بلــوچــی سيــاهــگ ءِ راســت نبيســـگ ــ در ۵

انسان دژمنیں آخوند خامنه ای ءِ پرشتگیں بوجيــگ

۲۰۰۸عيسايی ءِ گـــُـڈی روچ ءَ هچکــَس چشیں گـَت نــَـبُـرتگ اَت که تهران ءِ زالمیں واکدارانی بوجيـگ (کـِشتـی) سالــے ءَ رنــد، اے هال ءَ سربيت
اميت کنیں که اے ريزتگين ءُ پرشتگیں بوجيــگ مان ۲۰۱۰ ءِ آشوبی سال ءَ گوں زالمیں خامنه ای ءُ تهران ءِ انسان دژمنیں واکداراں ماں آيوکیں مزنیں توپان ءَ به بــُـڈ ايت.

ايتالياے ڈنی کارانی وزيرهم په هبر درآتک

راديو فردا ءَ هال دات که ايتالياے ڈنی کارانی وزيرفرانکو فراتينی چه اروپايی ملکاں لوٹتگ تنکه ايران ءِ سفيراں رسمی پيم ءَ به لوٹيننت ءُ مردمانی کشت ءُ کوش ءَ ماں ايران ءَ تچکاتچک اير بجننت.فرانکو فرانتينی ءَ گوشتگ که چه اتحاديه اروپاے کماش ءَ هم لوٹتگ تنکه گوں ايران ءِ واکداراں هم اے باروا تچکاتچک گپ بجننت
تپتان: اروپايی سياست زانت ءُ رهدربر انگت ءَ هشکيں گپ کنگاينت ءُ ايشاں هچ هاله ئيں ( په دليـــــں )ءُ هوريں سياست ءُ کـِردے، تهران ءِ زالميں واکداران ءِ هلاپ ءَ پيش نداشتگ. اپسوزی گپ ايش انت که مافيايی سپاه ءُ ايران ءِ هکومتی ياں کامياب بوتگنت تنکه لهتيں چه اتحاديه اروپا ءِ باسکاں، گوں جـول ءُ رشوت ءُ اقتصادی قرارداداں دپ بنــد کتگ انت.

مافيايی سپاه ءُ پئوج (ارتش) ءِ توپ ءُ تانک ديم په تهران ءِ شهر ءُ بازاراں

جنبش راه سبز" ءِ سايت ءَ هال دات که ارتشی ءُ سپاهيگ گوں وتـی توپ ءُ تانکاں چه کـرج ءَ ديم په تهران ءِ شهرا روان انت.

اداں بچاريت رستریں خامنه ای ءِ گــُلـُــڑان ءُ جاهلیں مجتبی ءِ گنـوکيــں بــَـلــُّـک ءَ.

دُعـــــــا

بلوچستان ءِ مزن شاعرنميرانيں مير گلخان نصير
باسکانی ديوان ءِ منـّت ءَ

مشهد : دو دانشجو کـُشـَگ ءُ هشت ٹپـّی بوتنت

رستريں بيسجی ءُ انصار حزب الشيطان دو نارازیں دانشجو ءَ ماں مشهد ءِ آزاد زانتجاه ءَ گون کارچ ءُ تبرزين کشت ءُ هشتردگرا تــَل تــَل ءُ سکّ ٹپی کرتنت.

موسوی ءُ کروبی مافيايی سپاه ءُ چگلی اداره يانءِ دست اَنت

جنبش راه سبز ءِ سايت ءَ هال دات که سپاه ءِ چاروگی اداره هورگوں چاروگی ءُ چگلی وزارت ءَ موسوی ءُ کروبی ءَ زرتگ ءُ مازندران ءَ ماں کلارآباد ناميں ميتگــے برتگ ءُ نندارينتگ انت.
چه دگه نيمگے ايرنا هکومتی هالرسان ءَ هال دات که "فتنه" ءِ سروکاں چه تهران جست انت ( تـتــک انت ) ءُ مازندران ءَ شت انت.

تپاکی ءُ يکويی آزاتی ءِ مِنزِل ءَ نزیکتر کنت۔

تھران ءِ نژادپرستيــں هکومـت ءَ ھور گوں گنوک ءُ جاھلیں زابلی یاں ماں مئی گلزمین ءَ باز کارهرابی کرتگ ءُ آھانی اڈ کتگیں مشکل ءُ دیمپاناں ماں زندءِ همک پـڑ ءَ چہ ھساب ءَ در اَنت۔ گوں راجی ءُ کومی تپاکی ءَ توانیں وتی ملــک ءَ وت دست بگرين ءُ ھر دابیں دیمپان ءُ سکّی یاں گیش ءُ گیوار بکنین ءُ چہ وتـی آزاتی ءُ وت مستری ءِ راہ ءِ دیما دور کنیں۔ تپاکی ءُ يکويی آزاتی ءِ مِنزِل ءَ نزیکتر کنت۔

.گارديـنءُ لنـدن تايمـز: هنونيں جاوراں ديمترا آشوبـی تر بنـت

گاردين روتاک ( روچ تاک ) ءُ لنـدن تايمـزءِ سياسی ندکار ءُ هوالکاری کارزانتاں ،ايران ءِ آشوبی جاوراں چار ءُ بيچــار کرتگ ءُ نبشتگ اِش که هنونيں جاوراں ديمترا آشوبی تر بنت. لنـدن تايمز ءَ نبشته کرتگ که ماں اے جنگ ءُ آشوب ءَ پادآتکگيں مردماں، تهران ءِ واکداران ءَ گـڈ سرا پروش دينت.

اے گپے انت که ماں رودراتکی يوروپی ملکاں چوش که رومانــی ، مجارستــان، بـُـلــگارستان ءُ چکسلواکــی ءَ تجربه بوتگ. مردمانی نارازی چه سياسی جــاوران ءُ آزاتــی پسندیــں مردمانــی جــَه جـَـنــَـگ پيش دارگ انت که مــاں ايران ءَ آشــوبـــے آيگ انــت.

بلــوچــی سيــاهــگ ءِ راســت نبيســـگ ــ در ۴

نيکلای سرکــوزی: ما گوں ايران ءِ مهلـوک ءَ همـراهيــں

فرانس هالرسان ءَ هال دات که کماش سرکوزی ءَ سئے شمبه ءِ روچ ءَ بيانےدات ءُ ايران ءِ نارازيں مردمانی کشتار ءَ په زپتی اير جت.کماش سرکوزی ءِ ماں شنگ کتگيں بيان ءَ وتی اميت ءَ په مردمانی آزاتی، سـُهل ءُ سرآگاهی زاهر کتگ ءُ گشت که فرانسوی ياں، گوں ايران ءِ پادآتکگيں مردماں همراه اَنت

رستريں رادان ءُ جلاديں شهرياری انسانيت ءِ دژمن انت

آ وهد که رادان ماں بلوچ گلزمين ءَ بيگناهيں بلوچانی هوناں ريچگ ات، ماں تهران ءَ هچ کس ءِ گوش ءَ مورے هم نه وارت. آ نشتگ ءُ چارگ اتنت ءُ که رادان هور گوں انسان دژمنين شهرياری ءُ گنوکيں زابلی ياں بلوچ کشی کنگ اَت.. باز کس ءَ باور کتگ ات که رادان "قاچاقچی، اشرار" ءُ ڈنی ياں گوں جنگ اَت.هنوں چے؟

رادان که ماں بلوچستان ءَ انسان کشی ءَ هيل کرتگ ات هنوں تهران ءِ مردم ءِ هوناں ريچگ انت مان " ميدان وليعصر، ميدان انقلاب، ميدان آزادی، بهارستان " ءُ ماں تهران زانتجاه بيگناهين انسانانی کشگ ءَ هــُکم دنت. .

آ انسان ءِ ساه ءُ زندا هچ ارزشے ندنتءُ په گيشتريں مردمانی کشگ ءَ دنتاں درشگ انت.

جلاديں شهرياری که هونواريں خامنه ای ءِ هاسیں مـريد انت ماں تهران ءَ هور گوں رادان رستری کنگ انت. مروچی گـِهتريں وهد انت که اے دوئيــں بزاں رادان ءُ شهرياری ءِ کارپداں ماں بلوچستان ءَ په ايران ءِ ايردستيں مردماں پجاه آرينگ به بنت تاں دگراں هم بزاننت که ايشاں گوں بلوچ کوم ءَ چـے کتگ ءُ تهران ءِ پادآتکگيں مهلوک بزاننت که اگاں چه ايشاں زاهر ءَ انسانی شـکل هست انت بلئے چــه رستــراں، رستــر تر انت ءُ انسانيـــت ءِ دژمـــن انت...

آخوند محسن قرائتی: ما را هپتــاد ميليون چاروگ ءُ چگل پکارانت

رند چه تهران ءُ تبريز ءِ کشتار ءَ يکشمبه ءِ روچ ءَ ءَ گيش چه دو هزار (۲۰۰۰ ) نپرءِ دستگر ءُ بندی کنگ ءَ ماں سئے روچ، سروکيں واکدار هرکه په وڑے ءَ وتی ترس ءُ بيم ءَ چه مردم ءُ آويوکيں وهد ءَ پيش داشگ.

نالائکيں احمدی نژاد گوں ٹگيں منوچهر متکی (ڈنی کارانی وزير) مهتل نه بوتنت ءُ امريکه، اسرائيل ءُ انگليس اِش مياريگ کرتنت ءُ گوشت اِش که اے ماں ايران ءِ توکی جاوراں دستمانجنی کننت.

آخوندانی مجلس ءِ جاهليں سروک لاريجانی هم چه هژم ءَ ترکـّگی انت ءُ نارازيں مردمان په " اشد مجازات" بزاں پاهوءَ پاترپ دات.

آخوند محسن قرائتی هنچو گنوک بوتگ که لوٹيت په تهران ءِ زالمیں واکدارانی رکينگ ءَ يک مزنيں هپتاد ميليونی چگلی ادارهے اڈ بکنت

پادائـــت

پادائـــت

پادائـــت اَو بـــزّگ و واریں براســـــــــــــــــان

پہمندگ و پر زور و تیاريـں براســــــــــــــــــان
اے لوچــی و چمداری و گـــژن ءِ زنــــــــــــــد ءَ
ھیروپاں دیہــت او منی ســـاریں براســـــــــــــان

نميرانیں مير گل خان نصير

ميــان استمانــی پهلــی ءِ هوربنــــد

راديو فردا ءَ هال دات که دوشمبه ءِ روچءَ ميان استمانی پهلی ءِ هوربند ( سازمان عفو بين الملل ) چه وتی بُنجاهی کارگس ءَ که ماں لنــدن انت بيانے شنگ کرت ءُ مردمانی کشگ ءَ ماں ايران ءَ په زپتی ايرجت.
ميان استمانی پهلی ءِ هوربند چه بيگناهيں انسانانی لٹ کٹ ءُ دستگر ءُ بندی بيگ ءَ وتی پريشانياں درشاں کرت ءُ ماں بيان ءَ نبشته کرت که ايران ءِ نارازيں مردماں، روچ په روچ گيشتــر ءُ ترندتــر گٹ تروس بيگ انت.

تهران ءِ زالمیں واکداراں هــارّ بوتگنت

رند چه يکشمبه ءِ کشتار ءَ مــان تهران ءُ تبريز ، مافيايی پاسداران ءُ اطلاعاتی په بيه هــارّ بوتگنت ءُ دانشجوياں، گئير هکومتی هالکاران ، سياسی سروک ءُ موسوی ءُ کروبی ءِ نزيکيں مردماں گرنت ءُ دزبند جننت ءُ گون وت ءَ برنت.

بی بی سی ءَ لهتیں جهدکار ءُ سياسی سروکانی دستگربيگ ءَ هال ءَ شنگ کرتگ. .هچ کس نزانت که چنکه بيگناهیں مردم ماں هکومتی کورچاتاں دؤر ديگ بوتگنت.

بلوچ دژمنیں حسينعلی شهرياری

رستریں زابلی ياں يکے چه بسيج ءِ هونوارتریں ٹولی يان انت که باز بيگناهيں بلوچ ءِ هون اِش ريهتگ انت. پيش چه عاشورا رُمبے چه همے رستراں ماں تهران ءَ مانشانتگ ءُ اوداں بيگناهیں مردماں گوں تبرزیں، کارچ ءُ ڈکی کارچ کپّ کپّ ءُ دِرّ ءُ دِرّ کنگاينت
حسينعلی شهرياری زابلی بسيجی يان ءِ رستریں سروک انت. ايشی ءِ زند گوں تهران ءِ زالميں واکدارانی زند همگرنچ انت

رستریں پاسدار محمد رضا نقدی

رستریں پاسدار محمد رضا نقدی که انسان دژمنیں بسيج ءِ سروک انت زدّ دولتی مردمان ءَ " فتنه گر" بزان ٹگ ءُ جـَنگ بُن دے گـُشت. آيی ءَ پادآتکگیں مردماں پاترپ دات ءُ گشت که هــارّيـں بسيجی ياں په نارازیں مردمانی گٹ ترس کنگ ءَ تيار انت.
جلادیں نقدی که چه بازیں مردم کشی ءَ گنوک بوتگ، زدّ دولتی مردمان اے وڑ ءَ نام گــر کرتنت:"پس مانده‌هاي رژيم سلطنتي، بهائيان، وهابيون، ساواكي‌ها، منافقين و فرزندان رشوه خواران و پورسانت‌بگيرها و قاچاق‌چي‌ها" . ءُ گشت که اے لوٹنت "حکومت جمهوری اسلامی " ءَ چپيگ به کننت، دگه مئی اوپار هلاس انت.....

بلوچستــــان ءِ پــليـــــں شهيــدان ءَ هــزاران ســــلام

بلوچستان ءِ شهيدانی کاروان ءِ نوک ورنائیں سرمچار شهيد عبدالغفور ريگی سالے ءَ پيش وتی ورنايی ءُ شیرکنیں زند ءَ په اسلام ءُ په بلوچ کوم ءِ عزت ءُ آبرو ءُ په بلوچانی کومی حکانی پچ گِــرگ ءَ فدا کرت.۲۹ دسمبر ۲۰۰۸ ءِ سباه اَت که سرمچار عبدالغفور گوں وتی زگريں هوناں ماں شستون ءَ بلوچ سرمچارانی تاريخ ءِ نوکیں بهرے ءَ نبشت.

گيش چه دو سد (۲۰۰ ) رستریں سپاهيگ، بسيجی ءُ مــرصادی ماں شستون ءَ کشگ بوتنت ءُ اے پيم ءَ تهران ءِ حکومتءِ بلوچ دژمنیں ڈنــّی ماں شهيد قادربخـــش رِنــــد ءُ عبدالغفـــور ريگــــی ءِ جنگجاه ءَ سريں پروش بوتنت.

سرمچار شهيد عبدالخالق ملازهی ماں دزآپ ءَ ، سرمچار شهيد عبدالواحد محمدی ماں پيشـِن ءَ شهيد عبدالغفور ءِ يات ءَ تاجگ کرت ءُ وتی شیرکنیں زند ءُ ورنايی اِش په دين ءُ کوم ءَ ندرکرتنت.

چه مئے جانفدائیں شهيــدانی هلگراں تهران ءِ مافيايی سپاه ءُ بلوچ دژمنيں بسيجی ءُ چاروگاں ماں بلوچ گلزمين ءَ هما پروش وارتگ که ماں ايران ءِ هشتاد ساليگیں تاريخ ءَ بے دروَر اِنت.
مئے پاکيـں شهيدانی هونانی برکت ءَ مروچی ماں تهران ءَ هم ورناياں بيم ءُ ترس ماں دلاں نيارنت ءُ انسان کشيـں بسيجی ءُ سپاهيگانی ديما اوشتاتگ انت ءُ کوکــار کنگاينت: " مـرگ بر خامنــه ای ــ مرگ بر ديکتـاتــور" ءُ " خامنه ای قاتلــه ــ ولايتــش باطلــه".

بلوچستــان ءِ شهيــدان ءُ هــزاران ســـلام

پروشــت ءُ پــروش بات تهران ءِ شيعی ـ فاشيستی حکومت

آزات ءُ آباد بات گنجیں بلوچستـــان
محمد کريم بلوچ۲۹ دسمبر ۲۰۰۹

اوباما: بيگناهيں انسانانی لٹ کٹ ءُ کشتار ءَ په زپتی ایرجنيں

فرانس هالرسان ءَ هال دات کہ امریکه ءِ کماش واجہ اوباما ایرانءِ واکدارانی کارکرد ءَ گوں وتی ملک ءِ مردماں ءُ آھانی کشتار ، لٹ کٹ ءُ گٹ تروس کنگ ءَ په زپتی ایرجت ءُ گشت که امريکه ءِ مردم هور گوں دگنيا ءِ مهلوک بيگناهيں انسانانی کشتار ءَ په زپتی اير جننت. اوباما شه تهران ءِ واکداراں لوٹت که دستگر بوتگيں مردماں زوت يله بدينت.

بلوچستـــــــان

بلوچستـــــــان


بلوچستـــــــان ! مئی ماهانی مــــاه ئے

مـئی کــــــُلّ ئے تـــو کــُلاّنی سِــپاه ئے

مـُدامی شـات و سـر بُرز ات بگنــــد اوں

مـئی هَست و مـئی زنــد ءِ بــِراه ئــــے
بلوچستـــــــان ! مئی پُلیں جهــــان ئے

جهان و هَست و بـودانی نِـشـان ئــــے

تـَرا پــَهــر انــت تــرا راجـدپـتـر و نــام

زِر و کوه ئے و تـو شـَهـر و گِـدان ئے

بلوچستـــــــان ! تـرا آزاتی انت نــــــام

سَرمَــچار تئی سَـر مَچنڈ انــــت مُــــدام

دُژمـنـان اِت کـُـوْژگـَلِـک بَــنــت تـَمـــــام

دوست و دُژمن ترا یک بَنْت په ســــــــلام

بلوچستـــــــان ! جهان ءِ پـُل ئے آبــــات

مـدامـی سَبـز ، دنـیـای ءِ دِل ءَ شــــــــات

وتی بَیرَک وتی نام ، لـَبـز وتی گـــــــــوات

مـدامـی یـک تـئـی راج و تـئـــــــــی زات

تَـوَئے مَـلّ ئے گوں دنیـای ءِ هـَـــــزاراں

هـَمـُک دَؤر ءَ وتـی تــو مَــٹ مـَـــــزاراں

نه ترا داشتـگ انت گــوریــچ لـَـــــواراں

مئی مارشت ، تـرا دنیا گوں چـــــــــاراں

بلوچستـان! توئے مئی همبلــــی ســــاه

پما دیـن ئے تـو پـَـجار ، مهرانی ٹـــــاه

پـه بــلـوچـاں تــو مـُـدام ئے نـیــکــــراه

پـه جهـان ءَ نیک دوست و نیک شــــاه

کریم بلوچ _ تـَـهـل

دروگبندیں جلاد رادان

اے پيمیں دروگ که رستریں رادان ماں اے کليپ ءَ بندگ انت په مردماںپدر ءُ پاشک انت. بچاريت که گيش چه ده نپر ءِ تير جنــگ ءُ کشگ ءَچوں گوں دروگاں هور تهورکنت ءُ لوٹيت چيراِش بدنت.آ روچ کئيت که جلادیں رادان انسان کشی ءُ جلادی کارکرد اں جواب بدنت.

يک هزارءُ سد نپـر دستگر ءُ بندی بوتگنت.

هرانا هالرسان ءَ هال دات که "عاشورا" ءِ روچ ءَ يک هزارءُ سد مردم چه تهران ءِ شهرءَ دستگر ءُ ماں اِوينْ بنديجاه ءَ بــندی بوتگ انت.

بــُزدليــں پاسدارءُ رستریں بسيجی يان ءَ بچاريت

بــُزدليــں پاسدار ءُ رستریں بسيجی ياں شر بچاريت که هال ءُ روچ اِش ماںتهران ءَ چون انت. سپاهيگ ءُ بسيجی سک ترسگاينت ءُ تچگ ءِ راه اِش هم گار کتگ. اے انگت ءَ اولسر انت جاوراں ءُ آشوبی تر بؤان انت.

بلــوچــی سيــاهــگ ءِ راســت نبيســـگ ــ در ۳

اتحاديه اروپا: مردمانی کشتارءَ ايرجينں

فرانس هالرساں چہ استکهلم ءَ حال دات که اتحادیہ اروپا ءَ بيانے داتگ ءُ وتی باسکان ءِ پريشانی ءَ چه نارازيں مردمانی لٹ کٹ ءُ کشتار ءَ ماں ايران ءَ درشان کتگ. ماں هما بيان ءَ اتحاديه اروپا مردمانی کشت ءُ کوش ءَ ايرجتگ
.تپتان: گوشگی انت که اتحاديه اروپا چه ناچاری ءَ برے برے يک بيانے دنت ءُ ايران ءِ واکداراں گوشيت که وتی ملک ءِ مردماں مه کشيت.اتحاديه اروپاے باسکاں گيش چه بيان ءِ ديگ ءَ دگه کارے نه کتگ پرچا که لهتيں چه همے باسکيں ملکاں گوں ايرانی مافيايی سپاه ءُ تهران ءِ دولت ءَ ميليارد دلاری قرارداد ءُ سوداگری هست انت.

نهضت آزادی " ءِ کماش دستگر بوت

بی بی سی ءَ هال دات که ابراهيم يزدی نهضت آزادی ءِ کماش، حسين موسوی تبريزی "مجمع محققین و مدرسین حوزه علمیه قم" ءِ سروک ، ليلا توسلی ءُ دگه بازينے شه زدّ هکومتی رهدربر ءُ سياسی سروک دستگرءُ بندی بوتگنت.

اَے بلـــــوچـــــاں اتحـــــــــاد

تهران ءِ جه جتگيـں آزاتی پسند ءُ آدگه شهران ءِ هزاران سرپديں سياسی مردم، هپت ماه ءَ پيش کوکار ءُ سلوات کت : "آرای ما کجاست؟ " بزاں مئی ووٹ کجاينت؟ هنوں هزاراں هزار مردم ماں شهر ءُ بازاراں سلوات کنگاينت که " مرگ بر خامنه ای ـ مرگ بر ديکتاتور" بزاں زورانسری ءُ حکومت ءِ نـزوريـں بـُنياد ءِ هلاپ ءَ وتی توار اِش بــُرز کتگ انت.
گوں اشکریں هژم ءَ مردمانی گــرءُ بـنــد، کشت ءُ کوش ءِ گيش بؤگ ءَ سياسی تبدبلی ياں ماں ايران ءِ مزنيــں زندان ءَ آيگ انت.
ايردستيں راجاں وَ دير انت که چه آخوندانی وتسریں شونيستی حکومت ءُ راج دژمنیں مافيايی سپاه ءِ فاشيستی کار کرداں ناراز انت ءُ ماں جگــرسنــدیں ازابانی چير اَنت.

هپت ماه انت که ايران ءِ مزنيں شهرانی مردم هم پاد آتکگ انت. نارازیں مردمانی هوناں ماں بلوچستان، کردستان، آذربايجان، الاحواز، ترکمنستان، لرستان، تهران، اصفهان،کرمان ءُ شيراز ريچگ انت.آخوند خامنه ای ءُ مافيايی سپاه ءُ اطلاعاتی گوں عاشوراے روچ ءِ کشتار ماں تهران ءُ تبريزءَ پيش داشت که گوں وتی مردماں هم دژمن انت. مذهبی يان ءِ وتی باور انت که مردمانی کشگ ماں عاشوراے روچ ءَ ناجايزانت بلئے هونواريں خامنه ای تاريخ ءِ هما کٹريں شيعه واکدارانت که اے ناجائزيں کارهم کرت ءُ انسانانی هوناں ماں عاشوراے روچ ءَ ريهت انت.

ماں اسلام ءِ تاريخ ءَ کم انت شيعه ءُ گئير شيعه ئيں واکدار که ماں عاشورا روچ ءَ مردم اِش کشتگ.
گــوں عاشورا ے کشتار ءَ وتسر ءُ زالمـیں آخوند خامنه ای په وت ءَ دو راه ءَ گيشتر نه اشتگ.
يکے ايش که جاهليں احمدی نژاد ءَ په آخوندی حکومت ءِ اُمـــرءِ گيشتر کنگ ءَ ندريگ بکنت ءُ آيی ءَ چه کماشی ءَ بکشيت ءُ اے وڑءَ نارازیں مردماں آرام کنگ ءِ کوشست بکنت.دؤمی راه ايش انت که نارازیں مردمانی کشت ءُ کوش ءَ ترند تر بکنت ءُ په آهانی گٹ تروس کنگ ءَ گيشترهــــون به ريچیت ، گڑا دلجم که اے وتسر ءُ زالميں آخوند ءِ پشتکپتگيں واکداری ءِ روچاں باز نهنت.
ايردستیں راجاں هنوں هما بے دروریں موه رسگ انت که پــُـرّيـــں سـی سال انت هزاران هزار مردم ءُ دورچاريں سياست زانت اوپار کشّ اتگ ءُ وداريگ بوتگنت.

اگاں چه تاں مزنیں آشوبــے ءِ آيگ ءُ تهران ءِ واکدارانی چپيگ بيــگ ءَ انگت ءَ گپــڑے راه پشت کپتگ ءُ تگارلاپيـــں آخوند ءُ مافيايی سپاه ءُ انسان دژمنیــں چاروگی اداره ياں ( اطلاعات ) په يک ءُ دوءَ اے ويرانیں ملک ءِ بادشاهی ءَ انگــار نه کننت بلئے وهد ءِ لوٹ انت که بلوچ مهلوک هاسکار سياسی ءُ جهدکاریں کماش ءُ بلوچ سرمچاراں گوں يکدگرا نزيکتر ءُ تپاکتر به بنت.
چشیں تاريخی موه که مئے ديما انت بلکیں په بے دروری ءَ گـُــڈی ( آهری ) مــــــوه به بيت. هنوں کــــرد ءُ تــــرک ءُ الاحـــوازی عـــرب وت ءَ را په آيوکیـــں روچــاں تيار کنگ اَ نت.

بلوچاں، هما کوهيــــن ءُ کهنگيــں مشکل ءُ اڑ ءُ جنجالاں که فاشيستيں ڈنی ءُ بلوچ کشيـــں زابلی ياں اڈ کرتگ انت، گيشينگ لوٹنت. اولی ءُ مستریں اڑ وتی بــُن پيرکی گلزمين ءُ ڈيه ءِ دست گِـــــرَگ انت.
بلوچستان ءِ سياسی، اقتصادی، سلهبندی ،اجتماعيءُ دود ربيدگی اڑ ءُ جنجالانی گيـــش ءُ گيــــــوارءُ مـُلـــکءِ دارگ گـــوں تپاکـــی ءَ بيگـــی انت.
تپاکی ءِ گپ کنگ ءِ مانا ايش نه انت که سياسی جهدکار ءُ مزاریں سرمچاراں وتی هوربند ءُ پارٹی ياں پروشنت ءُ يک مزنيں کومی هوربندے اڈ بکننت.

اگاں جنبش جندالله، بلوچستان ءِ راجی زرمبش، سازمان مبارزين بلوچستان، بلوچ استمان ءِ گل ، بلوچستان ءِ آزاتی لوٹوکانی گل په بلوچ ءِ کومی (راجی) حکانی گـِـرَگ ءَ ديم په يک هوریں استراتژيکی مکسدے ءَ گام جناں به بنت گڑا بلوچ کــوم گهتـــــر توانــت چــه آيــوکيـــــں سياســـی ءُ تاريخـــی مــــوه ءَ پائـــده چست بکنت.
هنوں هما وهد انت که بلوچ سياســی و کلانيـــں زانتکار وت ماں وتی پگری ناتپاکی ياں یک کـِرّ ءَ ايــر بکــن انــت، دپ جنـگـی مـه کننت، راجی جهــــد ءِ گامگيجــــاں ترند کننــــت ءُ گــوں سياســی ءُ راجـــی نيکيــــں کارکــرداں وتی شيـــوّاری، زانتـــکاری ءُ رهـــدربـــری ءَ گيشتـــــــر سهـــرا بکنـنـــت
.
پروشـــت ءُ پـــروش بات تهران ءِ شيعی ـ فاشيستی حکومتآزات ءُ آباد بات گنجيــں بلوچستـــان

محمد کريم بلوچ
۲۸ دسمبر ۲۰۰۹

قـــــــول

گـوں جذبـه ءُ جوش ءَ تـران کنــن ما عهــد ءُ قســم پيمــان کنــن
حونــان ءَ وتــی ريچــــان کنــــن جـانــان وتی قربـــــــان کنــــــن
برز نام ءُ بلوچ ءِ شان کنــــــــــن مـا عهد کنيں پيمـــــان کنــــــن

آزات بلوچستــــــــان کنـــــــــــن

چو مرد ءَ بندين سرينـــــان ءَ اچ ميان ءَ کشين زحمــــــــــــان ءَ
چو شير ءَ زورين گامـــان ءَ گون پادان پروشيـن کوهــــــــــان ءَ
چو درياب ءَ طوفان کنــــــن مـا عهد کنيں پيمــان کنـــــــــــــــن

آزات بلوچستــــــــان کنـــــــــــن

او شوانگ ءُ بگجت ءُ آزاران او بــز گ ءُ پهـــوال نـــــــادارن
او بــزگر ءُ مزدور لاچــاران او گشنگ ءُ بے شام بيمــــــــاران
ما نوکين زندے جوان کنـــــن مـا عهد کنيں پيمــان کنــــــــــن

آزات بلوچستــــــــان کنــــــــــــن

بلوچستان ءِ شائر، زبانزانت، ندکار ءُ کواس نميرانين آزات جمالدينی

سی ان ان ءِ هال

بی بی سی ءِ هال چه تهران ءَ

ایران: شدید جھڑپیں آٹھ ہلاک

ایران میں حزبِ اختلاف کے ذرائع کا کہنا ہے کہ حکومت مخالف ہجوموں اور سکیورٹی فورسز کے درمیان شدید جھڑپوں میں کم از کم آٹھ مظاہرین ہلاک ہوئے ہیں۔
ان ذرائع کے مطابق ان ہلاک ہونے والوں میں صدر محمد احمدی نژاد کے خلاف صدارتی انتخاب لڑنے والے میر محسن موسوی کے بھتیجے بھی شامل ہیں۔
اطلاعات کے مطابق سکیورٹی فورسز نے قابو کھونے کے بعد مجوم پر فائرنگ کھول دی تھی۔
کہا جاتا ہے کہ ان ہلاکتوں کو جون میں صدارتی انتخابات کے بعد ہونے والے احتجاج میں ہونے والی ہلاکتوں کے بعد جھڑپوں میں سب سے زیادہ ہلاکتیں قرار دیا جا سکتا ہے۔
پولیس نے ایرانی خبر رساں ادارے فارس کے حوالے سے تردید کرتے ہوئے کہا ہے کہ غیر ملکی ذرائع ابلاغ بے چینی کی بڑھا چڑھا کر پیش کر رہے ہیں۔ لیکن سرکاری ٹی وی نے بعد میں کہا ہے کہ بعض ہلاکتیں ہوئی ہیں۔
دارالحکومت تہران کے وسط میں جمع ہونے والی حزف مخالف کے مظاہرین اور ایرانی سکیورٹی فورسز کے دوران شدید جھڑپیں جاری ہیں۔
ان جھڑپوں میں اب تک غیر مصدقہ اطلاعات کے مطابق کم از کم ایک سخص کے ہلاک ہونے کی خبر ہے۔
حزبِ مخالف کی ایرانی جماعتوں نے لوگوں سے سڑکوں پر نکلنے کی اپیل کی ہے اور اس وقت کی ہے جب ایران میں سب سے بڑا مذہبی موقع یوم عاشور سر پر ہے۔ دنیا بھر میں شیعہ مسلمان بطور خاص اور دیگر مسلمان بالعموم شہدائے کربلا کی یاد مناتے ہیں۔
لوگ نعرہ زن ہیں: ’خامنہ ای کا تختہ الٹ دیا جائے گا‘ ایرانی حزابِ اختلاف کا کہنا ہے کہ اس سے مراد ایران کے سپریم لیڈر ہیں۔

تہران میں ایک خاتون جھڑپوں کے دوران ہلاک ہونے والے کے پاس بیٹھی ہے
ابتدائی اطلاعات کے مطابق سکیورٹی نے لوگوں کو منتشر کرنے کے لیے ہوائی فائرنگ کی لیکن اس کے علاوہ دیگر رپورٹوں میں کہا جا رہا ہے کہ کم از کم ایک اور ممکنہ طور پر چار مظاہرین گولیاں مارے جانے سے ہلاک ہوئے۔
غیر ملکی ذرائع ابلاغ کو خزبِ مخلاف کے مظاہروں کی کوریج کی اجازت نہیں ہے اس لیے کہا جا رہا ہے کہ اموات کی غیر جانبدار درائع سے تصدیق نہیں ہو سکتی۔
آخری بار حزبِ مخالف اور سکیورٹی فورسز میں اس نوع کی جھڑپیں ایران کے صدارتی انتخابات کے بعد گزشتہ جون میں ہوئی تھیں اور ان میں بھی کئی لوگ مارے گئے تھے۔ تام ان کے بعد سے اس نوع کی شدید جھڑپوں کی صورتِ حال پیدا نہیں ہوئی۔
بی بی سی فارسی ٹیلی ویژن کے نامہ نگار سیاواش اردلان کا کہنا ہے سکیورٹی فورسز نے اپنے لیے ایک واضح لکیر کھینچ رکھی ہے وہ نہ تو کمزور پڑتے دکھائی دینا چاہتے ہیں اور نہ ہی حزبِ اختلاف کے احتجاج کو اور بھڑکانہ چاہتے ہیں۔

هشت مردم کشگ ءُ گيش چه سئے سد نپر دستگر بوتگنت.

زدّ هکومتی هالرساناں، العربيه ءُ بی بی سی ءَ هال دات که نارازيں مردماں ماں تهران، اصفهان، اردبيل، نجف آباد، تبريز، مشهد، بابل ءُ شيراز"مرگ بر خامنه ای" کوکار ءُ سلواتاں برزتر کرتگنت. .

مير حسين موسوی ءِ گوهارزاتک ءُ دگه هپت ورنا ماں مروچيگيں تظاهرات کشگ بوتگنت.تهنا ماں تهران ءَ گيش چه سئے سد مردم دستگر ءُ بندی بوتگنت.

باز کس ٹپی ءُ زدگ انت. شمبه ءُ يکشمبه ءِ روچاں، مردماں گوں مشت ءُ ڈوک رستريں بسيجی ءُ سپاهيگانی ديما اوشتاتگ ءُ جنگ داتگ.

هژم گپتگيں مردم، رستريں پليس ءُ بسيج ءِ دو بنجاه، چار ماشين ءُ چنت موتورسيکلت ماں تهران ءِ شهرءَ بـن داتگ اَنت

تهران: پليس ءِ بنجاهے بـُن ديگ بوت

هژم گپتگيں مردماں پليس ءِ بـُنجاه ءَ مان " ميدان وليصر" ءَ آس کش اِت.

انسان کـُشیں رسترانی ماشينے که مردمان بـُن داتگ.

رسترين بسيجی ءُ سپاهيگ چه هژم گپتگين مردمانی ديما تچنت ءُ هال رسگ انت که آهانی چنت ماشين ءُ موتورسيکلت مردمانی دست ءَ چپيگ بوتگ يا که بــُن ديگ بوتگنت.

حرکـــــت کنيـــت کـــه برکـــت انــــــــت

حرکـــــت کنيـــت کـــه برکـــت انــــــــت



حرکـــــت کنيـــت کـــه برکـــت انــــــــت

کوشش شمارا گـــون وت انــــــــــــــــت

هنّـــــــــی شمارا فرصـــت انــــــــــــــت

تـُهـــم کارَی شـــــــرّین مـــدت انــــــــت


مولانا عبدالله روانــبــُــد پيـشنــــی

تهران ماں دوت ءُ آس ءُ هون انت

زد ّ هکومتی هالرسان ءُ ميان استمانی هوالکار هال ديگ انت که هور گوں تهران ءِ مردم ءَ اصفهانی، مشهدی، کرمانی، اردبيلی، تبريزی ءُ شيرازی ياں هم پادآاتکگ انت. ماں تهران ءَ چار نپر کشگ بوتگنت ءُ بازينے ٹپی ءُ زدگ انت. تهران ءِ شهر ءُ بازار ءِ بهرے پادآتکگيں مردمانی دست ءَ انت. باز جاگه ءَ رستريں پليس ءُ بسيجی گلينگ بوتگ انت. ماں مشهد ءُ آدگه شهراں مردماں لٹ کٹ ءُ ٹپی بيگ انت ءُ
بازينے دستگر بوتگنت

تپاکی ءُ يکويی آزاتی ءِ مِنزِل ءَ نزیکتر کنت۔

رستریں آخوند خامنہ ای، اے جلاد ءُ ھونواریں پلینڈ کہ پہ وتسری ءَ چہ مُرداریں خمینی ءَ دستاں دیماترجتگ انت ، انشااللہ باز رو نکنت۔ اے جڈال ءِ دؤر ءُ آخوندانی بادشاھی ھلاس بیگ انت۔ رند چہ اے زالمانی حکومت ءِ گار ءُ گمسار بیگ ءَ گوں وت ءَ بژنیگ مہ بئیں کہ اے بر ءَ ھم تیار نہ اتیں۔ ما را درستاں پہ چشیں روچاں تیار بیگی انت۔ په هما روچاں که وتی ملک ءَ وت دست بگرين ءُ ڈنی ياں چه وتی گلزمين ءَ در به کنیں.

تھران ءِ نژادپرستیں حکومت ءَ ھور گوں گنوک ءُ جاھلیں زابلی یاں ماں بلوچانی گلزمین ءَ باز کارزوالی کرتگ ءُ آھانی اڈ کتگیں مشکل ءُ دیمپاں چہ ھساب ءَ گیش اَنت۔ گوں راجی ءُ کومی تپاکی ءَ توانیں ھر دابیں دیمپان ءُ سکّی یاں گیش ءُ گیوار بکنین ءُ چہ وتی آزاتی ءُ وت مستری ءِ راہ ءِ دیما دور کنیں۔ تپاکی ءُ يکويی آزاتی ءِ مِنزِل ءَ نزیکتر کنت۔
پہ بلوچستان ءُ شزادیستگیں بلوچ کومءِ ھاترا باید انت کہ وت ماں وتی اڑ ءُ جنجالاں بسوچین ءُ گار کنیں۔

تهران ءِ نارازیں مردم وت ءَ را په شهری جنگ ءَ تيار کنگاينت

آهاں پاد آتکگ انت ءُ دگه چه واکدارانی رستريں پليس، سپاهيگ ءُ بسيجی ياں نه ترسنت.

عاشورا : اداں تهران انت.

تهران ءِ مافيايی هکومت ءِ واکداراں جکسگ اَنت.

http://www.youtube.com/watch?v=eKzcGQj2Qk4

http://www.youtube.com/watch?v=C06iP8yuBrE

آخوندی هکومت ءِ ســرين کــَرز پروشگ انت

http://www.youtube.com/watch?v=hwqoWFOkbaU

http://www.youtube.com/watch?v=ZLakqKi4oX4

نارازیں مردمانی " مرگ بر اصل ولايت فقيه" ءِ کوکاراں ماں اے کليپاں پيش دارگ انت
که تهران ءِ آخوندی هکومت ءِ ســرين کــَرز پرشگ انت. " اصل ولايت فقيه" هما انسان دژمنيں
شيهه (شيعه) ءِ بنياتی "اصل" انت که ايران ءِ کانود ءِ بهرے انت.
همے "ولايت فقيه" ءِ بريبر ءَ مردماں بايد انت چه آخوند خامنه ای ءَ هبرزوری بکننت. پرچا که
شيهه (شيعه) ياں، پسانی پيما گـُنگـُـدام انت ءُ آخوند خامنه ای که "ولی فقيه" انت آهانی شپانک انت. بزاں هر ديم که آخوند خامنه ای به لوٹيت اے گنگداميں مردماں برت کنت. شيهه مذهب ءِ بے بنياديں باورانی بريبر" ولی فقيه" دوازدهمی امام بزاں گاريں مهدی ءِ نمايندگ انت ءُ تاں مهدی ءِ درکپگ ءُ آيگ ءَ "ولی فقيه" مردمانی رهشون انت.بلئے پاد آتکگیں مردماں پيش دارگ انت که آهاں پـَس ءُ گـُنگــُدام نهنت ءُ آهانی "مرگ براصل ولايت فقيه - مرگ بر ديکتاتور ءُ مرگ بر خامنه ای" ءِ برزیں کوکارءُ سلواتاں، وتسريـں آخوند خامنه ای ءُ زالميـں آخوندی هکومت ءِ ســرين کــَرز ءَ پروشگ انت.

بلــوچــی سيــاهــگ ءِ راســت نبيســـگ ــ در ۲