ه‍.ش. ۱۳۸۸ اسفند ۸, شنبه

ســـــــــوره اخــــــــــلاص















دگه برزیں سرے، مکاريں دژمنــان ءِ « مذاکرات» ءِ دام ءَ کـپـت

پدا مير دوست محمد خان ءُ مير نوروزخان ءِ شهادت ءِ يات تاجگ بوتنت.
پدا دادشاه ءِ پارسیں قاتلان گل ءُ شادان بوتنت ءُ ڈنــّی یں پارس ماں دزآپ ءُ پهـره ءَ ناچ ءُ سهبــت کرت.سرمچارعبدالمالک بلوچ ءِ دستگر ءُ بندی بيگ ءِ پدردکنوکیں هال ماں دگنياے ءِ ميدياے ءَ شنگ بوت.
گـوں هزاراں اپسوز ديستیں که يکرندے دگه بلوچستان ءِ برزیں سرے رند چـه « مذاکره» گوں دژمـناں، تهران ءِ بلوچ دژمنیں واکدارانی دست ءَ کپت.البت اے رندا امريکی واکداران ءُ پاکستانی بلوچ کشان ءُ زرپرستیں اوگان گوں آهانی چاروگی ءُ سلهبندیں چگلی اداره ياں اے بلوچ دژمنیں کارءَ کرت ءُ واجه عبدالمالک ءَ په رپک ءُ پندل دستگـر کرت ءُ تهران ءِ مافيايی واکداران ءِ دست ءَ دات.
اے کار يکرندے دگه پيش داشت که بلوچ سرمچاران ءِ دلجم تریں پُشــت ءُ پناه بلـــوچ مهلـــوک ءُ بلوچستـــان ءِ کـــوه، ماتکـــوه ءُ برزيـــں تيهــران انت.
گـــوں اے تروريستـــی کارکرد ءَ بزاں سروکـــے ءِ دستگـــر ءُ بنديـــگ کنــگ ءَ بلوچستــان ءِ راجی ـ نيکراهی ( مـلی ـ مذهبی) جد ءُ جهد نه اوشتيت. .بايدانــت بلوچستــان ءِ راجدپتر ءِ چشيــں ماجينيــں ( کچلیـں، تهلیـں، جـَـوريـں ) تجربه ياں کارمرزکنـگ به بنت تاں دگه چـستيــن ءُ برزيں راجی سـراں اے پيـم ءَ تاوان مه بنــت.
پروشت ءُ پروش بات تهـــران ءِ شيعــی ـ فاشيستــی حکومــت
آزات ءُ آبــاد بات گنجيـــــں بلوچستـــــان
محمـد کريـم بلـــوچ

واجه محمد ظاهر بلوچ جنبش ءِ نوکیں سروک


جنبش مردمـی جندالله ماں شنگ کتگيں جارے ءَ بنديگيں عبدالمالک بلوچءِ جاه ءَ واجه محمد ظاهر بلوچ ءَ جنبش ءِ سروک ءُ رهدربر نامينت . ماں همے جار ءَ جنبش ءِ سروکاں کول کتگ که تهران ءِ رستری هکومت ءِ هلاپ ءَ جنبش ءِ جد ءُ جهـد ءَ گوں ترندتریں وڑ ءُ تاکتيکاں ديما برنت.

ه‍.ش. ۱۳۸۸ اسفند ۴, سه‌شنبه

بلوچ مکئيـں ماتـاں سدانی سد عبدالمالک رودينتگ


پاکستان ءِ رستریں پنجاپی يان ءِ بلوچ کشیں چاروگی اداره يان ءُ اسلام آباد ءِ بلوچ دژمنیں هکومت، پرنگی چگلاں ، هورگـوں اوگانستان ءِ زرپرستیں چاروگا نی همکاری ءَ

سروک عبدالمالک دستگر ءُ تهران ءِ چگلی اداره ءُ انسان دشمنيں مافيايی سپاه بزاں ايرانی فاشيستانی دست ءَ ديگ بوت

رستریں ايرانی ءُ جلاديـں پنجاپی ياں، اوگانستان ءِ زرپرستیں چاروگا ن ءُ پرنگی چگلاں گوں اے تروريستی کارءَ پيش داشت که بلوچ دژمن ءُ ميان استمانی تروريست انت.

اگاں چه بلوچ کوم ءِ سرمچارءُ مزاربيمیں عبدالمالک ماں رسترانی کورچاتاں بنديگ بوت بلے بلوچ کوم ءِ تاريخی جد ءُ جهد په آزاتی ءُ وتی هکانی گــِرَگ ءَ هچبر نه اوشتيت ءُ بلوچ مکئيـں ماتـاں سدانی سد عبدالمالک رودينتگ

ه‍.ش. ۱۳۸۸ اسفند ۳, دوشنبه

ســـاه کنــــدن



ارواہءِ چیھانٹاں سرا زرتگ
کرّاَنت تئی گوش و منی گنگ اِنت زبان
تو چو بدل زرتیں زبانءِ منّتءَ بے باورئے
من چو زمین جنبانی قھریں نیتءَ پیداوراں
تو پہ سگارانی گپتگیں کوٹ و کلاتاں گل ئے
من پہ پتی میراث و ماتیں گلزمینءَ تلوساں
من آدمءِ اوبادگاں
مھرانی ھکیں وارثاں
راستے کہ تئی سوبءَ منءَ مرکی کتگ

شاتءِ کہ تئی زوراکیءَ مرچی پدا زندءِ یلیں بچے جتگ
بچ آجوییءِ
بچ ایمنی
بچ گلزمینءِ دیدگ و زردءِ مرادبچ دیر مانیں شادہءِ شوھازگءِ مُزدءِ مُراد
بچ زندءِ مھرءِ مُجتی ارمان مستاگءِ عذابءِ آسرءِ

تو پہ سرانی گڈاگءَ زندءِ ھیالانءَ کشے؟
پہ سندگءَ داشت کنے پُلان چہ بُوّ تالانیءَ؟

مرکءَ منی لوٹے تو ارواہءَ بکُش

کوشءَ منی ساڑائے مھرءِ واھگاں پاھو بدۓ
بیگواھیءِ زھرءِ بکن، رژنءَ منیگءَ ایرجیگ
زانتءَ بکن تیرءِ نشانمن پہ مرگ گار نباں
مھراں کہ آوار نبان

داں عاقبت ھست منی گامانی رَند

داں زند بیت روک اِنت منی ھونانی لیک
مرتگاں تو ھم مرئے، تو زندگءِ من زندگاں
بلوچستان ءِ مزن شاعر واجه عطاشاد

بلــوچــی سيــاهــگ ءِ راســت نبيســـگ ـ در ۴۰

چـار کورد ورنا ماں سردشت ءَ شهيد بوت اَنت


کومله ءَ جارے شنگ کرت ءُ گـوں بژن ءُ اپسوز ءَ هال دات که آ هوربند ءِ چار مردم ماں کوردستان ءِ سردشت دمگ ءَ تهران ءِ سلهبنــد ءُ رستريـں چاروگانی دست ءَ کشـگ بوتگ اَنت. کوملـه ءَ جار جتگ که چاريں کورد هَـندی چاروگان ءِ چگلی ءِ سوب ءَ بيد تپنگ ءُ سلاه ءَ ماں فاشيستیں پارس چاروگانی دام ءَ کپتگ ءُ شهيد کنگ بوتگ اَنت.

ه‍.ش. ۱۳۸۸ اسفند ۲, یکشنبه

دلپـــــدردی


استاد کمالان ءِ بيرانی ءِ هال توامیں بلوچ ءُ بلوچستان ءِ زباندوست، شائر، ندکار، گشنده ءُ موسيقی دوستیں انساناں پدرد ءُ سوگيگ کرت. چشیں بے دروَريں مردمے ءِ وفات په ملک ءُ ايردستیں بلوچ راج ءَ بلاهيــں تاوانـے انــت.

استــاد کمالان، کلاسيکل شئيرانی گران کيمتين ءُ مزنیں ادبی گنج، بلوچستان ءِ مردم پسندیں توارءُ کلاسيکل الهان په بلوچی زبان ءِ زندگ دارگ ءَ ابدمانين ءُ نه شموشگی هزمت کرتگ. اگاں چه گوں هر پيمیں سکـّی ءُ نگيگی ياں ماں اے راه ءَ ديم په ديم بوتگ بلے په وتی ماتی زبان ءَ په شهديں بلوچی ءِ زندگ دارگ ءَ هچ ديمپانے آيی ءِ ديم ءَ داشت کت نه کرت .
گوں الله تعالی پريات کنوں که هدامرزی ءِ جاه ماں جنـّت ءَ بات ءُ آيی ءِ آزيز ءُ سياد ءُ مهلوکاں کوهیں اوپارے به ديات.
محمد کريم بلوچ

قـــــــــــــول


گـوں جذبـه ءُ جـــــوش ءَ تـران کنــن ما عهــد ءُ قســم پيمـــــــان کنــن
حونــان ءَ وتــــــــــــی ريچــــان کنــــن جـانــان وتـــــی قربـــان کنــن
برز نام ءُ بلــــــــــوچ ءِ شان کنــــــــــن مـا عهـــــد کنيں پيمــان کنــن

آزات بلوچستــــــــان کنـــــــن

چو مرد ءَ بنـــــدين سرينـــــان ءَ اچ ميان ءَ کشيـــــن زحمـــــــــان ءَ
چو شير ءَ زوريـــــن گامـــان ءَ گون پادان پروشيــــــن کوهـــــــان ءَ
چو درياب ءَ طوفـــــان کنــــــن مـا عهـــــد کنيں پيمـــــــان کنـــــــن

آزات بلوچستــــــــان کنـــــــن
او شوانـــــگ ءُ بگجـــــت ءُ آزاران او بــز گ ءُ پهــــــــوال نـــاداران
او بــزگر ءُ مـــــزدور لاچـــــــاران او گشنگ ءُ بے شام بيمــــــاران
ما نوکيـــــن زنـــــدے جوان کنـــــن مـا عهـــــد کنيں پيمــان کنـــــــن
آزات بلوچستــــــــان کنـــــــن

بلوچستان ءِ شائر، زبانزانت، ندکار ءُ کواس نميرانين آزات جمالدينی

پهـلــوان کمالان بيـران بـوت.


بلوچستـان ءِ وش تـوار ءُ کلانيـں وش گشنـده، بلوچی ميوزيک ءُ کلاسيـکل شئيرانی استاد ءُ پهلـوان نادراهـيانی ســوب ءَ مـاں چهبـار نادراهجاه ءَ ساه دات.هدامـرزی کمـالان که بلوچی کلاسيکل شئيران ءِ دل پسنديں توار ءُ وشیں الهان اَت گوں وتی ابدمان ءُ بے دروریں توار ءَ پـه بلوچی زبان ءِ زندگ دارگ ءَ مزنیں کارکردے بوتگ. تپتان نيوز استاد ءِ بيرانی ءَ مزنیں تاوانے په بلوچی ميوزيک، بلوچی زبان ءُ بلوچستان ءَ زانت ءُ چه پاکیں پروردگارءَ لوٹيت که استاد ءِ لوگ مردم، سياد ءُ وارساں اوپار ءُ تهمبــل گيش بات

بےگناهيں حاجی دادالله مرادزهی بيد هچ ميار ے ءَ پاهو ديگ بوت


رستريں هکومتی جلاداں حاجی دادالله مـرادزهی ءَ رند چه دراجيں مدتے ءِ شزا ءُ ازاباں پاهو دات. شهيد حاجی دادالله مرادزهی که مردم دوستں کماشے اَت هکومتی يانی بے بنياتیں شک ءُ شهبه ءِ سوب ءَ دستگر ءُ بندی کنگ بوتگ اَت. رستريں شزاديوکاں چه آ شهيد ءَ لوٹتگ اَت که به منّ ايت جندالله ءِ مردم انت ءُ اگاں بلوچ سرمچاران ءِ هلاپ ءَ گوں بلوچ دژمنیں هکومت ءَ همکاری بکنت يله کنگ بيت.
مزاریں حاجی دادالله ، ڈنــّی يـں رسترانی هچ هبرےءَ نه منّ اِتوتی زند ءُ ساه ای ندر کرت بلے سرمچارانی هلاپ ءَ گوں بلوچ کشیں ڈنـّـی يان هم دست نه بوت.شهيد حاجی دادالله گوں وتی اوشت ( استقامت)، اوپارکشی، مردم داری ءُ شهادت ءَ ماں بلوچستان ءِ جد ءُ جهدانی راجدپتر ( تاريخ ) ءَ ابدمان بوت

ماتــی زبان ءِ ميــان استمـــانی روچ مبــارک بات.


تپاکیں راجانی هوربند ءِ "يونسکو" اوسپـان ءِ اولی روچ ( ۲۱ فروری ) ءَ ماتی زبان ءِ ميان استمانی روچ نامينتـگ.
چـه عيسايی ءِ ۱۹۹۹ سال ءَ همک سال ءَ اے روچ ماں دگنيا ءِ کنڈ کنڈ ءَ جشنگـرگ بيت. بلئے ايران ءِ واکدار مـرک منّ اتگ که زبان تهنا پارسی انت ءُ درستیں ايردستیں راج چوش که کورد، تورک، تورکمن، عرب ءُ بلوچ بايد انت وتی کومی زباناں انگار بکننت ءُ همے بے دریں زبان بزاں پارسی ءَ به نبيس اَنت، بوان اَنت ءُ گپ بجننت.
البت اے شادهی ءُ بازمزنیں گپے انت که جاهل ءُ شونيستیں پارس واکداراں په بلوچی، کوردی، ترکمنی، ترکی ءُ عربی ءِ گار کنگ ءَ کامياب نه بوتگنت. هشتاد سال ءَ گيش انت که مئی ماتی زبان پارس شونيستانی کينگانی آماچ انت بلے انگت ءَ سبزانت ءُ بلوچ زبانزانت، ادبی کـوّاس، شائر، نـدکار ءُ وش گشنده يانی مهنتان ءِ برکت ءُ بروردءَ مروچی شهدیں بلوچی سبزتر بوان انت. شهـديں بلوچی مئی ماتی زبان انت ءُ وتی شاهگانيــں ماتـی زبان ءَ گوں کتابت يا گپ کنگ ءَ زندگ به داریں پر چے که شهديں بلوچی يکــے چــه مئی راجی پجــّار ءِ بـُن هشتان اِنـت. گـوں بلوچی زبان ءِ ياتگيری، وانگ ءُ وانينگ ءَ په وتی کومی ديمروی ءَ کوشست بکنی

ه‍.ش. ۱۳۸۸ اسفند ۱, شنبه

بلــوچــی سيــاهــگ ءِ راســت نبيســـگ ـ در ۳۹








تهـران ءِ رستریں واکداران ءِ مين کـِشــی ماں بلوچ گلزمين ءَ


تهران ءِ رستریں وکداراں بلوچ دژمنیں سپاهيگ ءُ بسيجی ياں ماں بلوچ گلزمين ءَ پرمائيتگ تانکه په مئی سرزمين ءِ گيشتر ويران کنگ ءُ گيشترهونريچی ءُ مردمانی کشگ ءَ ميـن بزان کل کنگی بمب به کـِش اَنت.
تپتان نيوز ءَ هال رستگ که رباط ءُ ميرجاوه ءِ نيمگ ءَ بازيں مينے کل کنگ بوتگنت ءُ دو شپانک چه همے مينانی ترکگ ءِ سوب ءَ شهيد بوتگنت

تفتان نیوز فارسی نوکین آدرس


http://taftan313.blogspot.com/

ه‍.ش. ۱۳۸۸ بهمن ۲۹, پنجشنبه

اَے بلوچاں اتحاد پہ وشیں روچـــــاں اتحـــــــــــاد


زندگوازینگ نہ بیت ،مھتاجی ءُ چَمــــــــــــــداریءَ
وشدلیں باریگ نئیت پہ نندگ ءُ رھچــــــــــــــاری ءَ

گوانک جنت ساحر شما را درتگ پچیں پادشپـــــــــاد

اَے بلوچاں اتحاد پہ وشیں روچاں اتحــــــــــــــــاد

بلوچستانءِ نامداریں شائر واجہ مراد ساحر

ديمـــــا قـــــدم


قـدم قــدم رواں ببــــــت ــ دليـر و پهلــوان بـبــــــــت

په شان مادر وطـــــــن ــ فدا گوں جسم و جاں ببــــــت

په نام و ننگ آبـــــرو ــ ســرا وتــــی دياں ببـــــت
غلامی ءَ چه درکپيـــــت

قدم قدم رواں ببــــــــــت

گر آسماں شمئے ســـــرءَ ــ پرشته پر غضب ببيـــــت

گرند و اَور و بـــــرق و باد ـ تهار و تيره شب ببيـــت

زمين ببيت چو آچـــــش ءَ ـــ زمانــه بــے ادب ببـيـت

ولے شمـا په مـنــــــــزل ءَ

قـدم قـدم رواں ببيـــــــــت

ببيت اگر شمئے ســـرءَ ـــ غضب غضب ، ستم ستم

گوں تيگ ءِ ظلم و ظالمی ــ ببنت سر شمئے قلــــــــم

رَوِت شما چو بے خطـــر ــــ پدا شمئــے مبنــت قـــــدم

گوں خاک و خون تر بتــر

قــدم قــدم رواں ببــــــــــت

تپنگ ءِ تير و توپ و بـم ــــ شمئے سرءَ په گـــــوارگ ءَ

دل و جگر ببنت دو کــپ ــــ نظر مبيـــت په چــــــارگ ءَ

رواں ببنت جوئــے خــون ـــ فلــک بکــنت نـــــــدارگ ءَ

بهشت ءِ حور و مـــــــاڑی ءَ

قــدم قــدم رواں ببـــــــــــــت

اے زندگــــی غلامــی ءِ ــ په مومناں حــــرام حــــرام

نشان نه اِنت اے مـومـن ءِ ــ ببيت کافــــرءِ غــــــــلام

خبـــر نگشتـــه اَچ وت ءَ ــ نصيــر گشته اَچ کـــــــلام

په مؤمنــــــانی منــــــزل ءَ

قــدم قــدم رواں ببــــــــــــت
مير گلخان نصير




تپتـــان: ديمـــا کـــدم ءِ شئير چــه نميرانيـــــں
مير گلخان نصيرءِ اولی شئيـــرانی دپتــــرانت.

ه‍.ش. ۱۳۸۸ بهمن ۲۸, چهارشنبه

بلــوچــی سيــاهــگ ءِ راســت نبيســـگ ـ در ۳۸ ـ ۳۷

رستریں احمدی مقدم ايرآپ ( دزآپ) ءَ آتک


رستریں احمدی مقدم که يکے چه هکومتی مافياے ءِ بلوچ دشمنیں سروکان انت پـدا ايرآپ ءَ آتکگ ءُ چارشمبه ءِ روچ ءَ وتی دل ءِ سوچک ءَ چه بلوچ سرمچارانی دست ءَ گـوں هکومتی هالرساناں درشاں کت. رستریں ڈنـّی احمدی مقدم گـوں پندل ءُ مکـّاری، بلوچ سرمچاران ءَ امريکاے ءِ مردم زانت ءُ گشـت که بلوچستان ءَ امن کنت. البت آ مردک ءِ مکسد ايش انت که بلوچستان په ڈنـّی یں پارس ءُ هونواریں زابلی ياں امـن به بيت.اے وابے انت که ڈنـی ياں هشتاد سال انت گندگاينت بلئےدلجم به بنت تاں وهدے که بلوچستان په بلوچ کوم ءَ
نا امن انت گڑا ڈنـّی ياں هم کترهے آسودگی نسيب نه بيت. ڈنــّی یں پاسدار، هونواریں بسيجی، جلادیں سپاهيگ، بے دریں مرسادی، رستریں زابليءُ کٹریں شيهه که مئے بلوچانی زند اِش ناامن کرتگ بايدانت چه مئے گلزمين ءَ در به بنت. آ روچ نزيک بيگ انت که بلوچستان چه ڈنی یں پارسانی پليتيں پنجگانی دست آزات به بيت ءُ بوت کنت که گڈسرا رستریں احمدی مقدم ءِ هال ءُ روچ چه مـرداریں شوشتری ( برزیں بــُت ) ءَ گنتـــر بيت

زیراِت تفنـــــــگءَ


زیراِت تفنـــــــگءَ
زیراِت تفنـــــــگءَ


پہ راج ءِ ننـــــگ ءَ
بیلاں ببیت نــــــوں

جاڑیگ پہ جنـــگ ءَ
منّاں کہ ظلـــــــــم ءِ
شپ سک تھــار انت
روک اِنت چراگــے
ماں زرد ءِ کــــــلءَ
واھگ سرپان انـت

چو آسمـــــــــی پُلّ ءَ
عيــب انــت غـلامــی
پہ مــا مدامـــــــــــی
دارگ نہ بنت نـــــوں
واھگ دلانــــــــــــی

گوں راج ءَ قول انــت
ریچیں ما ھونــــــاں

**********
******
*****
***

**

شئیر ھلاس نہ انتشئیر چہ راجی شائر واجہ بشيــر بيــدار

بيگناهیں بلوچ کاسبکارانی سرا تيرگواری


تـوار روتاک ءَ هال دات که رستريں ايرانی سپاهيگاں ماں تپتان ءَ بيگناهیں بلوچ کاسبکارانی سرا تيرگواری کرت ءُ ۲ نپراش زدگ کرتگ. بلوچانی هپت هشترماں تيرگواری ءَ کشگ بوتگ اَنت.

ه‍.ش. ۱۳۸۸ بهمن ۲۶, دوشنبه

بلــوچــی سيــاهــگ ءِ راســت نبيســـگ ـ در ۳۶ـ ۳۵ـ ۳۴

ابليسيں خامنه ای ءُ سپاه ءِ مافيايی هکومت ءِ تهــاریں دؤر آسر بيگ انت.







اے بـُـتاں ( اکساں ) گوگلءِ سايتلايت ءَ چه برزءَ گپتگ اَنت که ايران ءِ مافيايی هکومت ءِ پندل ءُ دروگاں ۲۲بهمن ءِ باروا شــر پيش دارنت. چه رستريں خامنه ای بگر تاں دگه مافيايی سروکاں په دروگ گشتگ که " دهها ميليون" په هکومت ءِ پشتداری ءَ ماں ۲۲ بهمن چه وتی لوگاں درآتکگ ءُ ماں تهران ءُ دگه مزنیں شهراں جم بوتنت. بلئے همے دروگاں هم پيش دارگ انت که ابليسيں خامنه ای ءُ سپاه ءِ مافيايی هکومت ءِ تهــاریں دؤر آسر بيگ انت.

ه‍.ش. ۱۳۸۸ بهمن ۲۲, پنجشنبه