۱۳۸۹ تیر ۲۴, پنجشنبه

تهـران ءِ انسان دژمنيــں هکومت ءُ هونواریـں زابلی يانی رستـری کارکـِـرد

http://www.youtube.com/watchv=RXaTYSO74Eg&feature=player_embedded
اے بلوچ ورنا شهيد يونس انت که جندالله ءِ باسکے اَت. رستریں اطلاعاتی ءُ هونواریں زابلی ياں اے بلوچ ورناے ءَ شزا ءُ ازابانی چيرا کشتگ ءُ رندا آييءِ جنازه ءَ ماں کوه لار ءَ بے نام ءُ نشان
چـَگـَل ( دؤر) داتگ اَت. اے کليپ ءَ بچاريت که بـے لگاميں خامنه ای ءِ رستریں چاروگ، سپاهيگ ءُ هونواريــں زابلی ياں تاں چے حـــد بلــوچ کــوم ءِ دژمــن انت.
گوشگی انت که شهيد عبدالحميد ءِ پاکيں جنازه هم ماں دزآپ ءِ کش ءُ گورا ودی بوتگ.چشين رستری ءُ اينکه هونواری پيش دارگ انت که هکومتی مردم ءُ بلوچ دژمنيں زابلی ياں هنچو بيم ءُ ترس ماں پليتيں جاناں کپتگ که وتسر ءَ بلوچ ورناياں دستگر ءُ بندی کننت، شزا ءُ ازاب دينت، کشنت ءُ ماں بلوچ گلزمين ءَ شهيدانی شزا ديستگيں جنازه ياں په چيروکايی کبر کننت يا که چـَـگل اِش دينت.
اے رستری ياں، تهران ءِ هکومت ءِ سستی ءَ پيش دارنت. چشیں زالم ءُ انسان دژمنيں هکومت که لوٹيت وتی روچاں گوں زورءُ رپک ءُ پندل ءُ لٹ کٹ ءُ هونواری ءُ مردم کشی ءَ گيشتر بکنت، هچبر نمانيت.انشاءِالله آ روچ کئيت که تهران ءِ انسان کشيں هکومت ءِ تگارلاپيــں مافيايــی سروکان ءُ هونواریں زابلی ياں بلوچ کوم ءُ بلوچستان ءِ ديما، کورد ءُ عرب ءُ آذری ءُ ترکمن ءُ لــُـر ءُ دگنياے ديما وتی رستری کارکردانی هاترا محاکمه به بنت

هیچ نظری موجود نیست: