ه‍.ش. ۱۳۸۸ آبان ۳, یکشنبه

بلوچ کوم ءِ سرمچار یں پــُســّـــَگ شهيد عبدالواحد محمدی سراوانی


بلوچ کوم ءِ سرمچار یں پــُســّـــَگ شهيد عبدالواحد محمدی سراوانی که بازينے چه ڈنی یں فارس رستراں جهندم ءَ راه داتنت بلوچ ءِ هژم ءُ بيرگيری ءِ يک درورے ءَ پيش داشت.

شهيد عبدالواحد گوں وتی کاميابیں جانفدا هلگر ءَ تهران ءِ زالمیں واکداران ءُ مافيايی سپاه ءِ سروکاں پيش داشت که بلوچ زندگ انت ءُ بلوچ سرمچاراں په بلوچ مهلوک عزت ءُ سربلندی ءُ مان حق ءِ راه ءَ وتی شيرکنين زند ءُ ورنايی ءَ هم فدا کننت.


شهيد عبدالواحد ءِ پاکیں روح ءَ دروت ء سلام

ه‍.ش. ۱۳۸۸ آبان ۲, شنبه

رضا مير پنج ءِ درانڈيهیں نواسگ


رضا پهلوی بزاں رضا مير پنج ءِ درانڈيهیں نواسگ ءُ بلوچ دژمنیں محمد رضا شاه ءِ بے تاجيں زهگ جارے شنگ کرت ءُ بلوچ سرمچاراں تروريست گُشت ءُ رستریں شوشتری ءِ جهندم ءِ راه ديگ ءَ اير جت.همے رضا پهلوی هچ بر تهران ءِ رستری کارکرد ءُ بلوچ کشی ءَ اير نه جتگ. ما را اپسوز انت که چنت نپر بلوچ که وت ءَ سياسی زانتکار هم زاننت اے واجکاروک ءِ رندا کپتگنت ءُ آيی ءِ بادشاهی دؤر ءِ واب ءَ گنددگاينت.
په ما بلوچ بادشاهی ءُ آخوندی واکداراں هچ پرکے نيست انت. هر دوئیں مئی سرا زلم ءُ زور کتگ ءُ مئے ملک ءُ ايردستيں مردمءِ ديمروی ءِ دژمن انت.رضا پهلوی گوں وتی اے جار ءَ پيش داشت که په آيی ءَ بلوچ کشيں فارس فاشيست آزيز انت ءُ په آيی ءِ هيال ءَ بلوچ کـُشیں پاسدارانی هوں چه بلوچ ورنايانی زگريں هوناں سهر تر انت. بلئے هم تهران ءِ آخوندی حکومت ءُ هم در په دریں رضا پهلوی بزاننت که هنون بلوچ وتی کومی حقاں پوه ءُ سرپد انت. بلوچ سرمچاراں په وتی ايردستيں مردم ءُ گنجيں ملک ءِ آزات کنگ ءَ پاد آتکگ انت ءُ ماں کومی جد ءُ جهد ءِ پڑ ءَ انت

جنبش جندالله: مئے باسک دستگر نبوتگنت.


جنبش جندالله ءَ جارے شنگ کرت ءُ اے حال ءَ که آهانی باسک ماں پاکستان ءَ دستگر بوتگنت په بيه دروگ زانت. جنبش ءَ ماں وتی جار آؤرتگ که آهاں ماں همساهگیں ملکاں جنگ نکننت. آ ماں بلوچستان ءَ انت ءُ تهران ءِ آخوندی حکومت ءِ هلاپ ءَ جد ءُ جهد کنگاينت
تهران ءِ بلوچ دژمنيں حکومتی سروکاں په وتی نزوری ءُ عجز ءِ چير ديگ ءَ وڑ وڑيں دروگ ءُ بهتام بلوچ سرمچاران ءَ جننت. چشيں بے بنياديں تهمت ءُ دروگاں نزوريں ڈنی یں فارساں ماں بلوچستان ءَ هج کمکے نکنت. .

بلوچ دژمنيں پاسدار محمد نجار ماں اسلام آباد انت


بی بی سی ءَ حال دات که ايران ءِ وزير داخله پاسدارمصطفی محمد نجار پاکستان ءَ شتگ ءُ اوداں گوں رحمان مالک پاکستان ءِ وزير داخله گند ءُ نند کرتگ. نجارءَ گشتگ که جنبش جندالله ءِ سروک ماں پاکستان ءَ انت. آيی ءَ لوٹتگ که پاکستان جندالله ءِ سروک سرمچار عبدالمالک بلوچ ءَ دستگر بکنت ءُ ايران ءَ راه بدنت.رحمان ملک ءَ گوشتگ که واجه عبدالمالک بلوچ ماں پاکستان ءَ نهنت.تهران ءِ حکومت ءِ وزير دفاع بزاں تروريستیں پاسدار احمد وحیدی هم چه پاکستان ءَ لوٹتگ که جنبش جندالله ءِ سروک ءُ باسکان بگيپت ءُ ايران ءَ دست ءَ بدنت.تپتاں: تهران ءِ بلوچ دژمنیں واکداراں ماں بلوچستان ءَ هنچو نزور انت که پاکستان ءِ حکومت ءِ دست ءُ پاداں کپتگ انت تاں په سرمچارانی ديمپانی ءَ آهاں کمک بکننت. بلوچ سرمچاران ءُ جنبش ءِ سرمچاريں سروک ماں وتی وطن ( بلوچستان) ءِ کوه ءُ ماتکوهان انت. اگاں رستريں محمد نجار ءُ پاسدار وحيدی ءَ تــُشـــے مردانگی هست گڑا بياينت پيشن ءُ سربازءَ يا پهره ءُ شستون ءِ کوهاں سرمچارانی جست ءَ بکننت.
بلوچ سرمچاراں مان اسلام آباد ءُ لاهورءِ ماڑی ءُ بنگله ياں نه نشتگ انت، آهاں ماں بلوچ گلزمين ءَ کومی جد ءُ جهد ءَ گلائيش انت بلوچستانءِ آزاتی ءِ جنگ ءَ ديما برگ انت.

مولوی عبدالرحمن ءُ مولوی نذیر احمد سلامی سوگیگ انت




تپتان : حکومت ءِ اطلاعاتی ءُ سپاه ءِ مافیایی چاروگاں بلوچ ءُ سنی مولوی ءُ عالماںمگزا کتگ تاں ماں مروچیگیں


نماز جمعه ءَ


شوشتری ءِ مردار بیگ ءِ باروا گپ بجننت ءُ بلوچ سرمچارشهید عبدالواحد ءِ اشتشهادی پاکین کارءَ ماں پیشن ءَ "


تروریستی"


کارے بزاننت.حال رستگ که مولوی عبدالرحمن چه چهبار ءَ مولوی نذیر احمد سلامی په رستریں سپاه ءُ آخوندانی حکم ءُ دستور ءَ بلوچ


سرمچاران ءَ ایرجت انت..
گوشگی انت که ایردستیں بلوچ مهلوک وتی رزا ءُ وشی ءَچه رستریں شوشتری ءُ آیی ءِ گــُلــُـڑانی موت ءَ


زاهر کتگ ءُ وتی


سرمچاریں بچانی پشت ءُ پناه انت
بلئے اپسوز انت که چنتے چه بلوچ ملایاں په بلوچ دژمنیں خامنه ایءِ ساز ءَ ناچ کننت

گوں ظالم و سرزوراں نہ بیت گپ و حبر

گوں ظالم و سرزوراں نہ بیت گپ و حبر


گوں ظالم و سرزوراں نہ بیت گپ و حبر
رحم ءَ پہ، عرض گوئریشاں تو مبـــــــر
گر عاقل و دانــا و گــھ و سرحــا لــــــے
چیشاں بگر حقاں وتی گوں تیگ و تبـــر



بلوچستان ءِ مزن شائر نمیرانیں میر گل خان نصير

مافيايی سپاه ءِ دو گريواسکیں سردار


حکومت ءِ دو بزدليں مافيايی "سردار" که چه مرداريں شوشتری ءِ مرکءِ سوچک ءَ وتی سروگوشاں پنچ
جنگ انت ءُ گريوگاينت

ه‍.ش. ۱۳۸۸ مهر ۳۰, پنجشنبه

پاسدارجعفری: ما "سردار"شوشتری ءِ راه ديما بریں


فارس حالرسان حال دات که مافيايی سپاه ءِ سروک پاسدارجعفری که "سردار"جعفری هم گوشگ بيت مروچی ما مشهد ءَ مـُــرداریں شوشتری ءِ سوگ ءِ ديوان ءَ گشت که رستريں سپاهيگ شوشتری ءِ راه ءَ ماں بلوچستان ديما برنت. چوش که پـدّر انت اے انسان کشیں فارس هچ بر عبرت نکننت.. شوشتری ءَ وَ دو روچ گيشتر ماں بلوچ گلزمين ءَ "سرداری" ءِ موه ديگ نبوت.اگاں قاتلیں پاسدار جعفری لوٹيت ڈنيیں شوشتری ءِ پيما ماں بلوچانی ڈيه ءَ په "سرداری" ببئيت، گڑا پر چا مهتل انت؟

بلوچ دژمنيں فاشيستــاں نـِزور انــت


چه رستريں شوشتری ءُ آدگه سپاهيگانی سوگ ءِ درد ءُ سوچک ءَ تهران ءِ واکداراں هریکے

په دابے ( پيمے ،وڑے ) چپ ءُ چوٹیں گپ ءُ چپورتی کنگ انت ءُ پدا بلوچ سرمچاران اِش بے بنياديں بهتام جتگ. .
امريکه، انگريز، پاکستان ، عربستان، طالبان، اسرائيل ءُ القاعده په ديم نام گر بوتگنت که اے بلوچان کمک کننت.. . درستيں نام گپتگيں ملکان، تهران ءِ حکومت ءِ بهتاماں دروگ زانتگ ءُ جار اِش جتگ که ماں پشن ءِ بمب ترکينگ آهانی کار نبوتگ
.مکاريں آخوند انءُ زالميں واکدار شر زاننت که اے بے دروريں کار بلوچ پسگانی کار انت. بلئے لوٹنت
وتی پدریں نزوری ءُ سستی ءَ انگت ءَ چير بدينتءُ لهتيں چوش که نالائکیں احمد نژاد ءُ پاسدارجعفری ءُ زابلی يں نورا ءُ بلوچ کشیں شهرياری هنچو کنوگ بوتگنت
که گوشتگ اِش اگاں پاکستان بلوچ سرمچاراں جت نکنت گڑا اجازت بدينت تاں رستريں ايرانی وت ماں رودراتکی بلوچستانءَ مان شاننت ءُ گوں بلوچ سر مچاران جنگ دينت

پــُـر دوت ءُ جلاديں خامنه ا ی چه زورانسريں شوشتری ءِ مردار بيگ ءَ وت مرگی بوت بلئے گڈسرا
زرت ءُ آؤرت اِش ماں دولتی تلويزيون تاں وتی کهنگيں گپ ءُ ربودگیاں پدا گاجائيل بکنت


تهران ءِ بلوچ دژمنيں فاشيست شر زاننت که اے بلوچ کوم ءِ حق لوٹی ءِ جنبش انت که روچ په روچ پرزورتر بيان انت. بلوچ ايمانداريں سرمچاراں چه واش ءُ دزآپ، شستون ءُ پهره، سرباز ءُ بمپور ءَ په وتی کوم ءُ ملک ءِ آزات کنگ ءَ پاد آتکگ انت. پاکيں پرودگار ءُ بلوچستان ءِ ايردستين مهلوک آهانی پشت انت. نئے که ڈنی ملکاں. بلوچستان ءِ کوه ءُ ماتکوه ءُ گٹ ءُ گراں سرمچاران ءِ جاگه انت نئيکه لاهور ءُ کراچی ءِ ماڑی ءُ بنگله ياں

بلوچستان ءِ سرمچار ءُ فداکاريں پسگ ءِ کاميابيں هلگر ماں پيشن ءَ هنچيں زور مندیں نپتے ( بير ے ، گروکے) تهران ءِ سستیں حکومت ءُ مافيايی سپاه ءِ پوستگيں وجود ءِ سرا دؤر دات که ماں گوستگيں ٣٠ سالاں بے درور انت.آهاں چه وتی زوراکی ءُ زورانسری ءَ هنچو گستاه بوتگ اتنت که چشیں گت اِش نبرتگ ات که هزاران بيگناهيں انسان ءِ قاتل بزاں ڈنييں شوشتری گوں وتی گــُـلــُـڑ اں ماں پيشن ءَ کشگ بنت.

بازيں سياسی کواس ءُ کلمکار تپاک انت که شهيد عبدالواحد سراوانی هما ترنديں شهمات ءَ سپاه ءُ آخوندانی بــُـن گوش ءَ جت که نئے تهنا ماں هنونيں حکومت ءِ لــُکين عمر ءَ بلکيں ايران ءِ تاريخ ءِ تها بے مثال اَت. په درستان زاهر ءُ پدر بوت که اے انسان دژمنين حکومت ءُ مافيايی سپاه تاں کجام حد ءَ نزور انت

اے رسترانی حکومت هنچو نزورانت ءُ زوال بيگی که نئے په دروگيں "امام زمان" آهاں کمکے کرت کنت ءُ نئيکه "کيک زرد" ءُ اڈ نه کتگيں اتمی بمب.آخوند خامنه ا ی ءُ مافيايی سپاه بلکيں بتواننت که گوں جول ءُ رشوت، مپتيں نپت ءُ گيس ءِ ديگ ءَ زرپرستيں چين ءُ روس ءِ دست ءُ پاداں بکپنت ءُ چراهاں کمک بلوٹنت تاں وتی زالميں حکومت ءِ لــُکيں دؤر ءَ دراج تر بکننت.بلئے تان کديں؟انشاءالله آ روچ نزيک انت که آخوند خامنه ای ءُ سپاه ءِ مافيايی سروکاں په دروگيں "امام زمان" ءِ گورا بزاں ماں جمکران ءِ جهل ءُ تهاريں چات ءَ چگل(دؤر) ديگ بنت

ه‍.ش. ۱۳۸۸ مهر ۲۹, چهارشنبه

پنت انت براتی


پنت انت براتی

بيلاں بيلاں درکپيت ديمــــــــــا ترنب ءِ توارنت جنگانـــــی


ريهتگنت دشمن ميتگ و هلکاں لج و مئيار نت ننگانـــــــــی



مرچی مچارت موسم و وهــــد ءَ سنج و سلاحاں نـــــزآرت


بندت سلاحـــاں هر که په وس ءَ مجلس ءَ بهليت چنگانــــی

شئير پوره نهنت.

نميرانيں مير گل خان نصير

سئے بيگناهيں بلوچ دستگرءُ بندی بوتنت.


ايران ءِ بلوچ دژمنیں چاروگ ءُ سپاهيگاں سئے بيگناهيں بلوچ ءَ دستگر کرتنت آهاں دروگيں بهتام جنگ بوتگنت که پيشن ءِ بمبانی تراکينگ ءَ هور بوتگنت.جنبش مردمی جندالله ءَ ماں جارے ءَ اعلان کتگ که دستگر بوتگيں مردم بيگناه انت ءُ شهيد عبدالواحد وت تهنکا بمباں تراکينتگ ءُ دگه هچ کس گوں شهيد ءَ ماں پيشن ءَ همراه نبوتگ . بوت کنت که آخوندانی سستيں حکومت ءُ بلوچ کشيں زابلی ياں پدا چه بيگناهين بلوچ ورنايان که چه پيسرا بنديگ انت، ونده بگرنت. بلئے جنبش مردمی ءَ جار پرينتگ که رستریں واکدارانی بلوچ کشی بے پسـّـو ءُ جواب نمانيت.

مور ءِ بادشاهی


ڈنيیں فارس نورعلی شوشتری ماں بلوچ گلزمين ءَ مان شانتگ اَت تاں اداں سرداری بکنت. بلئے پاکيں الله ء شگر انت که آ زالم ءُ گستاهيں زورانسر ءِ سرداری " مور ءِ بادشاهی" ءِ پيم ءَ اَت ءُ دور نهنت آروچ که آيی ءِ ارباب ءِ حاکمی بزاں آخوند خامنه ای ءِ بادشاهی هم آسر به بيت

دو ايرانی پليس ماں پهره ءَ کشگ بوتنت۰


سئے شمبه ءِ روچ ۲۸ مهرماه ءَ دو ايرانی پليس ماں پهره ءِ شهرءَ بلوچ سرمچارانی دست ءَ تيرجنگ ءُ کشگ بوتنت۰ بلوچ ءِ هژم ءِ آس ءِ شلامه برز بيان انت ءُ ڈنيیں فارس ماں اے آس ءَ سـُـچان اَنت. اے ڈنييں رستراں بايدا نت چه مئی گلزمين در ببنت. پرچا که بلوچستان ءِ ايردستيں مردم باز اوپار کتگ ءُ هنون سرمچاریں بلوچ په وتی ماتیں وطن (بلوچستان) ءِ آزاتی ءَ چه هر نيمگے ءَ پادآيگ انت. .

ه‍.ش. ۱۳۸۸ مهر ۲۸, سه‌شنبه

زهرکنیں بلوچ ءِ تیر ماں مافیایی سپاه ءِ ٹیلگاں



عبرتے په ڈنیيں فارس ءُ رستریں زابلی ياں


ڈنیيں فارس ءُ رستریں زابلی ياں اداں بچارنت ءُ عبرت کننت. اگاں وت دلا چه مئے پاکيں.
سرزمين ءَ در مبنت ءُ ديم په يزد ءُ اصفهان ءُ کاشان ءُ وتی ملک ءَ مه تچنت گڑا اے پيم ءَ آهانی مـُردارين ءُ پليتيں لاشاں په هونواريں خامنه ای ءُ تهران ءِ آدگه زالميں واکداراں راه ديگ بنت.. بقول پارسی بتلے " مال بد بيخ ريش صاحبش".

بلوچستــان ءِ پليـــں شهيـــدان ءَ هزاران ســــلام


شهيد عبدالواحد محمدی سراوانی ( شستونی ) بلوچستان ءِ شهيدانی کاروان ءِ ترپناکیں استار ءُ بلوچ کوم ءِ پهرآوریں پسـّــگ ماں بلوچستان ءِ کومی جهد ءِ تاريخ ءَ ابدماں بوت.

ايمانداريں سرمچارعبدالواحد گوں وتی ورنايی ءُ زندءِ فدا کنگ ءَ کامياب بوت تاں ايران ءِ واکداران ءُ سپاهيگاں ماں بلوچستان ءَ سريں پروش بکنت. .


شهيد عبدالواحد محمدی، شهيد عبدالغفورريگی ءُ شهيد عبدالخالق ملازهی ءِ پيم ءَ گوں وتی جان ءُ شيرکنيں زند ءِ ندر کنگ ءَ بلوچ دژمنيں واکداراں مزنيں تاوانے دات

.

انسان دشمنيں نورعلی شوشتری يکے چه سپاه ءِ فوجی ـ اقتصادی آهيریں سروکاں، پهره ءِ سپاه ءِ سروک، سربازءِ سپاه ءِ سروک، پاسدار محمدزاده بلوچستان ءِ سپاه ءِ مستريں سروک تهران ءِ فاشيستيں حکومت ءِ کته کار ءُ بلوچ کشيں رستراں ابدی جهندم ءَ راه ديگ بوتنت..

اے رستراں هنچو په مئی کوم ءِ وجود ءِ گارکنگ ءَ لانچتگ ات که روچے يک جاهـے ديوان کنگ اَتنت تاں گوں زور ءُ رپک ءُ پندل بلوچ کوم ءَ گيشتر ءُ زوتر تاوانبار بکننت.

پاسدار نور علی شوشتری مافیایی سپاه ءِ هونوارءُ کته کاریں سروکـے اَ ت که چه بنگیجی ءَ گوں سپاه ءَ هور بیتگ. اے مردم کشیں سپاهیگ هزاراں ورنا کشتگ ءُ کوشارینتگ ءُ هزاراں پت ءُ مات سوگیگ کتگ انت.

"مـِـرصاد" ءِ جنگ، بيست ءُ يکسال پيش ءَ شوشتری ءِ يک انسان دشمنين ءُ رستری درورے انت. شوشتری " مرصاد عملیات" ءِ سروکین کمانڈر اَت. په شوشتری ءِ دستور ءُ حکم ءَ گیش چه چار هزار ءُ پنچ سد (۴۵۰۰ ) جنگی بنديگ ءُ سرگردانیں ایرانی مجاهد ماں همدان ءِ نزیک ءَ کشگ ءُ ٹپی بوتنت
شوشتری ءِ انسان دژمنیں کارپد ماں تهران ءُ خراسان ءَ هم سک سیاه انت. اوداں هم آیی ءَ هزاران تبل چوره ءُ یتیم کناینتگ. هزاران سوگیگیں مات ءُ گهارانی زند ءَ تهار کتگ انت.

ماں مئی گلزمین ءَ رستریں شوشتری په مئی راجی پجـّـارءِ گار کنگ ءَ آتکگ اَت. شوشتری هما بلوچ دژمنیں سیاست ءِ دیما بروک اَت که ناوانندهیں رضا میر پنج ءُ قاتلیں امان الله جهانبانی ءُ کلپیں انگریزان بنگیج کتگ اَت. بے شمار انت بےگناهیں بلوچ که ڈنی فارس فاشيستاں کشتگ ءُ شهيد کرتگنت

مـُـرداریں شوشتری هورگوں آدگه مرتگیں سروکیں سپاهیگ ءُ اطلا عاتی (چاروگ) که درستاں غیربلوچ، بلوچ دژمنءُ ڈنییں فارس اتنت مئی کومی وجود ءِ دژمن اتنت.

آهاں په بلوچ راج ءِ گار ءُ گمسار کنگ ءَ "رجبعلی" ءُ " تقی نقی" ءَ زرتگ ءُ آورتگ اتنت تاں ماں پیشن ءُ سرباز ءَ آهانی لونڈیں سرگاں سرداریءِ پاگ ببند انت ! بلوچان وت ماں وت ءَ به میڑيننت ءُ چنت ردوارتگين ءُ بد نسيبيں ملکی ناسرپداں په جنگ ءَ گوں بلوچ سرمچاراں تيار به کننت.

. بلئے شهيد عبدالواحد محمدی گوں وتی پاکيں ساه ءُ جان ءَ تهران ءِ شيطانی برنامه يان ءِ ديمپان بوت . آ مزاربيمیں سرمچار، سپاه پاسداران ءِ سستين ءُ پوستگيں وجود ءَ هنچو درهينت که آخوند خامنه ای ءُ احمدی نژاد ءُ لاريجانی ءُ رفسنجانی هم ماں تهران ءَ هم جکست انت...

هزاراں سلام ءُ دروت شهيد عبدالواحد محمدیءِ پاکيں روح ءَ

پروشت ءُ پروش بات ايران ءِ شيعی ـ فاشيستی حکومت

آزات ءُ آباد بات گنجيں بلوچستان


محمد کريم بلوچ

۲۸ مهرماه ۱۳۸۸ بريبر گون ۲۰ اکتبر ۲۰۰۹

ه‍.ش. ۱۳۸۸ مهر ۲۷, دوشنبه

.بلوچ کوم ءِ جد ءُ جهد ديما روان انت


بلوچ ءِ هوربندی جد ءُ جهد انی ديمروی ءُ زورمند بيگ، تهران ءِ زالميں واکداراں سک نگيگ ءُ پريشان کتگ. شهيد عبدالواحد ءِ بلوچی بيرگيری ءَ رند نالائکيں احمدی نژاد، لاريجانی، پاسدار جعفری ءُ هونواريں شهرياری نزاننت چـے بکننت ءُ چے به گوشنت.
احمدی نژاد گوں زرداری ءَ گپ جتگ ءُ چه آييءَ کمک لوٹتگ. جعفری ءُ لاريجانی په بيه گنوک بوتگنت ءُ چه قاتليں شوشتری ءِ سوگ ءِ سوچک ءَ دگنيا اش مياريگ کتگ که بلوچ سرمچارانی پشتداری ءَ کننت. آ گوں مکاری گوشنت که اے تروريستی کارے ءُ امريکه، انگريز، عربستان، پاکستان ، القاعده ءُ طالبان گوں بلوچاں همکاری کننت. رسترانی اے بے بنياديں بهتامان ءُ چپ ءُ چوٹیں گپاں دگه کس باور نکنت.
شوشتری ءِ کار ماں پيشن ءَ چے اَت؟ کئے ءُ کجام بلوچ آ انسان کش ءَ چه نيشابورءَ لوٹائينتگ ات تاں بئيت سرباز ءَ پلينڈی بکنت. پاکيں پردورگار ءَ شگر انت که اے وشنامی بلوچ کوم ءُ مزاریں سرمچار شهيد عبدالواحد ءَ

ءَ نصيب بوت تاں ايران ءِ ايردستيں راجاں چه اے هونواريں رسترءِ وجود ءُ زورانسری ءَ به رکين انت

شوشتری ءُ محمد زادهءِ دابيں ڈنی فارس بايدانت بلوچ ءُ بلوچستان ءِ سرا زورانسریءَ بند بکننت ءُ چه بلوچانی ڈيه ءَ درببنت. تاں اے زلم ءُ زورانسری هست بلوچ ءِ کومی جهد هم پرزور تر ءُ شهيد عبدالواحد ءِ پيميں سرمچارانی رِد بــَـز تر بيت.

مـُـرداريں نور علی شوشتری سپاه زرپرستيں مافيايی ميلياردر ءُ هزاران انسان ءِ قاتل جهندم ءَ راه ديگ بوت.




قـــــــول

قـــــــول

گـوں جذبـه ءُ جوش ءَ تـران کنــن ما عهــد ءُ قســم پيمــان کنــن

حونــان ءَ وتــی ريچــــان کنــــن جـانــان وتی قربـــان کنــن
برز نام ءُ بلوچ ءِ شان کنــــــــــن مـا عهد کنيں پيمــان کنــن
آزات بلوچستــــــــان کنـــــــن

چو مرد ءَ بندين سرينـــــان ءَ اچ ميان ءَ کشين زحمــــان ءَ

چو شير ءَ زورين گامـــان ءَ گون پادان پروشيـن کوهــان ءَ
چو درياب ءَ طوفان کنــــــن مـا عهد کنيں پيمــان کنـــــــن
آزات بلوچستــــــــان کنـــــــن


او شوانگ ءُ بگجت ءُ آزاران او بــز گ ءُ پهـــوال نـــاداران

او بــزگر ءُ مزدور لاچــاران او گشنگ ءُ بے شام بيمـاران
ما نوکين زندے جوان کنـــــن مـا عهد کنيں پيمــان کنـــــــن

آزات بلوچستــــــــان کنـــــــن



بلوچستان ءِ شائر، زبانزانت، ندکار ءُ کواس نميرانين آزات جمالدينی

ه‍.ش. ۱۳۸۸ مهر ۲۶, یکشنبه

جار ، اطلاعیه جنبش به زبان بلوچی


پاکيں پرودگارءِ نام ءَ


جنبش مردمی جندالله بلوچ کوم ءُ ايران ءِ ايردستيں مردماں حال دنت که مروچی ۲۶ مهرماه ۱۳۸۸ ءَ شهيد عبدالواحد محمدی سراوانی بازينـے چه بلوچ دژمنيں سپاه ءُ بسيج ءُ چاريگانءِ سروکاں ماں پيشــِن ـ سرباز ءَ کشت ءُ جهندم ءَ راه داتنت ءُ وت گوں وتی زند ءُ ساه ءِ فدا کنگ ءُ شهيد بوت
..
مه مروچيگيں پهرآوريں جانفدا هلگر ءَ لهتيں چه سپاه ءِ کلانيں سروک چوش که "نورعلي شوشتري جانشين فرمانده نيروي زميني سپاه پاسداران انقلاب و فرمانده قرارگاه قدس،‌ پاسدار محمدزاده فرمانده سپاه بلوچستان، فرمانده سپاه ايرانشهر و فرمانده سپاه سرباز و فرمانده تيپ اميرالمومنين" ءُ دگه بازيں بلوچ دژمنيں سپاهيگ، بسيجی ءُ چاروگ (اطلاعاتی) کشگ بوتنت.


اے جانفدا هلگر حکومت ءِ رستری کارکردانی يک پسوے ات. ايردستيں بلوچ کوم ءِ سدانی سد ورنا بيد هچ جرم ءُ گناهے پاهو ديگ بوتگنت. آهانی ايوکيں گناه ءُ ميار ايش انت که بلوچ انت ءُ سنی مذهب. همے سرباز ءِ ده ورنا ءَ گيش تهران ءِ حکومت ءِ جلادانی دست ءَ کشگ ءُ پاهو ديگ بوتگنت.

شهيد مولوی خلیل الله زارعی وشهيد حافظ صلاح الدین سیدی سربازءِ دو بيگناهيں عالم اتنت که پاهو ديگ بوتنت، دو دگه سربازی بلوچ ورنا شهيد طارق وشهيد اسد وفائی هم حکومتی جلادان ءِ دست ءَ کشگ بوتنت

رند چه مزاريں شهيد عبدالخالق ملازهی ءِ جانفدا هلگرءَ سئے مظلوم ءُ بيگناهيں بلوچ ورنا شهيدذبیح الله ناروئی ءُ شهيد حاجی نوتی زهیءُ شهيدغلام رسول شاهوزئی هم بيد هچ جرم ءُ گناهے ماں دزآپ (زاهدان) ءَ درنجگ بوتنت، رند چه دو هپتگ ءَ سينزده دگه بيگناهيں بلوچ ورنا بيد هچ محکمه ءُ دادگاهے ماں دزآپ ءِ بنديجاهءَ پاهو ديگ بوتنت

حکومت ءِ رستری کارکرد ماں بلوچستان ءَ چه حد ءَ گوستگ. بازيں مردمے ءِ دپ بستگ ءُ گٹ تروس انت، چه ترس ءَ وتی دل ءِ گپ کرت نکننت ءُ کس اے حکومت ءِ بلوچ دژمنيں کاراں انتقاد کت هم نکنت پر چا که منتقد وت گرگ ءُ کشگ بنت. پميشکا شهيد عبدالواحد ءِ مروچيگيں جانفدا هلگر بلوچاں گل ءُ شاداں کرت.بلوچستان ءِ مزاريں پسگ سرمچاريں شهيد عبدالواحد مروچی بلوچستانءِ شهيدانی سوگيگين ءُ اوپارکشوکيں پت ءُ مکهيں ماتاں مستاگے دات ءُ وت شهيد ءُ ابدماں بوت


ما يک رندے دگه سپاه ءُ بسيج ءُ آدگه حکومتی مردماں ماں بلوچستان ءَ گوشيں که وتی پلينڈی ءُ بلوچانی وت ماں وت میڑينگ ءَ بند بکننت. اگاں نه گڑا ترندتريں پسو ءِ وداريگ بنت.


سپاه ءِ مروچيگيں شيطانی ديوان ماں سرباز ءَ په بلوچانی جنگ ديگ ءُ قبيله ای جنگ بـُـن ديگ ءَ برجاه بوتگت ات. آ گوں بلوچانی وت مه وتی جنگان ءُ مئی کوم ءِ نزورکنگ ءَ لوٹنت وتی زالمين حاکمی دورءَ دراج کش بکننت. ما آهاں چشيں موه ندئيں تان چد ءُ گيشتر ماں مئی وطن ءَ کارهرابی بکننت

.


جنبش مردمی ءَ باز کوشست کتگ تاں جنگ ءُ هونريچی مبيت بلئے تهران ءِ حکومت وتی مردم کشی ءَ ماں بلوچستان ءَ ديما برتگ ءُ بيگناهيں بلوچاں وتی رستری کارکردانی آماچ کتگ ..
اگاں اے رندا رستريں واکدار چه بيگناهيں بلوچاں ونده بگرنت گڑا ما هم آهانی پسو ءَ بلوچی وڑے ءَ دئيں آ بزاننت دگه اے مردم ءِ ترسينگ ءُ ايردست دارگ په آهانی وتی تاوان انت ءُ باز انت شهيد عبدالواحد پيميں بلوچ ورنا که سريں بستگ ءُ اوشتاتگ انت

اے کاميابيں جانفدا هلگر پيش داشت که تهران ءِ حکومت گوں دلير ءُ مزن اوپاريں مهلوکے ءَ ديم په ديم انت که په وتی کومی ءُ بنياتی حکانی پچ گرگ ءَ په وتی آزاتی ءُ عزت ءَ ماں جد ءُ جهد ءِ پڑا انت ءُ وتی شرکنيں زند ءُ زگريں هونانی ءِ فدا کنگ ءَ تيار انت. شهيد عبدالواحد محمدی سراوانی گوں وتی شهادت ءَ جار پرينت که تهران ءِ آخوندی حکومت سک نزور ءُ سست انت
..

گڈسرا چه ايران ءِ تماميں مهلوک ءُ ايردستيں راجاں لوٹيں تاں بلوچ مهلوک ءِ جد ءُ جهداں پشتداری ءُ همراهی بکننت ءُ حکومت ءِ انسان دژمنيں کارکردان ءُ " ولايت فقيه" ءِ زوراکياں ماں بلوچستان ءَ پاشک ءُ زاهر بکننت
.

جنبش مردمی جندالله

بلوچ ءِ سرمچاری تهران ءِ سستين حکومت ءَ جکسينت




بلوچ ءِ مزاريں سرمچار تهران ءِ مجلس ءُ حکومتی آدگه بُنجاهاں ماں بلوچستان ءُ تهران ءَ مروچی هنچو جکسينت که حکومتی حالرسان اشتاپ اشتاپ ءَ اے حال ءَ هور تهور گوں دروگ شنگ کرت. بلئے بلوچ ءِ جوريں بيرگيری اے رندا هنچو مزن ات که نئے دروگبنديں ايرنا ءُ نئے سپاه ءِ مافيايی فارس حالرسان چير دات کرت نه کرت
بلوچ دژمنيں سپاه ءِ مافيايی فاشيستاں چنت مُــرداريــں ڈنی مزں سپاهيگ ءِ ناماں وت اعلام کت: " سردار نورعلي شوشتري جانشين فرمانده نيروي زميني سپاه پاسداران انقلاب اسلامي و فرمانده قرارگاه قدس،‌ سردار محمدزاده فرمانده سپاه استان سيستان و بلوچستان، فرمانده سپاه ايرانشهر و فرمانده سپاه سرباز و فرمانده تيپ اميرالمومنين" کشگ بوتنت البت اے مُرداریں ڈنی يان ءِ شمار گيش انت.
فاشيستیں علی لاريجانی آخوندانی شيطانی مجلس ءِ سروک گوں اے حال ءِ اشکنگ ءَ مهتل نه بوت ءُ جار جت که اے "امريکا و تروريستان" ءِ کار انت.
اے بلوچ دژمنیں ڈنی که چه سپاهيگانی مرگ َ سک پدرد ءُ پريشان انت زانگ لوٹيت که اے بلوچ ءِ هژم ءُ بيرگيری ءِ يک درورے انت. آ ڈنی يں فارس که بلوچ ءِ زند، ماں بلوچستان ءَ چه جهندم ءَ گنتر کتگ وتی بلوچ دژمنيں کارکردانی جواب ءَ همے داب ءَ بايد انت بدينت. ڈنی يں فارس مه هما آس ءَ سچگ انت که وت اِش مه مئی تاريخی سرزمين ءَ روک کتگ۰هما آس که هشتاد ءُ يک سال انت ڈنیيں فارس رستراں مه مئی گلزمين، مئی وتی بلوچستان ءَ روک کتگ بلوچ کشيں شوشتری گوں وتی ڈنی يں همراهاں ماں رستريں امان الله جهانبانی ءُ اسپ چارينوکيں رضا مير پنچءِ روک کتگيں آس ءَ ستک انت

رستريں نورعلی شوشتری کشگ بوت


تپتان نيوز : ڈنی یں نورعلی شوشتری تهران ءِ بلوچ دژمنيں حکومت ءِ سپاه پاسداران ءِ مافيايی ءُ فوجی سروکے هور گوں دگه بازیں رستریں بلوچ دژمنیں ڈنی مروچی ماں سرباز ءَ کشگ بوت.
اے مـُرداريں مردک په بلوچانی وت مه وت میڑينگءُ جنگ ديگ ءُ بلوچانی کشت ءُ کوش ءَ باز گناه کرتگت ءُ چشيں موتے آيی ءِ کمتريں شزا ات

۳۰۰۰۰پاکستانی فوجی ديم په جنوبی وزيرستان


بی بی سی ءَ حال دات که پاکستان ءِ واکداراں ۳۰۰۰۰ فوجی ءَ ديم په جنوبی وزيرستان راهی کرت تاں اوداں گوں طالبان جنگ بدينت ءُ آهاں گار ءُ گمسار بکننت. پاکستان ءِ فوجی جارچين میجر جنرل اطہر عباس ءَ گشت که آ ماں هشت هپتگ ءَ طالبان ءَ پروشت پروش کننت. البت ايشی ءَ وهد پيش داريت ءُ دو ماهءَ رند مالوم بيت که کئے ماں اے جنگ ءَ بـُرد کنت
بی بی سی ءِ دگه حالے ءِ ردا پنتاگون ءَ جار جتگ که په پاکستان ءِ فوج ءِ کمک کنگ ءَ تيار انت

ه‍.ش. ۱۳۸۸ مهر ۲۴, جمعه

مهدی کروبی: من ءَ انگت ءَ نه جتگيں گپ هست


آخوندانی وت مان وتی جيڑه دراج کش بوتگ ءُ انگت ءَ هلاس نه انت. تهران ءِ زالم ءُ وتسریں واکداراں بزاں آخوند خامنه ا ی ـ احمدی نژاد ءُ سپاه ءِ مافيايی سروکاں لوٹنت که کروبی ءَ دستگر بکننت ءُ ماں دادگاهے محاکمه بکننت. کروبی ءَ هم گوشتگ آ په دادگاه ءَ تيار انت ءُ گڑا هما راز ءُ گپ گوشگ بنت که کس نه اشکتگ انت.

نالائکيں احمدی نژاد ءِ چپورتی

ه‍.ش. ۱۳۸۸ مهر ۲۳, پنجشنبه

کوردستان




کوردستان ميديا ءَ حال دات که تهران ءِ حکومت ءِ سپاهيگ ءُ چاروگاں ( اطلاعاتی ) ده بيگناهيں کورد ورنا ءَ ماں کامياران ءِ شهر ءُ ميتگاں دستگر ءُ بندی کرتنت.. شمس الله رحمانی ناميں کورد گشندهے (خواننده اے) هم ماں کامياران دستگر ءُ بيگواه بوتگ.کوردستان دمکرات پارٹی (حزب دمکرات کوردستان) ءِ سلهبندیں ـ سياسی دربرجاه سوبيں بوت که يکصد ءُ نود (۱۹۰) پيشمرگ بزاں کورد سرمچارءِ سلهبندیں ـ سياسی کورسے ءَ آسر بکنت. اے زانتکاريں پيشمرگاں په کوردستان ءِ کومی جهد ءِ ديما برگ ءَ سريں بستگ ءُ اوشتاتگ انت

"تهران ءِ زالميں واکدارانی پندل ءُ "بلوچ سرداراں


تهران ءِ رستريں حاکم ءُ آهانی بلوچ کشيں سياسی ءُ فوجی مردم ماں بلوچ گلزمين ءَ هر وڑيں رپک ءُ پندل در گيجنت ءُ کارمرز کنگ انت تاں تلاهيں بلوچستان ءَ گيشتر وتی ناپاکيں پنجگانی چيرا بدارنت. آهاں په مئی ايردست دارگ ءُ لٹ کٹ ءَ "بلوچ سرداران" ءَ يکرندے دگه گلايگ ءُ ريپينگ انت.اگاں چے بلوچانی زانتکاری ءُ هزاراں سرپديں وانندهيں مردمانی جهدانی برکت ءَ " سرداری ءُ قبيله ای نظام" ماں بلوچستان ءَ گار بؤان انت بلئے اے بے دريں بلوچ دژمناں لوٹنت په زورانسری سرداری ءُ قبيله ای مـُرداريں نظام ءَ زندگ بدار انت. کار په اوداں سر بوتگ که ايشاں په وتی اے پدمنتگين ءُ شيطانی مکسداني پوره کنگ ءَ وت سردار ءُ کماش ناميننت.
ڈنی يں علی محمد چه کهگيلويه ءَ جهلاد بوتگ ءُ آتکگ حمل ءُ مير کمبر ءِ ملک ءُ اداں " سردار ءُ کماش" گچين کنت . هست انت چشيں رد وارتگ ءُ نامينتگيں "سردار ءُ کماش" که حکومت ءِ جند آهاں پاگے سر داتگ انت ءُ لوٹيت ايشاں سرپد ينءُ ذمه وارين ءُ جهدکاريں بلوچانی هلاپ ءَ به اوشتارينيت ءُ اے داب (پيم، وڑ) ءَ يکرندے دگه دوارسوچيں وت ماں وتی جنگ ءِ آس ءَ روک به کنت. ماں گوستگيں هپتگاں گنوکيں سليمانی ءُ ڈنی يں علی محمد آزاد ءُ سپاه ءِ مافيايی سروکاں گوں وتی کينگی کـِـرد ءُ پلينڈی گپاں اے بلوچ دژمنيں پندل ءَ زاهر کرتگ.اے انسان دژمنيں ڈنی حاکم وتی وس ءَ کنگ انت تاں مـُرتگيں " سرداری نظام" ءَ زندگ بکننت.
بلئے بلوچ مهلوک هنوں اے ڈنی يان ءِ کهنگين ءُ ريزتگيں رپک ءُ حيلتاں شر زانت ءُ آ مزاريں بلوچ کماش که سرداری ءِ لايق انت آ په وتی ماتيں سرزمين ءِ آزاتی ءَ په بلوچ ءِ حقانی گرگ ءَ ماں کومی جهدانی پـڑ انت

ه‍.ش. ۱۳۸۸ مهر ۲۱, سه‌شنبه

گنجيں بلوچستان ءِ نپت ءُ گيس


بلوچ دژمن ءُ ڈنی يں علی محمد آزاد مروچی مــنّ اِت که قاچاقي بنزين ءُ گازائيل چه ايران ءِ آدگه استاناں بزاں ولايتاں بلوچستان آرگ بنت ءُ پدا چه سيمسراں ڈن ءَ قاچاق بنت.

http://www.irna.ir/View/FullStory/?NewsId=729415&IdZone=41
تپتان: اے پدر ءُ زاهريں گپے انت که بنزين ءُ گازائيل ءِ مستريں سوداگرزابلی يانءُ فارس ءِ وتی حکومتی مافيا انت. بلئـے بے بنياديں بهتاماں چوش که بنزين ءُ گازائيل ءِ سوداگری بلوچان اش جتگ ءُ هزاراں بيگناهيں بلوچ ءِ زند همے سوب ءَ زوال ءُ تاوانبار بوتگنت.
حکومتی پليس ءُ سپاهيگ، بسيجی ءُ گنوکيں زابلی ياں سدانی سد بيگناه ءَ بيد جست ءُ پرس دستگرءُ بندی کرتگءُ کشتگ. اے انسان دژمنيں ڈنی ياں قاچاق ءِ بے بنياديں بهتامان ءُ تــَن تــَن (حتی) په شک ءُ شهبه ءِ نيمون ءَ چنت بيگناهيں بلوچ ءَ زندکا سوتکگ ءُ پيلشينتگ. مکاريں علی محمد آزاد که گوں ايران ءِ «شرکت نفت» ءِ کارمستر ءَ ماں دزآپ (ايرآپ ) ءَ ديوان کرته رندا گوں دولتی ميديا ءَ چوش پيش داشتگ که آهاں تهنا بنزين ءُ گازائيل ءِ قاچاق ءِ ديمدارگ ءُ مهن کنگ ءِ باروا گپ ءُ تراں کرت.

اے دز ءُ ڈنی يں مردک گوں رپک ءُ پندل چه دگنيا ءُ چه بلوچاں چير ديگ انت که گنجيں بلوچستان ءِ نپت ءُ گيس ءِ در کنگ ءُ پل ءُ پانچ، آ ديوان ءِ اصلی موضوع بوتگ.ايران ءِ «شرکت نفت» گوں استانداری ءِ همکاری ءَ وتی بلوچ دژمنين ءُ شيطانی يں برنامه ياں تيار کنگ انت تاں بلوچستان ءِ نپت ءُ گيس ءَ اشتاپ اشتاپ گوں هندی ءُ پنجاپی يانی شريک کنگ ءَ چه گنجيں بلوچستان ءَ در بکننت ءُ ماں ميان استمانی بازاران ءَ بها بکننت.

البت چينی ياں هم ماں اے بلوچ دژمنيں برنامه ياں هور انت. آهاں په چهبارءِ بندنءِ مدرن تر کنگ ءَ وتی تياری ءَ پيش داشتگ. درستيں بلوچان پوه ءُ سرپد بيگی انت که زرپرستيں ڈنی ياں بزان فارس ، هندی ، پنجاپی ءُ چينی ياں په مئی نپت ءُ گيس ءِ درکنگ ءُ دزگ ءَ لانچتگ.

اَے بلوچاں اتحاد پہ وشیں روچـــــاں اتحـــــــــــاد


اَے بلوچاں اتحاد پہ وشیں روچـــــاں اتحـــــــــــاد


زندگوازینگ نہ بیت ،مھتاجی ءُ چَمــــــــــــــداریءَ


وشدلیں باریگ نئیت پہ نندگ ءُ رھچــــــــــــــاری ءَ


گوانک جنت ساحر شما را درتگ پچیں پادشپـــــــــاد


اَے بلوچاں اتحاد پہ وشیں روچاں اتحــــــــــــــــاد

بلوچستانءِ نامداریں شائر واجہ مراد ساحر

پادائــت


پادائــت



پادائــت اَو بـــزّگ و واریں براســـــــــان
پہمندگ و پر زور و تیاريـں براســـــــان


اے لوچی و چمداری و گـژن ءِ زنــــــــد ءَ
ھیروپاں دیہت او منی سـاریں براســــان
نميرانیں مير گل خان نصير

ه‍.ش. ۱۳۸۸ مهر ۱۹, یکشنبه

تهران ءِ سياسی نماينده دُز ءُ ڈنی يں علی محمد آزاد


هران ءِ سياسی نماينده ماں بلوچ گلزمين بزاں ڈنی ين علی محمد آزاد ءَ ماں ديوانے گوں لهتيں چه بلوچ دهکان ءُ محنت کشاں ،يکبرے پدا منّ ات که بلوچستان ءِ سرزمين ءِ آمدنی و محصولات په ڈنی ياں بزاں فارس زرداراں مزنيں نپ ءُ سيتے انت. آ ڈنی يں بلوچ دژمن ءَ گشت که سالے ءِ تها دو ميليون ءُ پنچ صد تـُن ( کيلو ۲۵۰۰۰۰۰۰۰۰) وڑ وڑيں محصول بلوچستان ءِ مالدار ءُ دهکانانی زحمتانی برورد انت. زرپرستين ڈنی ءَ دپا تام گپت ءُ گوشت که همک سال ءَ گيش چه ۱۷۰۰۰۰ تـُــن نا (هرماگ) بلوچستان ءِ مچانی محصول انت.
تپتان: علی محمد آزاد که ڈنی يان ءِ استاندار انت په بلوچستان ءِ آمدنی ءُ محصولات ءِ پل ءُ پانچ ءَ فارس زردار ءُ سرمايه داران ءَ هر پيميں کمک کنت.
ڈنی يں زردار ءُ بے دريں زابلی ياں روچ په روچ زردارتر ءُ مالدار تر بنت بلئے بلوچاں وارتر ءُ دست تنگ تربيگ انت. بلوچستان ءِ پل ءُ پانچ ءُ بلوچانی اے بديں اقتصادی جاور تهران ءِ شونيستین ءُ دُزيــن علی محمد آزاد ءِ حاکمی ءِ برود انت.انگريز ءُ امريکه ءَ چشين زلم ءُ زيادتی گوں وتی مستعمرات نه کرتگ که علی محمد آزاد ءُ آدگه فارس ڈنی ياں گوں بلوچ ءُ بلوچستان کنگاينت



حکومتی حالرسان ايسناءَ حال دات که چد ءُ رند پليس ءُ بسيجی ماں وانگجاهاں هم وتی بـُنجاهاں اڈ کننت. همے باروا عزيزالله رجب زاده که تهران ءِ پليس ءِ کارمستر انت گوشتگ که پليس ءِ کار ماں وانگجاهاں ايش انت که درس وانوک ءُ زانت دربراں چه رديں کاراں مهن بکننت. آهاں مئيلنت تاں نشئه ای دوا ءُ چرس ءُ بديں عادتانی هيلدار به بنت.


تپتان: رند چه دروگيں گچين کارياں نارازيں مردماں گيشتر ءُ گيشتر بؤان انت. آخوندی حکومت ءِ سروکاں چه مردمانی پاد آيگ ءَ بيم ماں جاناں کپتگ، په هميش انت که ورنايان ءُ درس وانوکاں ماں وانگجاهاں کنترل کننت تاں حکومت ءِ هلاپ ءَ هوربندی چست ءُ اير( فعاليت سازمان يافته ) مه بيت.


البت نارازيں مردم ءُ ورنايانی کنترل ءُ ترسينگ هچ وڑيں کمکے په اے زالمين ءُ سستيں حکومتءَ بوت نکنت.اے مکار ءُ انسان دژمنيں حکومتی يان ءِ ترس ءَ پيش داريت که روچ په روچ گيش بؤان انت.تاريخ پيش داريت که چشيں حکومت که چه وتی ايردستيں مردمان به ترسيت ، گڈسرا همے ناراز ءُ ايردستيں مردمانی ديما پروش وارت ءُ چپيگ بيت..
تهران ءِ جاهليں واکداراں هنوں گوں ميليونان نارازيں انسان ديم په ديم انت ءُماں اے ديم په ديمی ءَ وتسريں حکومتی چاروگ، بسيجی، حزب اللهی، جيش مهدی، پليس،هونواريں سپاهیگ ءُ زالميں آخوندی حکومت بــُــردے نکننت.
.

ه‍.ش. ۱۳۸۸ مهر ۱۶, پنجشنبه

بنزين ءُ گازائيل ءِ مستريں سوداگر حکومتی مافيا ءُ سپاه پاسداران ءِ جـِنـد انت


رستریں غلامعلی نکويی که بلوچ کشيں حکومتی سلهبند ءُ نظاميانی سروک انت مان انترويو ے ءَ گشت که ماں اے سال ءَ «سه میلیون 600 هزار لیتر انواع سوخت» بزان۳۶۰۰۰۰۰ ليتر بنزين ءُ گازائيل ءُ نپت ماں بلوچستان ءَگرگ بوتگنت.
حکومتی رستراں وتـَنت که بنزين ءِ اصلی سوداگر انت اگاں ناں اينکس بنزين ءُ گازائيل ءِ سوداگری ما ۷ ماه ءَ چه بے وسيں بلوچانی وسءَ در انت.
آ بلوچ که چه واری ءُ په وتی چکانی لاپ ءِ سير کنگ ءَ لاچار انت که يک گالنے بنزين بزورانت ءُ بها بکننت دستگربنت ءُ شزا ديگ ءُ قاچاقچی زانگ بنتءُ بيگواه ءُ کشگ بنت. حال آنکه حکومتی مافيا، زابلی قاچاقچی ءُ سپاه ءِ وتی دزيں سروکاں چه اے سوداگری ءَ بے کساس پايده چست کننت .
اے گپ په باز کس ءَ پدر ءُ زاهر انت که حکومتی مافيا ءُ سپاه پاسدارانءِ جـِنـد ،بنزين ءُ گازائيل ءِ هاله ئين ءُمستريں سوداگر انت بلئے اے رستراں که وت مستريں قاچاقچی انت ، چه همے گپ ءَ نيمونے ءُ دليلے جوڑينتگ تاں بلوچان گيشتر بجننت ءُ دسگر بکننت ءُ بکشنت.

الاحواز


هرانا حالرسان ءُ انسانی حقان ءِ جهدکاراں حال دات که ۸ مهر ماه ، چارشمبه ءِ روچ ءَ ۷ الاحوازی ورنا پاهو ءِ حکم ديگ بوتگنت. رستريں آخوندانی انسان دژمنيں جلاداں پدا بيگناهيں انسانانی ساه ءِ گرگ ءَ وتی شيطانی حکم داتنت.اے رند ءَ هپت بے گناهیں انسان چه الاحواز ءَ هونواريں آخوندانی سنگدلی ءِ آماچ بوتنت.اے بے گناهانی نام ايش انت: علی ساعدی، ولید نیسی، ماجد فرادی پور، دعیر مهاوی، ماهر مهاوی احمد ساعدی ءُ یوسف لفته پور.اے بےگناهيں الاحوازی ياں «هشام صیمری» ناميں آخوندے ءِ کشگ ءِ بهتام جـَنـَگ بوتگ ، بلئے درستاں اے بهتام ءَ دروگ زاننت ءُ گوشتگ اش که آ نزاننت آخوند صميری ءَ کئے کشتگ.گوشگی انت که آخوند صميری، يک سنی دژمنيں رسترے اَت که ۱۳۸۶ ءِ سال ءَ ماں الاحواز ءَ کـُشگ بوت.
دو دگه بيگناهيں الاحوازی ءِ بند بؤگ ءِ حکم ديگ بوتنت.

ه‍.ش. ۱۳۸۸ مهر ۱۴, سه‌شنبه

ايران ءِ پدمنتگی


تهران ءِ مکاريں واکدار وتی مردمان باور کنائينتگ که ايران يکے چه دگنيا ءِ ديما شتگين ءُ واکداريں ملکان انت.
اے مزنيں دروگ په دگنيا ءَ هنچو پدر انت که راجانی ميان استمانی هوربند بزان «سازمان ملل متحد» ماں يک ليستے ايران ءِ نام هم آورت. ماں اے ليستءَ که دگنيا ءِ مردمانی زند جاور ءُ ملکانی ديمروی ءَ پيش داريت ايران هشتاد ءُ هشتمی جاگه انت.
بزاں ۸۷ ملک مان دگنيا ءَ هست که چه ايران گيشتر ديما شتگ انت ءُ آ ملکانی مردم چه بد نسيبيں ايران ءِ ايردستيں مهلوک سر آگاه تر انت ءُ چه ايرانی ياں گهترزند گوازينگاينت.
په درور موريتانی، پرو، آلبانی، ارمنستان، آذربايجان، گرنادا، رومانی ءُ ...دگه ۸۰ ملک چه پد منتگيں ايران ءَ بازديما تر انت

تلاه دُزيــں علی محمد آزاد


تهرانءِ رستريں سياسی نمائنده ماں بلوچ گلزمين ءَ من ات که بلوچستان ءِ دو ءُ نيم تاں سئے هزار کيلو تلاه ماں سياه جنگل ءُ بزمان ءِ تلاهين زمين ءَ په در کنگ ءَ تيار انت. آ چه ڈنی يں زردار بزان فارس لوٹت تان په بلوچستان ءِ تلاه ءِ دُزگ ءُ تاراج ءَ اشتاپ بکننت.
بلوچان بايدانت هر وڑے ءَ که بوت کنت اے ڈنی يں مردک ءُ فارس زرداران ءَ
په گلزمين ءِ تلاهانی دزگ ءَ مئيلينت. اے تلاه بلوچ ءِ مال انت. اے علی محمد ءُ آدگه ڈنی يان ءِ دُزیں پس ءُ پيروکانی ميراس نهنت