۱۳۸۹ تیر ۹, چهارشنبه

ايران ءِ هونواريــں پاســداران زامـــران ءِ ســـرا هلگـــر کــرت۰

جنبش مردمـی جندالله ءَ ماں شنگ کتگيں جــارے ءَ هال دات که ايرانی پاسداران دوشی رودراتکی بلوچستان ءِ زامران ءِ سرا راکٹ گواری کرت ءُ چه سرکیزی ميتگ ءَ شش بيگناهيــں بلوچ ٹپی بوتنت. ايرانی واکداران ءُ تهران ءِ زورانسریں تروريستی هکومت ميان استمانی کانود ءُ رهبنداں همک روچ لگتمال کنت. پيسرا هم چنت رند پارس پاسداران هور گون جلاديں پنجاپی بلوچ مهلوک ءَ وتی رستری کينگانی آماچ کرتگنت.


رستريں پاسدارانی راکٹ گواری ءِ سوب ءَ بلوچانی چنت لوگ هراب ءُ مردم تاوانبار بوتنت.

زينب جلاليان ءِ پت: بلّ ايت که منی جـَنــِّــک زندگ انت.

زينب جلاليان ءِ پت: بلّ ايت که منی جـَنــِّــک زندگ انت.




کوردستان ءِ بازيــں ورنا که پاهوءِ حکم ديگ بوتگنت ماں بنديجاهاں ازابانی چيرانت ءُ ودار کنگ انت که باريں کديں کشگ بنت. زينب جلاليان يکے چه همے بيگناهيں ورنايان انت که په درنجگ ءَ ماں « اوين» کورچات ءِ بهر ۲۰۹ ءَ بند انت.
هرانا ے ءِ ردا زينب ءِ پت ماں يک انترويوے گشت که زينب ءَ مـه کشيت. آيی ءَ بل ايت که زندگ انت. آ بے گناه انت

۱۳۸۹ تیر ۸, سه‌شنبه

شمارے چـه رستريــں ڈنـی واکداراں ماں بلوچ گلزميــن ءَ

شمارے چـه رستريــں ڈنـی واکداراں ماں بلوچ گلزميــن ءَ


رستريں سليمانی، نالائکيـں احمدی نژاد ءُ بلوچ کـُشيں علی محمد بيگانه

رستريں جلال سياح

هونواريں پاسدار محمود حيدری

رستريں پاسدار جاهد

دو هکومتی جلاد ءُ بلوچ ورنايانی قاتل، رستريں حميدی ءُ هونواريں سليمانی

ایش انت «فرهنگ و تمدن » رافضـــی فاشيستاں

ایش انت «فرهنگ و تمدن » رافضـــی فاشيستاں

۱۳۸۹ تیر ۵, شنبه

بلوچستان ءِ کومـی جـد ءُ جهــد ديم ءَ رؤت

بلوچستان ءِ کومـی جـد ءُ جهــد ديم ءَ رؤت.

اگاں چــه سرمچارعبدالمالک ريگــی، مـاں پارس مافياے ءِ زندان ءَ شزا ءُ ازابانی چيرءَ شهيــــد بوت بلئے المّ انت که آيــی ءِ نيکيــں راه تاں آهری مـنزل بزاں مـُلک ءُ کـوم ءِ آزاتــی ءَ دیم ءَ رؤت.سرمچار عبدالمالک ءِ همبل ءُ همراه گـوں پاکیں پرودگار ءُ بلوچ کوم ءَ وادهکرتگ تاں سیاسی ءُ سلهبندیں کومی ـ نیکراهی جهدان ءَ زالم ءُ زورانسرانی هلاپ ءَ انشالله پرزورتر ديمءَ براَنــت ءُ تاں بزگیں بلوچ مهلوک ءِ هکـّانی گــِرَگ ءَ کترهـے هم دم مه سارنت.بلوچ ورناياں دلگوش کنگی انت که بيد چه ما وت، دگه هچ کس ما را چه تهران ءِ فاشيستی هکومت ءِ زورانسری ءُ مروچيگیں زلم ءُ زوراکياں رکـّينت نه کنت.آ ورناکه لوٹنت ءُ تواننت، په راجـــی هکــانی پچ گـِـرَگ ءَ بلوچستان ءِ سرمچارانی کاروان ءَ هور به بنـت. په ملک ءِ آزاتـی ءُ وتی هکانی پچ گـِرَگ ءَ هر وڑیں جد ءُ جهد پـارس ءِ رستریں مافيايی واکدارانی هلاپ ءَ جائز انت.

پـه وتــی حقـــــــــــاں جنـــگ بکــن


پـه وتــی حقـــــــــــاں جنـــگ بکــن

بنـــــد سـريـــــن ءَ ننـــــگ بکــــــن
کيچـــگ و کـوهـــــاں رنگ بکــــن
درکـــپ ديمــــــــا، مـــرد ببــــــــــوپـه
وتــی حقـــــــــــاں جنـــگ بکــن
مزن شاعر ميرگل خان نصير



قـــــــــــــول


قـــــــــــــول


گـوں جذبـه ءُ جـــــوش ءَ تـران کنــن ما عهــد ءُ قســم پيمـــــــان کنــن

حونــان ءَ وتــــــــــــی ريچــــان کنــــن جـانــان وتـــــی قربـــان کنــن
برز نام ءُ بلــــــــــوچ ءِ شان کنــــــــــن مـا عهـــــد کنيں پيمــان کنــن
آزات بلوچستــــــــان کنـــــــن

چو مرد ءَ بنـــــدين سرينـــــان ءَ اچ ميان ءَ کشيـــــن زحمـــــــــان ءَ
چو شير ءَ زوريـــــن گامـــان ءَ گون پادان پروشيــــــن کوهـــــــان ءَ
چو درياب ءَ طوفـــــان کنــــــن مـا عهـــــد کنيں پيمـــــــان کنـــــــن
آزات بلوچستــــــــان کنـــــــن



او شوانـــــگ ءُ بگجـــــت ءُ آزاران او بــز گ ءُ پهــــــــوال نـــاداران
او بــزگر ءُ مـــــزدور لاچـــــــاران او گشنگ ءُ بے شام بيمــــــاران
ما نوکيـــــن زنـــــدے جوان کنـــــن مـا عهـــــد کنيں پيمــان کنـــــــن

آزات بلوچستــــــــان کنـــــــن



بلوچستان ءِ شائر، زبانزانت، ندکار ءُ کواس نميرانين آزات جمالدينی




۱۳۸۹ تیر ۴, جمعه

بلوچ کوم سوگيگ ءُ پدرد انت.

بلوچ کوم سوگيگ ءُ پدرد انت.



بلـوچ کـوم ءُ دگنياے ءِ آزاتی پسند ءُ انسان دوستين مردم بلوچستان ءِ نامدارين سرمچار شهيد عبدالمالک ءِ
شهادت ءِ سـوب ءَ سوگيگ ءُ پدرد انت.
چه کراچی ءَ بگر تاں شال، چه اسکانديناوی ء تاں امارات بلوچ مهلوک سرمچار عبدالمالک ءِ پاهــو ءَ ايرجت. کوردستان ءِ آجويی پسندیں پژاک، الاحواز ءِ راجی هوربند، بلوچستان ءِ راجی زرمبش، بلوچ استمان گل، جبهه متحد بلوچستان، بلوچستان نشنل فرنٹ ءُ دگه بازیں هوربند په حکومت ءِ ايرجنگ ءَ بيان دات ءُ چه شهيد عبدالمالک ءِ هک لوٹـی ءُ راجی جهداں پشتـداری کرت.
تهران ءِ تروريستی حکومت ءِ شکايت چه چنت نيمگ ءَ تپاکيں راجانی هوربند ءَ راه ديگ بوت تاں ايران ءِ وتسریں رستری ءُ بلوچ نسل کشی ءَ به اوشتارينيت.

ديمـــــا قـــــدم



ديمـــــا قـــــدم


قـدم قــدم رواں ببــــــت ــ دليـر و پهلــوان بـبــــــــت
په شان مادر وطـــــــن ــ فدا گوں جسم و جاں ببــــــت
په نام و ننگ آبـــــرو ــ ســرا وتــــی دياں ببـــــت

غلامی ءَ چه درکپيـــــت
قدم قدم رواں ببــــــــــت
گر آسماں شمئے ســـــرءَ ــ پرشته پر غضب ببيـــــت
گرند و اَور و بـــــرق و باد ـ تهار و تيره شب ببيـــت
زمين ببيت چو آچـــــش ءَ ـــ زمانــه بــے ادب ببـيـت

ولے شمـا په مـنــــــــزل ءَ
قـدم قـدم رواں ببيـــــــــت

ببيت اگر شمئے ســـرءَ ـــ غضب غضب ، ستم ستم
گوں تيگ ءِ ظلم و ظالمی ــ ببنت سر شمئے قلــــــــم
رَوِت شما چو بے خطـــر ــــ پدا شمئــے مبنــت قـــــدم

گوں خاک و خون تر بتــر
قــدم قــدم رواں ببــــــــــت

تپنگ ءِ تير و توپ و بـم ــــ شمئے سرءَ په گـــــوارگ ءَ
دل و جگر ببنت دو کــپ ــــ نظر مبيـــت په چــــــارگ ءَ
رواں ببنت جوئــے خــون ـــ فلــک بکــنت نـــــــدارگ ءَ

بهشت ءِ حور و مـــــــاڑی ءَ
قــدم قــدم رواں ببـــــــــــــت

اے زندگــــی غلامــی ءِ ــ په مومناں حــــرام حــــرام
نشان نه اِنت اے مـومـن ءِ ــ ببيت کافــــرءِ غــــــــلام
خبـــر نگشتـــه اَچ وت ءَ ــ نصيــر گشته اَچ کـــــــلام

په مؤمنــــــانی منــــــزل ءَ
قــدم قــدم رواں ببــــــــــــت

مير گلخان نصير
تپتـــان: ديمـــا کـــدم ءِ شئير چــه نميرانيـــــں
مير گلخان نصيرءِ اولی شئيـــرانی دپتــــرانت


۱۳۸۹ تیر ۲, چهارشنبه

يليـــں سر مچـــــار


يليـــں سر مچـــــار


بيل و براھندگ و ھمدليں سر مچار
آجويى و ايمنى ئے صباح و سحار
تو غلامى ئے بدواھئے مئے سنگتئے
په الس واجھى راه سپارانى ھمراه ئے٬ مئے سنگتئے
مکئيں گلزمين ئے يلين ُپسّگانا په عاقبت
ايمنيں زندى ئے ره نشان داشتى ات
تو نه سگ ات که قھريں درآمد بکنت واجھى
مانشانيت په زندا بد انت ايردستى غم ئے
ايردستانى تو دردوار

يليـــں سر مچـــــار


بيل و براھندگ و ھمدليں سرمچار
ڈيھئے آجوئى و په الس واجھى
يکيں دست گوں سرجميناں آوار
ظلم و زوراکى ئے آھنى ئيں حصار
او غلامى ئے سياه و تھار شھمناکيں سگار
يليں سرمچاربيل و براھندگ و ھمدليں سرمچار
تو په وت واجھيا زروک
پُر مڑاھين سروک
تو ماں آزاتى ئے جولگھاں نامدار

يليـــں سر مچـــــار


بيل و براھندگيں سر مچار
بلوچی ءِ مزن شائر واجه عطا شاد
باسکانی دیوان ءِ منــّت ءَ

حرکـــــت کنيـــت کـــه برکـــت انــــــــت

حرکـــــت کنيـــت کـــه برکـــت انــــــــت
کوشش شمارا گـــون وت انــــــــــــــــت
هنّـــــــــی شمارا فرصـــت انــــــــــــــت
تـُهـــم کارَی شـــــــرّین مـــدت انــــــــت


مولانا عبدالله روانــبــُــد پيـشنــــی

۱۳۸۹ تیر ۱, سه‌شنبه

بلوچ نشنل فرنت: په شهيد عبدالمالک ءِ يات ءَ سئے روچ سوگ دارگ بيت.


بلوچ نشنل فرنٹ ءَ جارجت که بلوچستان ءِ مزاربيمیں سرمچار حاجی عبدالمالک بلوچ ءِ يات ءَ بلوچ کوم سوگيگ انت ءُ ماں رورداتکی بلوچستان ءَ سئے روچ تظاهرات ءُ سوگی ديوان ءُ گڈسرا پريس کانفرنس دارگ بيت انت.

تپتان: چه تواميں بلوچ که ماں دگنياے ءِ هرملکے ءَ نشتگ انت دسبندی بيت که په شهيد حاجی عبدالمالک ءِ يات ءَ گوں تپاکی ءَ پرسی ديوان به دارنت ءُ تهران ءِ رستریں واکدارانی بلوچ کشی ءَ ايربه جن انت

۱۳۸۹ خرداد ۳۰, یکشنبه

بلوچستان ءِ بے دروريں پســگ سـرمچـار عبدالمالک ريگی پاهو ديگ بوت.


يک رندے دگـه پدا بلوچ ءُ بلـوچستــان ءِ دژمن وتـی رستری کينگاں مئے سـرا درشان کرت ءُ گوں بژن ءُ اپسوزسهی بوتیں که جنبش مردمـی جندالله ءِ پيسری سروک مزاربيمیں سرمچـارعبدالمالک ريگی ماں تهران ءِ« اوين» کورچاتا شهيد کنگ بوت.شهيد عبدالمالک بلوچستان ءِ هما بچ اَت که په بلوچ کوم ءِ هکانی پد جنگ ءَ پادآتک ءُ ايران ءِ بلوچ دژمنيـں واکداران ءَ باز تاواں دات. شهيد عبدالمالک بلوچ وتـی ورنائيـں براتانی پيم ءَ بلوچستان ءِ شهيدانی دراجیں کاروان ءَ هـور بــوت. بلئے رستریں واکداران ءُ هونواريں زابلی ياں زانگ لوٹيت که چه شهيد عبدالمالک ءِ هون ءِ هـر ترمپــے هزار عبدالمالک پاد کئيت ءُ بلوچ ءُ بلوچستان ءِ هاترا وتا را ندريگ کننت


دروت ءُ ســلام شهيد عبدالمالک ءُ بلوچستان ءِ بے شمـاریں شهيدانی کاروان ءَ

۱۳۸۹ خرداد ۲۷, پنجشنبه

ايران ءِ انسان دژمن ءُ هونواريں واکدارانی پدّريں بلوچ دژمنی


بلوچستان ءِ انسانی هکانی جهدکارں ماں جارے ءَ هال دات کـه شش نپر چه هما سيزده بنديگ که ماں کرج ءِ شهر ءَ پاهو ديگ بوتنت بلوچ اتنت.آهانی نام اے وڑ انت:-احمد توتازهي فرزند حاجي سليمان امان الله توتازهي- عبدالکريم توتازهي-احمد شه بخش- سنجر توتازهي- باقي اميني-

بلوچستان ءِ پسگانی زگريں هوناں ماں بلوچ گلزمين ءُ دگه هند ءُ دمگاں تهران ءِ رستريں واکدارانی هونيگيں دست ءَ رچگ انت. بلوچ بنديگاں چه بلوچستان ءَ برنت ءُ مان تهران، کرج، مشهد، کرمان، شيراز، اصفهان ءُ مان دگه پارس منندين شهراں پاهو دينت ءُ کشنت تنکه چير بدينت که چنکه بلوچ کشگ ءُ بيگواه کنگ ءَ انت. دراهيں بلوچ ماں دگنياے ءِ هر جاه ءَ که نشتگ انت بايد انت وتی راجی اگده داری ياں پوره بکننت ءُ همگام ءُ همکوپگ گوں بلوچستان ءِ انسانی هکانی جهد کاراں، ايران رستری کارکرد ءُ بلوچ کشی ءَ پاشک بکننت

۱۳۸۹ خرداد ۲۵, سه‌شنبه

تپتـــان بلوچــی ءِ سالـے کـُبــل بــوت.

تپتــان بلوچـی بلاگ ءِ سالـے پــوره بــوت. بلوچ کــوم، رونشتـــی بلوچستان ءُ مزاربيميــں سرمچارانی باروا هالان ءُ نبشتانکانی شنگکاری ماں شهديــن بلوچــی زبان ءَ مئے راجــی ذمــه واری ءِ بهــرے انت. مئے ماتــی زبان ءُ بلوچــی زبان مئــے راجــی پجـــّار ءُ هستــی ءِ يکے چه بــن هشتـــان انت.
اگــان چه تپتان ءِ کارانــی ديمـا برگ آسان ءُ هنچنائيــں کارے نه بوتـگ بلئے مئے زانتکـاريں براس ءُ کته کاريــں همبلانی کمــک ءُ همــراهــی ما را په تپتــان ءِ ديمبــری ءَ باز دلبــڈی داتگ. تپتـان ءَ درستيــں زباندوست ءُ زبانزانتانــی همکاری پکــار انـــت.
گــوں «سوغات» وبسايت ءِ منـّت ءَ ما کوشست کتگ تاں گوں سيد ظهور شاه هاشمی ءِ کيمتی کتاب « بلوچی سياهگ ءِ راست نبيسگ» ءِ بهر بهر ءِ شنگکاری ءَ بلوچ ورناياں په ماتی زبان ءِ ياتگيری ءَ سکيـــن دات کت بکنيـــں
ماں گوستگيـں سال ءَ مـا کوشست کرتگ تاں بلوچستان ءِ سرمچارانی هالاں ماں شهديں بلوچی ءَ شنگ به کنين ءُ تهران ءِ واکدارانی مذهبی جنگ، رستری ءُ پلينڈی ياں ماں بلوچ گلزمين ءَ پاشک به کنـیں. ما بازيں کيمتی شئير چه بلوچ شاعرانی گنجيں دپتراں ماں تپتان بلاگ ءَ شنگ کرتگنت. تواميں بلوچی سايتاں په درور باسکانی ديوانءُ سوغات ءُ بلوچ ءِ توار ءَ منت واريں که چه آهانی شئير ءُ نبشتانکانی هنبار ءَ ما بهــر زرتگ.
انشاالله رند چـه هونواريں خامنه ای ءُ مافيايی سپاه ءِ رستری دؤر هما روچ کئيت که ما آزات بئين ءُ تپتان نيوز ءُ آدگه بلوچی وبسايت ءُ بلاگاں وتی کارگس ماں ايرآپ، واش، پهره، شستونءُ چهبار به بنت ءُ آ وهــد بنياتـی ادبی بحث ءُ گپ ءُ تران په شهديں بلوچی ءِ وانگ، وانينگ، نبيسگ ءُ ديمبری ءَ زلور ديما کاينت.
بلوچی بوانیں ، بلوچی بھ نبیسین ءُ بلوچی گپ کنیں

۱۳۸۹ خرداد ۲۳, یکشنبه

هپت ڈنــّـی ماں بلوچستان ءَ کشگ بوتنت.


لشکر مالکی ماں شنگ کتگيں جارے ءَ هال دات که هپت ڈنـّـــی ماں بلوچ سزمين ءِ ايرآپ بزاں
دزآپ ( زاهدان) ءِ شهر ءَ کشگ بوتنت. اے ڈنّــی يان رند چه شهيد عبدالحميد ءِ پاهو ءَ شزا ديگ بوتگنت.لشکر مالکی ءَ ديمترا جار جتگ که تاں بلوچ کوم ءِ سوب ءُ کاميابی ءَ رستريں ڈنـّــی ياں، ماں بلوچانی ڈيه کشگ ءُ شزا ديگ بنت. بايدانت که ڈنـّــی ياں چه بلوچ سرزمين ءَ در به بنت.

په دروگيں گچينکاريانی اولی سالروچ ءَ نـُـه سـد نپر(۹۰۰) دستگر بوتنت.


هـراناے ءَ هال دات که شنبه ءِ روچ ءَ نـُـه سـد نپر(۹۰۰) که سئے سد ( ۳۰۰) چه ايشاں جنين انت دستگر بوتنت. هکومت ءِ چگل ءُ چاروگی اداره هاں ، بسيج، سپاه ءُ انصار۰۰۰ لوٹ اِت که گوں نارازیں مردمانی دستگر ءُ بندی کنگ ءَ آهانی تظاهرات به اوشتاريننت. رستريں واکداراں چه گيشيں زالمی ءَ هنچو کور انت که نزاننت ۹۰۰ مردم ءِ دستگرءُ بندی بيگ په يک روچـے ءُ اے هال ءِ شنگکاری وت يک مزنين تظاهراتے انت.

۱۳۸۹ خرداد ۲۱, جمعه

هژده بنديــگ پاهـــو ديگ بوتنت

هژده بنديــگ پاهـــو ديگ بوتنت.
بلـوچستان ءِ انسانی هکانــی جهدکــاراں هــال دات که گيش چه سئے بلـوچ ماں «قزل حصار» بنديجاه ءَ ماں کرج ءِ شهرءَ پاهو ديگ بوتگنت
سئے بلـوچ پاهو داتگين ءِ نام ايش اَنت.
احمد شه بخش
سنجر توتازهی
باقی امينی
هراناےءَ هم هال دات که تهران ءِ رستریں مافيايی واکــداراں هژده بنديگاں ماں همــے هپتــگ ءَ پاهــو داتگ انــت

۱۳۸۹ خرداد ۱۷, دوشنبه

پرسی ديــوان

پرســـــــی ديـــــــوان
تپتـان نيـوز ءَ هال رستـگ که شهيد عبدالحميـد ريگی ءِ يات ءَ پرسـی ديوانـے مـاں نروژ ءَ برجاه دارگ بوتگ. ديوان ءِ بهرزرتگیں سوگيگيـں بلوچ وتی دلپدردی ءَ چه سرمچارعبدالحميد ءِ پاهو ءَ پيش داشت. ديوان ءِ ته ءَ پيسله بوت که نروژ ءِ بلوچاں تهران ءِ هکومت ءِ زلم ءُ زور، بلوچ کشی ءُ دروگ ءُ پندلاں مـاں مياں استمانی پڑءَ گيشتر پاشک به کننت.

۱۳۸۹ خرداد ۱۵, شنبه

هونواريـں خامنه ای ءِ بے حـَــدّيـں زورانســری


رستـريں خامـنــه ای په وتـی ٹولی ءِ برزدستی ءِ برجاه دارگ ءَ درستــاں پاترپ ديگ انت.سرمسـت چـه زور ءُ واک انـت بلئےهچ کس ءِ سرا دلجـم نهنـت. ماں همے کليپ ءَ وتـی دژمنـی ءَ گـوں پيگمبر اسلام ءِ اصحاب واجهـاں طلحـه و زبيـر کوکـار کنـگ انـت. آخونـد خامنه ای گـوں بے حـَــدّيـں زورانســری، هونواری ءُ رستری کارکردان هکومت کنگ انت، اے زالميــں آخونـد ءِ بادشاهـــی ، مــور ءِ بادشاهـی انت.

دلگـــوش گــور کنــگی گــــپے گـــوں يـوروپ ءِ جاهمننديــں بلـــوچ

دلگـــوش گــور کنــگی گـپے گـــوں يـوروپ ءِ جاهمننـــديــں بلـــوچاں

مروچــــی سدانـــی ســـد بلوچ مـاں يـوروپــی ملکـــاں جاهمننــد انـــت ءُ په آسـودگـی ءَ زنـد گـوازينـــگ ءَ
انــــت. اے پـدريـــں گپـــے انت که مـاں پرنگــــی ملکــاں بلوچــــاں هم دگـــه مردمانـــی پيمـــا وتـــی
فـــردی ءُ اجتماعــــی هکـــاں هست انـــت.
.
پـه درور مـــئی ماتـــی زبان ءِ وانــــگ ءُ وانينـــگ مـاں پرنـــگی ملـــکاں چوش که انگلستـــان، سوئـــد،
دانمـــارک ءُ نـــروژ آزات انـــت . هنچوشيـــں زبانزانــــت ءُ کارزانتيـــں بلـــوچ
کمـــاش ماں آ ملـــکاں هست که وهـــد ءُ موه اِش هم بازهست انـــت. اگــاں چـــه آ جوانيـــــں
جــــاوراں په شهـديـــں بلوچیءِ وانينـــگ ءَ بهـرزورگ به بيــــت گڑا بلـــوچ زهـــگ ءُ نوک ورنـــا وتــــی

ماتـــی زبان وانــگ، نبيســـگ ءُ گپ کنـــگ ءَ شرتـــر بلـد بنـــت.

اگاں مـــاں لنـــدن، استکهلـــم، بــُورُس، کپنـــهاگ ءُ اسلــــو ءُ بلـوچـــی زبان ءِ وانينـــگ ءِ کـــلاس
بنگيـج ءُ برجـــاه به بنــــت گـــڑا بلـــوچ چـــک ءُ نـــوک ورنايـــاں ماں آ ملـــکاں گيشتـــرءُ گــِهتـــرچـــه
مروچـــی گـوں وتــــی راجـــی ءُ ماتــــی زبان ءَ پجــاه آروک بــنــت.

شهـــد ءُ شاهگانيــں بلــوچــی زبان زنـــدگ انـــت.
محمـد کريم بلـوچ

جــون ۲۰۱۰


۱۳۸۹ خرداد ۱۲, چهارشنبه

هنونيــــں دؤر ءِ هونواريـــں ضحـــاک

هنونيــــں دؤر ءِ هونواريـــں ضحـــاک

: مـــا بلـــوچ

مـــا بلـــوچ

باسکانــی ديــوان