۱۳۸۹ تیر ۲۷, یکشنبه

بلوچستــان ءِ پـُـلـّـيـں شهيــدان ءَ هــزاراں ســلام



بلوچستــان ءِ پـُـلـّـيـں شهيــدان ءَ هــزاراں ســلام

بلوچستــان چـه وتــی مزاريـں پسگـــانی زگـريں هوناں سـُهــرانت. دزآپ (زاهدان) ءُ شال ( کویٹه) ءِ جاور ءُ هال مروچاں مياں استمانی میڈياے ءِ هاس تريں هال اَنــت.ماں دزآپ ءَ بلوچ سرمچاراں شهيد عبدالباسط جان ريگی ءُ پلیں شهيد محمد جان ريگی، ڈًنــّی رستران ءُ ايران ءِ مافيايی پاسداران ءَ هما درس دات که هونواريں خامنه ای ءِ پـُردوتيــں ريش ماں تهران ءَ جکست ءُ آيی ءِ جـِنــد چـه کـُوچـَنــڈگ ءَ پـَـچ درهــِت!.

بلوچ ءُ بلوچستان ءِ دژمن جـُـڈاليـں خامنه ای ءُ تهران ءِ فاشيست ءُ انسان دژمنيــں حکومتی سروکاں باور بوتگ اَت که بلوچستان ءِ جنبش گوں مزاربيميں شهيد عبدالمالک ءِ پاهو ديگ ءَ هـلاس بوت، بلئے بلوچستان ءِ جانفدائيــں بچ گوں وتــی ندر کنگ ءُ شهادت ءَ پيش داشت که اگاں چے سرمچار عبدالمالک ءِ شهادت بلوچستان ءِ مردمی جنبش بزان جندالله تاوانبارکرت بلئے بلوچستان ءِ حک لوٹی ءِ تـوارسست نه بوتگ.
جنبش ءِ سرمچارانی رِدان مروچی بزتــر بوتگنت، شهيد محمد ( جنيــد) ءُ شهيد عبدالباسط ( اسلام) ءِ پيميــں سرمچار که گوں پـُـلـّـيـں بچکندگ ءُ آسنی ايمان، په بلوچ کوم ءِ حکان ءُ بلوچستان ءِ آزاتی ءَ
وتی تنگويں زند ءُ جاناں ندريگ کننت ءُ بلوچستان ءِ راجدپتر ( تاريخ) ءَ گوں وتی زگريں هوناں نبيســگ ءَ اَنت.

بلوچستان ءِ سرمچاراں ماں دزآپ ءَ کامياب بوتنت تنکه وت ءَ را دژمـن ءِ لشکرءُ سپاه ءِ ميانجين ءَ سر کننت ءُ رندا دگنيا سهی بوت که بلــوچ ءُ بلــوچستان زندگ انت ءُ بلـوچستان ءِ سرمچاراں په بلوچ ءُ بلوچستان ءِ هاترا چه مرک ءَ هچ ترس ءُ بيمــے نيست انت.
. تهران ءِ مافيايی سروکان ءُ رستریں سپاه ءُ حکومتی ڈنــی سروکاں چوش که شهرياری ( زابلی يانی مستر)، سليمانی ( خامنه ای ءِ نمائنده ماں دزآپ)، علی محمد ( گورنر) ءُ نورا ماں بلوچ گلزمين ءَ هنچو هيران ءُ هبکــه انت که نه زاننت چـے بگوشنت ءُ چونکا گپ به کننت!
چه يک نيمگــے هر کس په ديمے ءُ وتـی جهالت ءِ بنياد ءَ يک چيزے گوں حکومتی ميڈياے ءَ گاجائيل کنت ءُ کوشست کنگاينت که بلوچ دژمنيں سپاه ءِ تاوان ءَ کم پيش بدارنت چه دگه نيمگـے کوکار ءُ سلوات کنگاينت که بلوچ سرمچاران " تروريست" انت، انگريز ءُ امريکه ءِ مردم انت، وهابی انت، القاعده ءِ همدست انت، اشرار انت ءُ دگه باز چپ ءُ چوٹيں بهتاماں جننت.

اگاں چے ايران ءِ حکومتی سروکاں که وت دگنياے ءِ مستريں تروريست انت ءُ ايران ءِ حکومت ءِ هشتاد ساليگيـں رستری کارکـرد ماں بلوچ گلزمين ءَ هاله ئيں تروريزم ءِ پدريں درورے انت بلئے گـوں وڑوڑیں پنـدل ءُ دروگ زور پر دينت که بلوچستان ءِ نيکراهی ـ راجـی جنبش ءَ " تروريسم" پيش بدارنت.
حال آنکه بلوچ ءُ بلوچ سرمچاراں په وتی کوم ءُ سرزمين ءَ جد ءُ جهد کنگاينت ءُ ايران ءِ دولتی تروريزم ءِ هلاپ ءَ پادآتکگنت.تهران ءِ فاشيستی حکومت وَ مئے تاريخی ءُ هونی دژمن انت. آ مئے ملک زوربرد کنگاينت آهانی تبليغ ءُ جاک ءُ سلوات په مـا ءُ دگنياے ءِ آزاتی پسنديں مهلوک بے ارزش انت بلئے.لهتیں درانڈيه ءُ ناسرپديں مچی ءُ گروپ که ايران پرست اَنت په وتی مـنّ ءَ ايران ءِ حکومت ءِ هلاپ انت
حکومت ءِ تبليغاتی دام ءَ کپتگ انت
آهاں تهران ءِ حکومتی هبر ءُ تبليغ که بلوچ دژمن ءُ مذهبی ـ فاشيستی انت گاجائيل کننت ءُ بلوچستان ءِ سرمچاراں " تروريزم " ءِ بهتام جننت
مروچی بلوچ زانتکار ءُ سياسی کـومــی جهدکاراں که ڈن چه بلوچستان ءَ هاسکارماں يوروپی مـُلکـاں جاهمنند انت مزنيں راجی اگده ءُ ذمــه اے هست انت که ايران ءُ پاکستان ءِ تروريستی دولتانی بلوچ دژمنيں تبليغات ءَ ماں مياں استمانی میڈيا بے جواب مئيل اَنت
دگنياے ءَ گـوں برزيں توارے بگوشنت که بلوچ په وتـی انسانی حکانی گـِرَگ ءُ وت مستـری ءُ په
وتی مـُلک ءِ آزاتـی ءِ هاترا پاد آتکگ اَنت ، پاکستان ءُ ايران ءِ حکومتانی زالمی کارکرد ماں بلوچستان ءَ "دولتی تروريزم" انت ءُ تهران ءُ اسلام آباد بين المللی "تروريزم" ءِ بـُندر ءُ بـُنزه اَنت

مزاربيميں سرمچارشهيد عبدالباسط ريگی ءُ پليـں سرمچار شهيد محمد ريگی ءَ سهريں ســلامپروشــت ءُ پــروش بات اَنت ايران ءُ پاکستـانآزات ءُ آباد بات گنجيــں بلوچستــانمحمــد کريـم بلــوچ ۱۷جــولای ۲۰۱۰

هیچ نظری موجود نیست: