ه‍.ش. ۱۳۸۸ بهمن ۱۱, یکشنبه

موسوی ءُ کروبی نارازیں ورنايانی پاهو ديگ ءَ ايرجت انت.


.بی بی سی ءَ هال دات که موسوی ءُ کروبی هوری ءَ نارازیں ورنايانی پاهو ديگ ءَ ايرجتگ.

.چاربے گناهیں بلوچ ورنا ماں ايرآپ ءَ دستگر بوتنت


ايرنا ءُ پاسداران ءِ بلوچ دژمنیں هالرسان ءَ هال دات که چارسلهبنديں بلوچ ورنا ماں ايرآپ ءَ دستگر بوتگنت. رستريں چـاروگ ءُ سپاهيگ چاربے گناهیں بلوچ ورنا ے ءَ گوں سلهبند بيگ ءِ نيمون ءَ دستگرکرتگ تنکه بگوشنت که سلهبنديں بلوچ سرمچاراں گوں سلاهاں گـرگ بوتگنت. سلهينديں بلوچ سرمچاراں ماں بلوچستان ءِ هر نيمگ ءَ په جوانی ءَ پيش داشتگ که آ مزاربيميــں بلوچ ورناياں جنگ دينت ءُ شهيد بنت بلئے وت ءَ گوں پـُـرّیں سلاهاں دژمن ءِ پليتیں دستاں نه دينت

بلــوچــی سيــاهــگ ءِ راســت نبيســـگ ـ در۲۹

دو سياسی بنديگيں ورنا پاهوديگ بوت انت


دو سياسی بنديگيں ورنا محمد علی زمانی ءُ آرش رحمانی پور پشمبه ۸ بهمن ماه ءِ بامگاه ءَ پاهو ديگ بوت انت. اے بے گناهيں ورناياں رند چه دروگيں گچينکارياں دستگر ءُ بندی بوتگت انت

گـــــوں ظالـــــم و سرزوراں نہ بیت گپ و حبـــــر

گـــــوں ظالـــــم و سرزوراں نہ بیت گپ و حبـــــر
رحـــــم ءَ پہ، عـــــرض گوئریشـــــاں تو مبـــــــر
گـــــر عاقـــــل و دانــا و گــھ و ســـــرحــا لــــــے
چیشـــــاں بگر حقـــــاں وتی گوں تیگ و تبــــــــر
نمیرانیـــــں میر گل خـــــان نصیـــــر

گيش چه چل ( ۴۰ ) بيگناهيں بلوچ دستگر ءُ بندی بوت انت



بلوچستان ءِ انسانی هکـّـانی جهد کاراں هال دات که گيش چه ۴۰ بلوچ ورنا ماں گوستگیں روچاں ماں بلوچ سرزمين ءِ شهر ءُ دمگـاں دستگر ءُ بندی بوتگ انت. ايران ءِ پليسءُ پاسدار اے بنديگیں بلوچانی سر ءَ شپکی، بڈکی ءُ اشراری ءِ بهتام جتگ.


ه‍.ش. ۱۳۸۸ بهمن ۷, چهارشنبه

اداں الاحواز انت











الاحوازعربانی بن پیروکی ڈیه انت که پارس ڈنی یان هشتاد ءُ سئے سال انت زوربرد ءُ وتیگی کرتگ الاحواز ءِ سرزمین چه نپت ءُ گیس ءَ پـُر انت.. بلئے پارس ڈنی یاں الاحواز ءِ مهلوک ءَ چه وتی مال ءُ مڈی ءَ په بیه زبهر کرتگنت. الاحواز ءِ آمدنی چه نپت ءُ گیسءَ تگارلاپیں آخوندان ءِ پراهیں کیسگان ءُ پارس زرداران ءُ سپاه ءِ مافیایی سروکان ءِبانکی شماره حسابان پرتر ءُ پرتر کننتهمک سال ءَ میلیارداں دلارماں تهران، اصفهان، شیراز ،یزد ءُ آدگه پارس منندیں شهر ءُ دمگاں په پارسیان ءِ گهبودی ءَ هرچ بنت ءُ لبنانی حسن نصرالله گون وتی ٹولی ءَ چه الاحواز ءِنپت ءُ گیس ءِ دزتگیں زراں سرآگاه ءُ زردار اَنت بلئےهزاران الاحوازی عرب ءِ زندجاورهمش انت که بتاں (عکسان) پیش دارگ انت.

بلــوچــی سيــاهــگ ءِ راســت نبيســـگ ـ در۲۸

ه‍.ش. ۱۳۸۸ بهمن ۴, یکشنبه

بلوچ ورنا خدايار رحمت زهي شهنوازی پاهو ديگ بوت.


سنی نيوز ءَ هال دات که بلوچ ورنا واجه خدايار رحمت زهي شهنوازي شنبه ءِ بامگاه ءَ ماں ايرآپ ( دزآپ، زاهدان ) ءِ بنديجاه ءَ پاهو ديگ بوت.

شهيد خدايار رحمت زهي شهنوازي چار سال پيش ءَ بے هچ گناه ءُ ميارے دستگر بوتگت. آ پاکيں شهيد رند چه نماز جنازه ءَ ماں واش ءَ تپتان ءِ نزيک ءَ کبــر ءُ جاه بوت.

تهران ءِ رستریں واکداراں گوں بلوچستان ءِ زانتکاریں پسگـانی کشتار ءَ بلوچ ءِ کينگاں گيشتر کننت. هما آچشی کينگ که الم ءَ يکروچے ڈنی پارس ءُ رستريں زابلی يان ءِ وجود ءَ ماں بلوچستان مان داريت ( آس کشيت ).

رستریں پاسدار يحيی صفوی : "سيستان و بلوچستان" ءِ امن کنگ سپاه ءِ اگــده انت.


هکومتی هالرسان ايرناے ءَ هال دات که مافيايی پاسدار صفوی که ماں زابل ءَ گوں لهتے هکومتی مردم گپ کرت ءُ گشت که "سيستان و بلوچستان" ءِ ناامنی ءِ ســَوَب همساهگیں ملکانی نا آرامی انت. آيی ءَ گشت که مافيايی سپاه په اے استان ءَ امـن کنگ ءَ چه کته کاریں پاسداراں بهر زورايت. اے رستریں بلوچ دژمن ءِ گپانی مانا ايش انت که ماں گوستگیں سی سالاں وڑ وڑ یں هکومتی رپک ءُ پندل گوں هزاراں پليس، پوجی، بسيجی، جهادی، هونواريں زابلی ءُ مرسادی ياں نتوانتگ بلوچ کوم ءَ گٹ تروس بکننت.پميشکا مافيايی سپاه که چه پيسرءَ هزاراں بيگناهيں بلوچ ءَ کشتگ ءُ کوشارينتگ گوں گيشتر رستريں پاسدارديم ءَ آتکگ انت تنکه په وتی مــن ّ ءَ بلوچ کوم ءُ بلوچ سرمچاران ءَ ولگوج بکننت. بلئے اے ناهودگیں وابے که آياں ديستگ

رستریں صفوی ءَ زانگی انت که بلوچستان ءِ ناامنی مستريں ســَوَب ڈنی يں پارس انت ءُ تاں اے رستراں مئے ملک ءَ يله مه دينت ءُ وتی پارس مننديں ملکاں مه روانت مئی ملک آرام ءُ امـن نه بيت
.
زانئے پلستين آرام ءُ امن بوت کنت تاں وهدے که هونواریں جهوداں اوداں رستری ءُ مردم کشی کننت؟

لهتيــں گــالان ءِ بــزانــت

بلــوچــی سيــاهــگ ءِ راســت نبيســـگ بيست ءُ هپتــمی درءِ گــُـــڈی ( آهـری ) تاکــديـم

پنت انت براتی


پنت انت براتی



بيلاں بيلاں درکپيت ديمــــــــــا ترنب ءِ توارنت جنگانـــــــــی

ريهتگنت دشمن ميتگ و هلکاں لج و مئيار نت ننگانـــــــــــی

مرچی مچارت موسم و وهــــد ءَ سنج و سلاحاں نــــــــــزآريت
بندت سلاحـــاں هر که په وس ءَ مجلس ءَ بهليت چنگانــــــــی

نميرانيں مير گل خان نصير

بلوچ سرمچاراں هکومتی چگل ءُ پاسدارے ءَ کشـت.


محمد صالح براهويی که کته کاریں چگل ءُ پاسدارے اَت ءُ بلوچ ءِ هلاپ ءَ گوں ڈنــّی یں پارس ءُ زابلی ياں هور بوتگت، بلوچ سرمچارانی دست ءَ ماں دومگ ءَ کشـگ بوت.

اے پاسدار گوں گيشيں زلم ءُ زيادتی ياں بلوچ مهلوک ءَ باز تاوانبار کرتگ . چنت رند ءَ اے پاسدار چه بلوچانی نيمگ ءَ مکن کنگ بوتگ اَت بلئے آيی ءَ بلوچ دژمنی ءَ بند نه کرت. بايدانت که آدگه رد وارتگيں بلوچاں چه اے چگل ءِ سکّيــں مـرگ ءَ درس بگرنت ءُ ڈنـی يان ءِ همراهی ءَ بند کننت ءُ ديمترا وتی جند ءِ بزگیں کوم ءِ دژمن مه بنت.

اگاں ناں گستاهيں محمد صالح ءِ پيم ءَ ماں بلوچ سرمچارانی بيرگيری ءِ آس ءَ سچنت.اگاں بلوچ سرمچاراں گوں لهتیں ردوارتگیں بلوچانی کشگ ءَ اشتاپ کاری نه کننـت اے چه ذمه واريــں بلـــوچ پسگانــی اوپارکشــی ءُ دورچــاری انــت. بلوچ سرمچاراں مروچی وتی جنگ ءُ جهدان ءَ هوربنـــدی ( سازمان يافته ) دابے ءَ ديم ءَ برگ انت ءُ بلوچستان ءِ هر کنڈے ءَ رستريں بلوچ دژمـــن ءُ ردوارتگيــں شومپالان ءِ ســر ءَ هلگـــر کت کننـــت.

ه‍.ش. ۱۳۸۸ بهمن ۳, شنبه

بلــوچــی سيــاهــگ ءِ راســت نبيســـگ ـ در۲۷

نمیرانیں کوّاس، شاعر، زبانزانت ءُ ادیب سید ظھور شاہ ھاشمی


راجــے کہ بہ بــیت گنــگ نہ ما نيــت نہ ما نيــــت
ما نـيــت پہ ادارکے بــزاں زنــدگ ءَ مـــــــــــردار

لهتيــں لبــزان ءِ بــزانــت

گوں ظالم و سرزوراں نہ بیت گپ و حبر
رحم ءَ پہ، عرض گوئریشاں تو مبـــــــر
گر عاقل و دانــا و گــھ و سرحــا لــــــے
چیشاں بگر حقاں وتی گوں تیگ و تبـــر

نمیرانیں میر گل خان نصیر

پنچ هزارهُـشتر ( اشتر) ماں جاســک ءَ کشتار بنت.


بلوچ دژمنیں پاسداران ءِ پارس هالرسان هال دات که جاسک ءِ شهرداری هورگوں "جهاد کشاورزی" ءَ وت ءَ را تيارکنگ انت تنکه کم ءُ گيش ( تقريبا) پنچ هزارهُـشترءَ ماں جاسک ءَ به کشنت.. جاسک ءِ شهرداری ءُ "جهاد کشاورزی" اے رستری کارءِ سوب ءَ اے جار جتگ که جاسک ءِ هشتراں بـِـرّ ءُ ويلیں هشتراَنت. هکومتی مردم ماں جاسک ءَ گوشنت که اے هشتراں شماره ( نمبر) هم نيست انت.تپتان: گوشگی انت که "جهاد کشاورزی" جاسک ءِ هشترانی رجسٹر کنگ ءُ نمبر ديگ ءِ ذمـه وارنت. بلئے ماں گوستگيں سئے سالاں آهاں شــَســت (۶۰ ) هشتر ءَ نمبر داتگ ءُ بس!.
هنــون اے ڈنــّی يــں رستراں که په بلوچ ءِ جان ءُ مال ءِ بربادی ءَ هــچ پرواه نه کننت په وت ءَ نيمونے اڈ کتگ تنکه هزاراں گــُنگــُداميـــں هشترءَ کشــتار به کننت. اے هشترانی کشگ ءُ زوال کنگ باز ناروا ءُ رستری کارے انت.

هچ بلوچے نئے ديستگ ءُ نئيکه اشکتگ که ڈنّــی دژمن اينکریں زوالکاری يکبرا بکننت. ايردستيں بلوچان ءَ چوشیں مزنیں مالی تاواں ماں هچ دؤرے ءَ ديگ نه بوتگ. اے ساهداراں بلوچ ءِ مال اَنت ءُ مزنیں ارزشے دارنت

هر کس که توانت "جهاد کشاورزی" ءُ جاسک ءِ شهرداری ءُ رستریں سپاه ءِ پارس ڈنــّی يان ءِ ديما بدار ايت وتی کوشست ءَ بکننت. تنکه اينکه گــُنگــُدام تاوان مه بنت.

انگت ءَ هست انت بے وسيــں بلوچ براس ءُ گهار که چه همے هشترانی شير، پژم ، پوست ءُ گوشت ءَ وتی گــزران کننت. باز جاگه ءَ په لڈ ءُ بار يا په ورگی آپ ءِ يارگ ءَ هشتراں ماں ملک ءِ سکــّیں زندجاوراں، په مئے مردم ءَ کــُــمَــــکـے اَنت

ه‍.ش. ۱۳۸۸ بهمن ۲, جمعه

بلــوچــی سيــاهــگ ءِ راســت نبيســـگ ـ در۲۶

بـے علم و ھنــر کس مــن جھاں شــات نہ بيــــــــت

بـے علم و ھنــر کس مــن جھاں شــات نہ بيــــــــت
بــے جھد و عمــــل ، ھچ کسے آبات نہ بيــــــــــــتی
ک ٹـکے گوئـــــــشاں ، ایشرا تو مھر بــــــــــــــدار
قربانــی ءَ بید ، تئـــی وطـــن آزات نہ بيـــــــــــــــت
نمیرانیں مير گل خان نصير

کورد کــوّاس احسان هوشمند ءِ لوگ بانـُک هم دستگر ءُ بندی بوت.


نوروز هالرسان ءَ هال دات که احسان هوشمند ءِ لوگ بانک ناهيد کـوه شکاف چارشمبه ءِ روچ ءَ مـاں تهـران ءَ دستگر ءُ بندی بوت. اے بيگناهیں جنیں آدم هور گوں وتی زانتکاریں لوگ واجه ءَ مـاں اويــن بنديجاه ءِ کورچاتاں بنديگ انت.واجه احسان هوشمند که سئے شمبه ءِ شپ ءَ دستگر بوت، ماں کوم پجــّاری پــڑءَ کـلانیں پٹ ءُ پول کار ءُ کته کاریں هوالکارے هم هست انت. هکومتی چاروگاں اے واجکارءِ کارگس ءُ لوگ ءَ پـِشکــرتگ ءُ آيی پٹ ءُ پولی نبشتانک ءُ کيمتی يں سياهگاں زرتگ ءُ زوربرد کتگ انت

سياسی بنديگاں ماں ايران ءِ کورچاتاں گيشتر بيگ اَنت


بی بی سی ءَ هال دات که بازیں سياسی مردم که چه هکومت ءَ نارازانت ماں گوستگیں روچاں ماں کاشان، قم، اهواز، گلستان، ساوه، يزد ءُ کهگيلويه بويراحمد ءَ دستگرءُ بندی بوتگنت.
تپتان: ايران ءِ سياسی بنديگاں چه هساب ءَ درانت. هچ کـَـس نزانت ماں اے بے کانود ءُ ويرانیں ملک ءَ چنت ســد يا چنت هزار بنديجاه ءُ شزاجاه هست انت. مافيايی سپاه، پليس، رستـریں بسيج ءُ چاروگی اداره ياں هر کـَس وتســرءَ بيگناهیں مردماں گــرانت ءُ ماں شزاجــاه ءُ بنديجاهــاں بنــد کننت.

ه‍.ش. ۱۳۸۸ بهمن ۱, پنجشنبه

لهتيــں لبــزان ءِ بــزانــت

بلــوچــی سيــاهــگ ءِ راســت نبيســـگ ـ در۲۵

جُڈالیں خامنھ ای


جُڈالیں خامنھ ای گوں ورنایانی زگریں ھوناں دسنماز (دَزنماز) گرگ انت۔

اسرائيل ءِ تر ءُ تاب ( توريسم ) ءِ وزير: ما گوں ايران ءِ هکومتی سروکے گپ جتگ..


العربيه ءَ هال دات که استاس ماسز نیکوف اسرائيل ءِ تر ءُ تاب ءِ وزير ءَ گشتگ آيی ءَ گوں ايران ءِ هکومتی سروکے زيکـّیں روچ چارشمبه ۳۰ ديماه ءَ ماں مادريد ءَ گپ ءُ تراں کتگ. تپتان: تهران ءِ مکاریں هکومت په زاهر ءَ وت ءَ را پلستيـــن ءِ دوست ءُ اسرائيل ءِ دژمن پيش داريت بلئے باز رندا پاشک ءُ پــدّر بوته که په چيروکايی گوں اسرائيل ءِ واکداریں جهـوداں گند ءُ گدار ءُ دوستی کننت. " هچ کس ءَ گيشتر چه ايران ءِ هکومت، مئی کار ءُ بار آسان تر نه کتگ " اسرائيلی سياسی کماشے ءِ گشتـــن انت

جنبش مردمی جندالله ءِ باسکے (ع.س ) ماں تهـران ءَ دادگاهی ( محاکمه) بوت


هرانا هالرسان ءَ هال دات که جنبش مردمی ءِ باسکے (ع.س ) ماں تهـران ءَ دادگاهی ( محاکمه) بوت
تپتان: لهتيں بے بنيادیں بهتام چوش که مردم دزی، ۱۰ سـِلاه ءِ واهندی، بمـب ءِ تراکينگ ءُ رستريں پليس ءُ سپاهيگانی کـُشــَگ اے بنديگیں بلوچ روناے ءِ سرءَ جنگ بوتگنت. .

واش : بلوچ ورنا الله نظر شهلی بـُر پاهو ديگ بوت.


بلوچستان ءِ انسانی هکـّـانی جهدکاراں هال دات که چارشمبه ءِ بامگاه ءَ الله نظر شهلی بـُرنامیں ورناے ‎ ماں واش ءِ بنديجاه ءَ پاهو ديگ بوت. الله نظر ءِ اُمـر ۲۶ سال اَت

ه‍.ش. ۱۳۸۸ دی ۳۰, چهارشنبه

کوردستان: دو دگه جهدکاریں کورد زالمیں شونيستانی پاهو ءِ ليست ءِ سرءَ


کوردستان ءِ انسانی هکـّانی جهدکاراں هال دات که دوسياسی بنديگیں کورد ورنا ماں اروميه ءَ پاهـوءِ هکم ديگ بوتنت. بيست ءُ پنچ سالگیں محمد امین عبدالهی ءُ سی ءُ دو سالگیں قادر محمد زاده بوکان ءِ ميروآباد ءَ جاهمنند انت. اے بيگناهيں ورنايانی ميار ايش انت که کورستان ءِ سياسی هوربندانی همراهی ءُ پشتداری اش کتگ. چه پيسرءَ ۱۸ سياسی کورد ماں هکومتی کورچاتاں په پاهو ءِ شزاے ءَ ازابانی چير اَنت. تهران ءِ زالميں واکدارانی هنونيں پاهو ءِ ليست ءِ سرءَ اے جهـدکاريـں کوردانی ناماں نبشتگ انت: زینب جلالیان -۲- شیرکو معارفی ۳- حبیب‌ لطیفی ، ۴ سامی حسینی ۵- جمال محمدی - ۶- رستم ارکیا - -۷رشید آخکندی ۸- حسین خضری - ۹- فرزاد کمانگر ۱۰- علی حیدریان ،۱۱- فرهاد وکیلی ۱۲- مصطفی سلیمی ۱۳- انور رستمی ۱۴- ایرج محمدی ،۱۵- محمد امین آگوشی ۱۶- احمد پولادخانی ۱۷- حسن طالعی ۱۸- شیرین علم هویی ۱۹ــ قادر محمد زاده ۲۰ـ محمد امین عبدالهی

کرد پيشمرگان هکومت ءِ "دادستان" ءَ ماں خــوی تير جت ءُ کشت


کردستان ءِ پژاک پيشمرگاں هکومت ءِ "دادستان" ماں خوی ءِ شهر ءَ دوزهرکنيں تير جت ءُ کشت.
مــرداریں دژمن ءِ نام ولی حاجی قلیزاده اَت که ده سال ءَ گيش ماں کردستان ءَ باز بيگناهیں کـرد ءِ هکـّاں زرتگ ءُ ماں هکومتی کورچاتاں دؤر داتگ اتنت

کرد کـوّاس ءُ زانتکاریں ندکار واجه احسان هوشمند دستگر ءُ بندی بوت.


هرانا هالرسان ءَ هال دات که هکومتی سلهبندی چاروگاں سئے شمبه ءِ روچ ءَ کرد کـوّاس ءُ زانتکاریں ندکار واجه احسان هوشمند ءَ ماں تهران دستگر ءُ بندی کرت. واجه احسان هوشمند ماں کوم پجــّاری پــڑءَ
ءَ کـلانیں پٹ ءُ پول کار ءُ کته کاریں هوالکارے هم هست انت
. هکومتی چاروگاں اے واجکارءِ کارگس ءُ لوگ ءَ پـِشکــرتگ ءُ آيی پٹ ءُ پولی نبشتانک ءُ کيمتی يں سياهگاں زرتگ ءُ زوربرد کتگ انت.

حرکـــــت کنيـــت کـــه برکـــت انــــــــت

حرکـــــت کنيـــت کـــه برکـــت انــــــــت
کوشش شمارا گـــون وت انــــــــــــــــت
هنّـــــــــی شمارا فرصـــت انــــــــــــــت
تـُهـــم کارَی شـــــــرّین مـــدت انــــــــت
مولانا عبدالله روانــبــُــد پيـشنــــی

بلــوچــی سيــاهــگ ءِ راســت نبيســـگ ـ در۲۴

چــارهال ءُ يک جستـــے !

چــارهال ءُ يک جستـــے !



کويتی روتاک السياسيه ءَ هال دات که لهتیں چه تهران ءِ هکومتی سروکاں ديم په اروپايی ملکاں تچگ انت تنکه ماں يورپ ءِ رونشتی ملکاں، کاندا ءُ امريکاے ءَ سياسی باهوٹ به بنت. همے روتاک ءَ هال دات که گوستگيں هپتگ ءَ ايران ءِ چاروگی اداره يان ءِ چار کلانیں ژنرال (جرنيل) چه کوردستان ءِ نيمگ ءَ جست انت ءُ وتی نپس اش ايتاليا ے ءَ سرکرتنت.
********
یاسن آتاناسیادیس، که يک يونانی ـ انگريزیں کلانيں هالکارے انت ءُ پارسی زبان ءَ جوان گپ کت کنت ءُ چنت سال ءَ ماں ايران کار کرتگ ماں آدينه ۱۷ جنوری ءِ لوس آنجلس تايمز ءَ نبشتانکے شنگ بوتگ که ايرانی هکومت ءِ باز مردم ءُ کارمند وت دلجم انت که آخوندانی بادشاهی آسر بيگ انت....
********
امريکاے ءِ کلانیں سناتورءُ کماشی گچين کاريان ءِ کانديد جان مک کين ءُ سناتور جو ليبرمن هم وتی هيالان ءُ ايران ءِ هکومت ءِ باروا درشان کتگ ءُماں گپ ءُ ترانے يکشمبه ءِ روچ ءَ گوں سی. ان. ان ءَ گشت که ايران ءِ هکومت نزور بوتگ ءُ ديم په زوال بيگ ءَ جهلاد انت.

********
۲۷ايرانی ديپلمات گوستگیں هپت ماهاں ماں يوروپ ءَ ميار بوتگنت ءُ چنت نپر چريشاں وتی همکاران ڈن چه ايران ءَ کلو داتگ ءُ جار پرينتگ تنکه وتی ديپلماتی کارانءَ يله بدينت ، هکومت ءِ همراهی ءَ انگارکننت ءُ ايردستیں مردمانی پشتداری بکننت




********

تپتان : چه گرماگ ءَ تاں مروچی ايران ءِ جاوراں باز بدل بوتگنت ءُ تهران ءِفاشيستی واکداراں وتی بادشاهی ءِ دؤر ءِ هلاسی ءَ سربيگ انت. هکومت ءِ زالمی بند ءُ تنداں چه ته ءَ پچ ريچگ انت.
سروکيں دولتی کارمند په وتی ءُ وتی لوگ مردمانی رکينگ ءَ هر نيمگ ءَ په پناه برگ ءَ شوهاز انت. مستريں سروکاں په دزتگیں مال ءُ ميلياردان زرانی مُهر دارگ ءَ تکانسر انت. ميلونان مردم سک ناراز انت ءُ چه هکومت ءَ بيزار انت.... آخوند خامنه ای ءُ مافيايی سپاهءِ تهاریں بادشاهی دؤر آسر بيگ انت.

بلئے باريـــــں مــا بلــوچ مهــلوک په روشنيــں باندات ءِ وشـّاتــکی ءُ بلــوچ کشيــں ڈنــی يان ءِ گلــّينــگ ءَ چـه بلوچستـــان ءِ پاکيـــں گلزميــــن ءَ په جــوانی ءَ تيـــاریـــں ؟

استاد ماموستا عبدالرحمن فتاحی ءَ هور گوں ۹ نپرءَ دستگر ءُ بندی بوتنت


سنی نيوز ءَ هال دات که سپاهيگ ءُ چاروگاں ماں کوردستان ءِ مهاباد ءَ نيکراهی رهدربر استاد ماموستا عبدالرحمن فتاحی ءَ هور گوں ۹ نپر دگه دستگر ءُ بندی کرتنت. استاد ءِ همراهیں بنديگانی نام ايش انت: ابراهيم رسولی، ايوب کريمی، اسکندر اسماعيلی، محمد رسول پينه دوز، ابوبکر شکره فقيه، محمد، سيامک، عبدالله ءُ ملا احمد سنندجی سوروو ءِ مسيت ءِ کماش ءُ ذمه وارچه پيسرا لهتیں دگه کورد نيکراهی زانتکار دستگر بوتگنتءُ ماں کٹریں شيهه يانی چاروگی اداره يان ءِ کورچاتاں ازابانی چير انت. چنت نپر چه آهانی نام اش انت: ملا محمد برايی، عبدالله خياط، حسام الدين، هيمن، صديق ، حسين جوادی ءُ استاد عثمان.اے مردمانی دستگر ءُ بندی کنگ ءِ سوب ايش انت که کورد ءُ سنی انت!. .
تپتان: اے زانتکاریں مهلوک ءِ لٹ کٹ ءُ نيکراهی رهنمايانی دستگر ءُ بندی کنگ پيشدارگ انت که صفوی آخونداں وتی دراج کشين ءُ رديں جنگ ءَ بيگناهيں سنــی يان ءِ هلاپ ءَ ديما برگ انت. . هارّيـن ءُ بے لگاميں سپاهيگ ءُ چاروگاں هما هونواری ءُ کشتار ماں بلوچستان، هراسان، هم گيلان ءُ ترکمنستان ءُ ماں کوردستان کنگاينت که شاه اسماعيل صفوی ءِ چاروگ ءُ سپاهيگاں گوں بيگناهيں بلوچ ءُ کورد ءُ ترک ءُ آدگه سنی ياں نـه کرتگ.
بلئے اے مئی باورانت که بيد چه يکـّيـن ءُ پاکیں پروردگار ءَ دگه هچ کس مانگی ءُ ابدی نهنت. ما دلجميں که اے رستریں آخوندانی تهاريں دؤر، زالميں صفوی دؤر ءِ پيم ءَ هلاس بيت.. البت آخوندان ءِ انسان دژمنيں بادشاهی ءِ دؤر چه زالميں صفوی يان ءِ دؤر باز لـُـک تر بيت.

سئے بلوچ دژمنيں پليس ءُ سپاهيگ کشگ بوتنت



رستریں سپاهيگانی سرا ماں واش - دزآپ ءِ راه ءَ تيرگواری بوت ءُ سئے سپاهيگ کشگ بوتنت. کشتگیں پليس ءُ سپاهيگانی نام اش اَنت: "علي قاسم پور" ، "مهدي قدرت پناه" ءُ "محسن زماني

سوگيگیں هکومتی ياں دوشمبه ءِ روچ ءَ مـُرداریں ڈنـّی يانی لاشاں چه واش ءَ ديم په زابل، خرم آباد ءُ نيشابور ءَ راه داتنت

ه‍.ش. ۱۳۸۸ دی ۲۸, دوشنبه

شيخ قريشی دستگرءُ بندی بوت


سنی نيوز ءَ هال دات که شيخ قريشی يکشمبه ءِ روچ ءَ ماں گيــلان ءِ تالش ءَ دستگر ءُ ماں
چاروگانی بنجاه ( مرکز اطلاعات) ءَ بند کنگ بوت. شيخ قريشی تالش ءِ مدرسه دینی ءِ استاد ءُ کلانیں نيکراهی (مذهبی) رهدربرءُ اهل سنت ءِ محمدیه مسجد جامع ءِ پيشنماز انت

ديمـــــا قـــــدم


قـدم قــدم رواں ببــــــت ــ دليـر و پهلــوان بـبــــــــت

په شان مادر وطـــــــن ــ فدا گوں جسم و جاں ببــــــت

په نام و ننگ آبـــــرو ــ ســرا وتــــی دياں ببـــــت
غلامی ءَ چه درکپيـــــت قدم قدم رواں ببــــــــــت

گر آسماں شمئے ســـــرءَ ــ پرشته پر غضب ببيـــــت

گرند و اَور و بـــــرق و باد ـ تهار و تيره شب ببيـــت

زمين ببيت چو آچـــــش ءَ ـــ زمانــه بــے ادب ببـيـت

ولے شمـا په مـنــــــــزل ءَ قـدم قـدم رواں ببيـــــــــت

ببيت اگر شمئے ســـرءَ ـــ غضب غضب ، ستم ستم

گوں تيگ ءِ ظلم و ظالمی ــ ببنت سر شمئے قلــــــــم

رَوِت شما چو بے خطـــر ــــ پدا شمئــے مبنــت قـــــدم

گوں خاک و خون تر بتــر قــدم قــدم رواں ببــــــــــت

تپنگ ءِ تير و توپ و بـم ــــ شمئے سرءَ په گـــــوارگ ءَ

دل و جگر ببنت دو کــپ ــــ نظر مبيـــت په چــــــارگ ءَ

رواں ببنت جوئــے خــون ـــ فلــک بکــنت نـــــــدارگ ءَ

بهشت ءِ حور و مـــــــاڑی ءَقــدم قــدم رواں ببـــــــــــــت

اے زندگــــی غلامــی ءِ ــ په مومناں حــــرام حــــرام

نشان نه اِنت اے مـومـن ءِ ــ ببيت کافــــرءِ غــــــــلام

خبـــر نگشتـــه اَچ وت ءَ ــ نصيــر گشته اَچ کـــــــلام

په مؤمنــــــانی منــــــزل ءَ قــدم قــدم رواں ببــــــــــــت
مير گلخان نصير

تپتـــان: ديمـــا کـــدم ءِ شئير چــه نميرانيـــــں
مير گلخان نصير ءِ اولی شئيـــرانی دپتــــرانت.



بلوچستــــــان


بلوچستــــــان




بلوچستــــــان ! بلـوچ ءِ مکــّه ئيـــــــں مــــات
بلوچستــــــان ! ببـاتئــــے شــــــــــات ءُ آزات
بلوچستــــــان ! تئــــی قــربان ســـر و مـــــال
بلوچستــــــان ! بلـــــــوچ ءِ نـــــــام لــــج پــَال

ميــر گل خان نصيــــــر

بلــوچــی سيــاهــگ ءِ راســت نبيســـگ ـ در ۲۳

ه‍.ش. ۱۳۸۸ دی ۲۷, یکشنبه

کورد سياسی بنديگانی لوگ مردم، آزيزءُ مکئیں ماتاں: مئے بيگناهیں ورناياں آزات کنيت.


کوردستان ءِ انسانی هکانی جهدکاران ءُ هرانا هالرسان ءَ هال دات کورد سياسی بنديگانی لوگ مردم، آزيزءُ مکئیں ماتاں ماں کامياران ءُ سنندج ءَ مچ بوتنت ءُ وتی آزيزیں ورنايانی پاهو ءِ شزاے ءَ ايرجتگ ءُ په وتی چکانی زندگی ءِ رکـينـگ ءَ گوں يکوئی ءُ تپاکی ءَ وتی بيگناهیں ورنايانی آزاتی ءِ لوٹوک انت
..
گيش چه ۴۰ سياسی بنديگ ءِ نام که ماں ايران ءِ کورچاتاں بند اَنت، تهران ءِ رستریں واکداران ءِ پاهو ءِ ليست ءِ سرءَ نبشته کنگ بوتگنت. اے بيگناهیں انسانان بيد چه وتی ءُ مهلوک ءِ انسانی هکانی لوٹگ دگه ميارے نه زرتگ .ايش انت ۳۷ نپر چه سياسی بنديگان ءِ نام که په پاهو ءِ شزا ے ءِ ودارءَ شزايانی چير انت. آهانی لوگ مردم ءُ آزير، سياد ءُ وارس هم هر دمان ءَ شزا ءُ ازاب کـَشـّگ انت.
- علی صارمی، ایوب پرکار، احمد کریمی، محمدرضا علی زمانی،ناصر عبدالحسینی، رضا خادمی، آرش رحمانی پور- عبدالرحمان ناروئی، عابد گهرام زهی، عبدالحمید ریگی،عبدالجلیل ریگی، ناصر شه بخش، محمود ریگی- علی ساعدی، ولید نیسی، ماحد فرادی پور، دعیر مهاوی،ماهر مهاوی، احمد ساعدی، یوسف لفته پور- زینب جلالیان، حبیب الله‌ لطیفی، شیرکو معارفی،فرهاد وکیلی، فرزاد کمانگر، علی حیدریان،حسین خضری، رشید آخکندی، محمد امین آگوشی،احمد پولاد خانی، سید سامی حسینی، سید جمال محمدی،رستم ارکیا، مصطفی سلیمی، انور رستمی، حسن ‌تالعی و ایرج محمدی