

بيل و براھندگيں سر مچار
بلوچی ءِ مزن شائر واجه عطا شاد
باسکانی دیوان ءِ منــّت ءَ

ه‍.ش. ۱۳۸۹ خرداد ۳, دوشنبه

سرمچارعبدالحميد ريگی ماں يرآپ ءَ پاهو ديگ بوت

سرمچارعبدالحميد ريگی ماں يرآپ ( دزآپ ) ءَ پاهو ديگ بوت.
سرمچارعبدالحميد ريگی، بنديگيں سرمچارعبدالمالک ءِ برات ماں ايرآپ ءَ پاهوديگ بوت. رستريں زابلی ءُ بلوچ دژمنيں ڈنی ياں ماں بلوچ گلزمين ءَ گيش چه حد ءَ زلم ءُ هونريچی کرتگ ءُ گوں
بلوچ مهلوک ءَ هما زيادتی کنگ ءَ انت که ماں تاريخ ءَ کم درور انت. آ روچ دور نهنت که بلوچستان ءُ بلوچ مهلوک چه اے رسترانی پنجگاں وت ءَ را به رکيننت ءُ رستریں زابلی ياں، بلوچ ءِ ريتکگيں هونانی جواب ءَ بدينت. انشاالله.
شهيد عبدالحميد ءُ بلوچستان ءِ تماميں شهيدانی پاکـيں ارواهاں درود


ه‍.ش. ۱۳۸۹ خرداد ۲, یکشنبه

تپاکی مئے مِنزِل ءَ نزیکتر کنت۔


رستریں آخوند خامنہ ای کہ پہ وتسری ءَ چہ مُرداریں خمینی
ءَ دستاں دیماترجتگ انت ، انشااللہ باز رو نکنت۔ اے جڈال ءِ دؤر ءُ آخوندانی بادشاھی ھلاس بیگ انت۔
درستیں بلوچاں پہ چشیں روچاں تیار بیگی انت۔
تاں رند چہ اے زالمانی حکومت ءِ گار ءُ گمسار بیگ ءَ گوں وت ءَ بژنیگ مہ بئیں
کہ اے رند ءَ ھم تیار نہ اتیں۔
تھران ءِ نژادپرستیں حکومت ءَ ھور گوں گنوک ءُ جاھلیں زابلی یاں ماں بلوچانی گلزمین ءَ باز کارزوالی کرتگ ءُ آھانی اڈ کتگیں مشکل ءُ دیمپاں چہ ھساب ءَ گیش اَنت۔ گوں راجی ءُ کومی تپاکی ءَ توانیں ھر دابیں دیمپان ءُ سکّی یاں گیش ءُ گیوار(حل و فصل) بکنین ءُ چہ وتی آزاتی ءُ وت مستری ءِ راہ ءِ دیما دور کنیں۔ تپاکی مئے تاریخی مِنزِل ءَ نزیکتر کنت۔
وت مان وتی اڑ ءُ جنجالاں باید انت پہ بلوچستان ءُ شزادیستگیں بلوچ کومءِ ھاترا بسوچین ءُ گار کنیں۔

ه‍.ش. ۱۳۸۹ اردیبهشت ۲۳, پنجشنبه

مافيايی سپاه ءُ رستریں اطلاعات ءِ کورد دژمنی


مافيايی سپاه ءُ رستریں اطلاعات ءِ کورد دژمنی

هما پيما که مافيايی سپاه ءُ رستریں چاروگانی اداره يان ماں بلوچستان ءَ هونريچی ءُ رستری کنگ ءَ انت ماں کوردستان ءَ هم انسان کشی کنگءَ ا نت.
ماں ترکمنستان، آذربايجان، الاحواز ، لرستان ءَ ايران ءِ دراهيں دمگاں هوں ريچگ ءَ انت تنکه وتی گئير انسانی واهگاں پوره بکننت.
شهيد فرزاد کمانگر ءُ آدگه بے گناهيں ورنا که ۱۹ ارديبهشت ءَ ماں « اوين» کورچات ءَ شهيد
بوتنت، جا هليں پاسداران ءُ رستريں چاروگانی شزا ءُ ازابانی چيرا شهيد بوتگنت.
آ شهيدانی لاشاں انگت ءَ هکومت ءِ بنديگ انت.
کوردستان ءِ زلم ديستگیں مهلوک پشمبه ءِ روچءَ گوں کار ءُ شهر ءُ بازارانی بند کنگ ءَ وتی شهيدانی سوگ داشت. گيش چه ۲۰ سوگيگیں کورد ورنا چه کوردستان ءِ زانتجاه ءُ وانگجاهاں دستگر ءُ بندی بوتنت.
رستريں هکومتی پوجی، بسيجی، پاسدار ءُ پليس که گئير کورد انت، ديست که کوردستان پشمبه ءِ روچ ءَ اوشتات.دراهيں کورد مهلوک وتی آزيز ءُ بيگناهيں ورنايانی سوگ ءَ کار ءُ بار بند کرت ءُ وتی نارازی ءُ کوهيں کينگ اِش تهران ءِ واکداراں پيش داشت ءُ يک ترنـديں راجی شهماتے خامنه ای ءِ بـُـن گوش اِش جـت. .


اَے بلوچاں اتحاد پہ وشیں روچـــــاں اتحـــــــــــاد

اَے بلوچاں اتحاد پہ وشیں روچـــــاں اتحـــــــــــاد

اَے بلوچاں اتحاد پہ وشیں روچـــــاں اتحـــــــــــاد


زندگوازینگ نہ بیت ،مھتاجی ءُ چَمــــــــــــــداریءَ


وشدلیں باریگ نئیت پہ نندگ ءُ رھچــــــــــــــاری ءَ


گوانک جنت ساحر شما را درتگ پچیں پادشپـــــــــاد


اَے بلوچاں اتحاد پہ وشیں روچاں اتحــــــــــــــــاد


بلوچستانءِ نامداریں شائر واجہ مراد ساحر


دوازده رستریں هکومتی ماں مريوان ءَ کشگ بوتنت.

دوازده رستریں هکومتی ماں مريوان ءَ کشگ بوتنت

رند چه کوردستان ءِ ۴ بے گناهيں ورنايانی پاهو ديگءَ کوردستان ءُ دگنياے ءِ آزاتی پسنديں مردم پدا سوگيگ بوتنت.
پژاک ءِ مزاربيميں پيشمرگان په کوردستان ءِ شهيدانی نام ءَ جوانين جنگے گوں دژمناں
ماں مريوان "برده رشه و دوپلوره" هـَنـد ءُ دمـگ ءَ دات. ماں آ جنگ ءَ دوازده رستریں پليس ءُ پاسدار کشگ بوتنت


کوردستان سوگيگ انت


کوردستان اوشتاتگ ءُ سوگيگ انت.


مروچی بزاں پشمبه ۲۳ ارديبهشت ماه ءَ دراهيں کوردستان په شهيد فرزاد کمانگر ءُ کوردستان ءِ دراهين شهيدانی يات ءَ سوگيگ انت. کوردستان ميديا ے ءَ هال دات که کوردستاں اوشتاتگ. دکان ءُ بازاراں ماں سنندج، مريوان، مهاباد، پاوه، بوکان ءُ اشنويه بند انت. وانگجاه ءُ کارجاهاں بند انت. پاسدار ءُ بسيجی مور ءُ مدگ ءِ پيما ماں شهر ءُ کلگاں هلگر کرتگ ءُ ماں گوستگيں سئے روچ باز بيگناهيں ورنا ، دانشجو ءُ واننده يں کورد دستگر ءُ بندی بوتگنت


ه‍.ش. ۱۳۸۹ اردیبهشت ۲۰, دوشنبه

پنچ بے گناهيں سياسی بنديگ ماں «اويـــن» کورچات ءَ پاهو ديگ بوتنت.

پنچ بے گناهيں سياسی بنديگ ماں «اويـــن» کورچات ءَ پاهو ديگ بوتنت
.


کوردستان ءِ زانتکاريں پسگ، استاد فرزاد کمانگر هور گوں علي حيدريان٬ فرهاد وکيلي٬ شيرين علم هولي و مهدي اسلاميان ماں اويـن کورچات ءَ یکشمبه ۱۹ ارديبهشت ( ۸ مـــه ) ءِ بامگاه ءَ پاهو ديگ

. بوتنت
شهيد فرزاد کمانگر کوردستان ءِ زانتکاريں استادے ات که جاهليں واکداراں دراجيـں مـدتــے
ماں کورچاتاں شزا ءُ ازاب دات ءُ گڈسرا کشت اش. آدگه بنديگ هم که يکشمبه ءِ روچ ءَ شهيد بوتنت درو بے گناه اتنت.

تهران ءِ هونواريں واکدار گوں بےگناهيں انسانانی هونانی ريچگ ءَ لوٹنت که وتی زالمی دؤر ءَ دراج تر بکننت. بلئے همے بيگناه ءُ دگه هزاران شهيد ءِ هونانی برکت ءَ خامنه ای ءِ وتسرءُ هونواريں هکومت ءِ شومين ءُ تهاريں دؤرلـُک تر بيت ءُ بايد انت يک روچے اے ريتکگيں هونانی پسـّو ءَ به دينت.

ه‍.ش. ۱۳۸۹ اردیبهشت ۱۸, شنبه

پـه وتــی حقـــــــــــاں جنـــگ بکــن

پـه وتــی حقـــــــــــاں جنـــگ بکــن

بنـــــد سـريـــــن ءَ ننـــــگ بکــــــن

کيچـــگ و کـوهـــــاں رنگ بکــــن

درکـــپ ديمــــــــا، مـــرد ببــــــــــو

پـه وتــی حقـــــــــــاں جنـــگ بکــن
مزن شاعر ميرگل خان نصير

بلوچستان ءِ مزاربيمیں سـرمچـاراں

بلوچستان ءِ مزاربيمیں سـرمچـاراں

شهيد احمد وفايی ، شهيد نادر ريگی، شهيد الله نظر کبدانی ءُ شهيد ناصرشه بخش مان دومگ ءِ هـَنـد ءَ هما جنگے گوں بلوچستان ءِ دژمنان دات ءُ هما سر مچاری پيش داشت که کم درور انت. آهاں بلوچ ءِ رستريں دژمناں گوشت ءُ گوں وتی شهادت ءَ پيش داشت که اے سرزمين بلوچ کوم ءِ گلزمين انت

ه‍.ش. ۱۳۸۹ اردیبهشت ۱۶, پنجشنبه

بلــوچ ورناياں ! ما را پادآيگـــی انت.


بلــوچ ورناياں ! ما را پادآيگـــی انت.
ما پيروزيم

تهران ءِ واکدارانی شوميں مکسد ماں بلوچستان ءَ بلوچانی کومی شناخت ءِ گاری، بلوچان کشگ ءُ بيگواه کنگ انت تنکه اے پيم ءَ هکومتی مردم ءُ رسترين زابلی بلوچ گلزمين ءَ مدامی دست بگرنت ءُ گيشتر ءُ گيشترلوٹ مار بکننت
.
چه يک نيمگے مئے پاک ءُ بيگناهيں ورناياں په کست ءُ کينگ دستگر ءُ بندی کنگ انت ءُ بازينے ءَ کشگ انت چه دگه نيمگے دروگ بندگ انت که بلوچستان ءَ آباد کنگ ءَ انت. چه يک نيمگے شيهه مذهب ءَ په زور
شنگ ءُ تبليغ کنگ انت چه دگه نيمگے مئی مسيتاں لمبيننت ءُ بلوچ نيکراهی رهدربراں دستگر کننت، پاهو اش دينت ءُ بهتام جننت که « بلوچ وهابی» هکومت ءِ هلاپ انت. چه يک نيمگـے زابلی يان پرمائيت تنکه بلوچاں ازاب بدينت ءُ زند ءَ په درستيں بلوچاں تنگ تر بننت چه دگه نيمگے شپ ءُ ر وچ
ماں دولتی ميديا جار جننت که بلوچ اشرار شيهه ءَ زابلی ياں کشگ انت.
هرچـے هکومت ءِ رستری، مردم کشی ءُ دوتل ءُ دوپوستی ءِ باروا به نبيسيں اے کسه دراج تر بيت
.
بلوچ ورنايـــاں! تهران ءِ زالميں واکدارانی رستری کارکردانی پســـو هوربندی جد ءُ جهد انت. هما جد ءُ جهد زلوری انت که ما را چه اے جاوراں به رکينيت. ماں اے راه ءَ هر پيميں تاکتيک جايز انت
هکومتـــی رستراں مئی سرا هلگر کرتگ ءُ مئی ملک اِش دست گپتگ ءُ مئی زند اش چه جهندم ءَ گنتر کتگ. ما په وتی هستـــی ءُ کومی وجـــود ءِ پهريزگ، مذهب ءُ ملک ءِ آزاد کنـــگ ءَ پاد آيـــگی انت. جاهليـــں زابلی ءُ هونواريـــں پاسدارانی ديم ءَ په بلوچ پسگان سرجهلـــی ننگ انت. ما په وتی انسانـــی حقانـــی گرگ ءَ پاد آتکگيـــن ءُ آ هاں په ناحق ما را « تا ابد» وتی گلام دارگ ءِ واب ءَ گندگاينت.

ه‍.ش. ۱۳۸۹ اردیبهشت ۱۴, سه‌شنبه

مافيايی سپاه ءُ رستـریں اطلاعات ءِ پـدّريـــں انسان دژمنــی

مافيايی سپاه ءُ رستـریں اطلاعات ءِ پـدّريـــں انسان دژمنــی


گوستگیں روچاں مافيايی سپاه ءُ تهران ءِ کٹريں شيهه واکدارانی جاهليں چگل ءُ انسان دژمنيں جاسوس ماں کويت ءَ پاشک ءُ رزوا بوتنت. کويت ءِ پليس گيش چه چارده چگل ءَ دستگرءُ بندی کرتنت..
کويت ءِ کومـی ديوان ءِ ته ءَ گپ ءُ تران بيگ انت که ايران ءِ سفير ءَ دربکننت ءُ ايرانی
چگل گس ( سفارتخانه ) ءَ ماں کويت ءَ بند انت.
چنت ماه ءَ پيسرتر ءَ هم بحرين ءِ ته ءَ ايرانی چگل ءُ چاروگ رزوا بوتنت ءُ بحرين ءِ شيهه يں وزيرے چه بحرين ءِ هکومت ءَ در کنگ بوت.
تهران ءِ تهارپگريں واکدارانی دسمانجنی ماں همساهگيں ملکان ءُ مافيايی سپاه ءِ ابليسی کاراں په واکدارتر بيگ ءَ نوکيں هبرے نهنت. بلئـے ايران ءِ چاروگانی رزوا بيگ پيش داريت که بيد چه جيش مهدی ءِ مقتدا صدر ماں عراق ءُ حزب الشيطان ءِ حسن نصرالله ماں لبنان ءَ دگه لهتيں زرپرستيں عرب وت ءَ را بها کرتگ ءُ تهران ءِ واکدارانی گلامی ءَ کننت. وتی جند ءِ ملکانی ته ءَ کارهرابی کننت تنکه مافيايی سپاه ءُ تهران ءِ صفوی واکدار وتی شوميں مکسداں پوره بکننت.
بيد چه عربی ملکاں شمالی آذربايجان، اوگانستان، تاجکستان، اوزبکستان، شمالی ترکمنستان، کوردستان، پشتونستان، شمالی ءُ رودراتکی بلوچستان تهران ءِ رستريں واکدارانی چگلان ءُ مافيايی سپاه ءِ چگلی ءُ کارهرابيانی آماچ انت.
تهران ءِ زالميں واکدارءُ "حجتيه" ٹولی واب گندگاينت که ايران ناميں بنديجاه ءَِ مزنتر بکننت ءُ همساهگيں ملکاں مافيايی سپاه ءُ رستـریں اطلاعات ءِ پنجگانی چيرا بيارنت.


ه‍.ش. ۱۳۸۹ اردیبهشت ۱۳, دوشنبه

ایش انت «فرهنگ و تمدن » رژیم جنایتکار اخوندی


ایش انت «فرهنگ و تمدن » رژیم جنایتکار اخوندی