۱۳۸۹ تیر ۱۰, پنجشنبه

سئے بے گناهيں بلوچ چه مينانی ءِ پـٹــّگ ءِ سوب ءَ کشگ بوتگنت

سئے بے گناهيں بلوچ چه مينانی ءِ پـٹــّگ ءِ سوب ءَ کشگ بوتگنت
تهران ءِ رستریں وکداراں بلوچ دژمنیں سپاهيگ ءُ بسيجی ياں ماں بلوچ گلزمين ءَ پرمائيتگ تانکه په مئی سرزمين ءِ گيشتر ويران کنگ ءُ گيشترهونريچی ءُ مردمانی کشگ ءَ ميـن بزاں کل کنگی بمب به کـِش اَنت. بلوچستان ءِ باز جاگه ءَ چوش که کورين ، شورو ، گلوگاه و گورگ هند ءُ دمگ ءَ که ايرآپ ( دزآپ)ءِ زرباری ( جنوبی) ءُ نرمانشير نيمگ ءَ انت مين کل کنگ بوتگ.
بلوچستان ءِ انسانی هکانی جهدکارانی انجمن ءَ هال دات که آدينه ءِ روچ ( چار تيرماه بريبر گون ۲۵ ژوئن )ءَ سئے بلوچ چه مينانی ءِ پـٹــّگ ءِ سوب ءَ ايرآپ ءُ نرمانشيرءِ در ميان ءَ کشگ بوتگنت. آ بے گناهين بلوچانی نام ايش انت
:
۱-حاجي محمدکريم شه بخش فرزند محمد عمر
۲- حاجي ابراهيم نوتي زهي فرزند سنجر
۳- حاجي نظر نوتي زهي فرزند دوستمحمد

تپتان : گوشگی انت که رستريں هکومتی ميرجاوه، تپتان ءُ ماشکيد ءِ نيمگ ءَ هم بمب کل کتگ

هیچ نظری موجود نیست: