ه‍.ش. ۱۳۸۹ فروردین ۱۱, چهارشنبه

بلــوچــی سيــاهــگ ءِ راســت نبيســـگ ـ در ۴۶ـ۴۵






باريـں حامد کرزی دگه کارچے بلوچ راج ءِ بـَنــدِل جنــت؟

سـرمچـار تربيون ءَ هال دات که پنجاپی واکداراں چه حامد کرزی ءُ اوگانستان ءِ هکومت ءَ لوٹتگ که واجه براهندگ بگٹی ءُ سئے دگه راجی جهدکاراں پاکستانی رستریں واکدارانی دست ءَ بدينت. پاکستانی واکداراں تماه هست انت که طالبان ءِ "برادر" ءِ بـدل ءَ حامد کرزی پدا بلوچاں دگه کارچے ماں دلاں بجنت. دريگتیں کرزی ءُ آدگه پٹان چشیں زيادتی ءُ زلمے بلوچانی سرا مه کننت. بلئے اگاں براهندگ گوں آدگه جهد کاراں ماں اوگانستان ءَ انت ءُ اوگانستان ءِ زرپرستيں چاروگ آيانی بنـدر ءُ جاگهاں زاننت، گڑا زانگ نه بيت که پٹانان ءُ پنجاپی رستراں کدين ءُ چونکا دگه مزنيـں تاوانے بلـوچ راج ءَ بدينت

پــَنــت

پــَنــت


پســّـگ منــی پســّگ منــــــــی
بيا مـــن تـــرا پنتـــــــے ديـــان
ميريں بلوچ، نام ءَ مـِـرايــــــــت
بے لـــجّ په نانـی لـُـنکهــــــــے
زلم سگــّـگ ءِ هيل ءَ مزيــــــر
دستــاں مه بنــد پاداں مـه کـــپ
زوراک ءُ زلـــم ءِ رستــــــراں
ڈنگ ءُ په زور راج مستــــراں
گـرّیں ڈ لــوک ءَ گـــــوں به ڈل
هون اِش دلءِ تلکـار به بنـــــت
ماں جهنـــدم ءَ اوگـــار اِت اِش
تا که پــدءَ تيجــار مـه بنــــــت
پســّـگ منــی پســّگ منــــــی
گوانک انت ترا ماتیں وتــــــن
پادا بلوچ همــــــــت بکــــــــن
گون زالم ءَ شــدّت بکــــــــــن
يا په هـيـــا زندگ ببئــــــــــے
يا اِزّت ءِ مــوت ءَ بـــه مـِـــــر
يل دئيت منی شيريـــں يـــلاں!
مهرنگيــں جـــود ءُ تلمــــــلاں
گرند ءُ گروکے روک کــن اِت
اے بانڈماں بيگـــواه کــــن اِت
کلپیں سراں گــڈاں کنيـــــــــت
هون ءِ زِر ءَ بـُـڈاں کنيــــــــت
تو بـزّگ ءُ راج گژنگ انـــــت
تو جان دَرءُ راج بْرهنگ انـــت
ننگ ءَ وتی پولنگ مه کـــــــن
نئی گيرتءِ چکّاســگ انــــــت
تئی گلزميں، باگ ءُ چمـــــــــن
تئی گريشگ ءُ بيگواهيــــں ڈن
تئی مکئيـــں ماتيــــــں وتــــــن
چه تو همے دلمانـگ انـــــــــتپ
پســّـگ منــی ســــاه ءِ بــــدل!
پســّـگ منــی زِرد ءِ گــــــزل!
چم شانکے پـُشت ءَ هم بدئــے
زان ئے کـُجام ول ءِ برئــــــے ؟
چونيــن پتـانی پُشپـــــــدئــــے ؟
تو چاکـــــر ءِ اوبـــادگ ئـــــے
مير بوهـِــرءِ شهـــزادگ ئــــے
سنـج ءُ سگــــاراں اگـــدوئــے
کـُلّ ءِ دپ ءَ تئيــگ ءَ مــــُــدام
باهوٹ بادشـاه بوتـگ انــــــت
کوٹ ءُ کلاتــانـــی تــــــــــــه ءَ
يک روچےتو هم بوتـگ ئـــے
پســّـگ منــی پســّگ منــــــی
پنت ءَ مجيد ءِ گوش بــــــــدار
هـکّ په هبر گپـت نه بنـــــــت
دانکه مه بيت دست ءَ ســــگار
هکّ ءَ مه لوٹ هک ءَ به پــــُل
لانک ءَ به بند تير ءُ کتـــــــــار
بوشت، دژمن ءَ پرجـَن تـــــوار
تئی بنت ملک ، مـِســکیـں ڈگـار
استـاد عبـدالمجيــد گـــوادری

ایش انت «فرهنگ و تمدن » فارس شیعه

ایش انت «فرهنگ و تمدن » فارس