ه‍.ش. ۱۳۸۸ شهریور ۲۹, یکشنبه

تھران : سی ءُ پنچ نپر دستگر ء بندی بوتنت۔






حکومتی حالرسان ایسنا ءَ حال ءَ دات کہ جمعہ روچ ءَ سی ءُ پنچ ( ۳۵ ) “ھرابکار ءُ کارزوالیں“ مردم



ماں تھران ءَ دستگر ء بندی بوتنت۔










جمعہ روچ ءَ ھزاراں ھزار نارازیں مردم ماں شھر ءُ بازاراں تظاھرات کرت ءُ گوں “مرگ بر دیکتاتور“ ءُ “مرگ بر استبداد“ ءِ برزیں کوکار ءُ سلواتاں آخوندی حکومت سستیں وجود ءَ لرزینت۔










رستریں سپاھیگ ءُ جاھلیں آخونداں ھمے نارازیں مردماں کہ روچ پہ روچ گیشتر بؤان انت ، “کارھراب ءُ ضد انقلاب “ زاننت ۔ گوں نارازیں مردمانی لٹ کٹ ءُ دستگر ءُ بندی کنگ ءُ کشگ ءَ لوٹنت وتی انسان دژمنیں حکومت ءِ تھاریں دؤر ءَ دراج کش بکننت۔



تپتان ءِ وانوکان ءُ تمامیں مسلماناں

تپتان ءِ وانوکان ءُ تمامیں مسلماناں



عید فطر مبارک بات۔



ه‍.ش. ۱۳۸۸ شهریور ۲۷, جمعه

بے پاگيں خاتمی


ماں تهران ءِ شهر ءَ بسيجی ياں گوں محمد خاتمی ءُ آيی ءِ مردم گر ءُ گيش بوتنت. ماں اے گر ءُ گيش ءَ خاتمی ،آخوندی حکومت ءِ پيشيگیں کماش وتی پاگ ءَ باهينت .

تهران: مرگ بر ديکتاتور


تپتان: چه تهران ءَ حال رستگ که هزاران نارازيں مردم چه لوگاں درآتکگ ءُ آخوندی حکومت ءِ هلاپ ءَ تظاهرات کنگ انت. اے مهلوک کوکار کنگ ءُ شعار ديگ انت : «مرگ بر ديکتاتور» ءُ « مرگ بر استبداد».اشکنگ ءَ ماں اصفهان ءُ تيريز ءُ شيراز ءَ هم نارازيں مهلوک حکومت ءِ هلاپ ءَ يکرندے دگه وتی توار ءَ هوری ءَ بـُـرز کتگ

ه‍.ش. ۱۳۸۸ شهریور ۲۶, پنجشنبه

رستريں سپاه پاسداران ترسگ انت.

ايران ءِ زالم ءُ رستريں فوجی حاکم بزان «سپاه پاسداران» پشمبه ءِ روچ ءَ ترنديں بيانے دات ءُ اعلان کرت که هچ کسے ءَ ماں جمعه روچ ءِ تظاهرات ءَ اجازت ءُ موه ديگ نه بيت تاں حکومت ءِ هلاپ ءَ گپ بجنت يا نعره بازی بکنت. رستريں سپاهيگ جار پرينتگ که هما مردمان گوں شونزيں پچ ءُ کلاه يا شونزيں پٹی ءُ نشان ءِ پيشدارگ ءَ موسوی ءُ کروبی ءِ هبراں زورنت نئيلنت تاں کارهرابی بکننت
گوشگی انت که موسوی ءُ کروبی ءُ خاتمی هور گوں پلينڈيں رفسنجانی ءَ اعلان کتگ که ماں باداتگيں تظاهرات بهر زورنت. بوت کنت سپاهيگ ءُ بسيجی هور گوں آخوند خامنه ا ی ءُ نالائکين احمدی نژاد چه اےگپ ءَ نگيگ انت ءُ پريشان انت که نارازيں مهلوک پدا ماں شهر ءُ بازاران در بکپنت ءُ آخوندی حکومت ءِ هلاپ ءَ يکبرے دگه وتی توار ءَ هوری ءَ بـُـرز بکننت

ڈنی ءُ رستريں علی محمد آزاد ءُ گنوکيں آخوند سليمانی

ڈنی ءُ رستر يں علی محمد آزاد گوں گنوکيں آخوند سليمانی په تهران ءِ حکومت ءِ بلوچ دژمنيں سياستانی ديما برگ ءَ همک شيطانی رپک ءُ پندلان کار مرز کننت. اے رستراں پشمبه ءِ روچ ءَ ماں ايرآپ ءَ ديوانے برجم کرت ءُ لهتيں ناسرپديں مردم اِش گلائينت تاں باندا بزاں جمعه ءِ روچ ءَ په تهران ءِ انسان دژمنيں حکومت پشتداری ءَ ماں شهر ءُ بازاراں درکپنت ءُ تظاهرات بکننت.

ه‍.ش. ۱۳۸۸ شهریور ۲۱, شنبه

آخوند طباطبايی : موسوی ءُ کروبی ءَ دستگر ءُ بندی کنيت.


بی بی سی ءَ حال دات که آخوند طباطبايی که اصفهان ءِ کٹریں شيعه يانی ٹگیں پيش نماز انت جمعه روچ ءَ گشت که موسوی ءُ کروبی مجرم انت اے په زانت ناسرپدیں ورناياں ريپيننت تاں حکومت ءِ ديما به اوشتنت ماں شهر ءُ بازاراں تظاهرات بکننت. مستریں مياريگ ءُ مجرم هميش انت که بايدانت گـِـرَگ ءُ محاکمه به بنت. . اے گپ گوشگی انت که رند چه دروگیں گچينکارياں جڈاليں خامنه ای، نالائکيں احمدی نژاد، بازيں آخوند ءُ سپاهيگ ، موسوی ءُ کروبی ءِ سرا زهر کن انت. اشکنگ ءَ کروبی ءِ دستگری حکم ءَ جڈالیں خامنه ای داتگ ءُ بوت کنت همے زوتاں اے نارازیں آخوند ءَ بگرنت ءُ گٹ تروس بکننت.

ه‍.ش. ۱۳۸۸ شهریور ۲۰, جمعه

ه‍.ش. ۱۳۸۸ شهریور ۱۹, پنجشنبه

سنندج ءِ قاضی زدگ بوت


حکومتی حالرسان ايرنا ءَ حال دات که چارشمبه ءِ روچ، سنندج ءِ رستريں قاضی ءِ سرا تيرگواری بوت.
اے سگ جان ءُ کورد کشيں رستر زدگ بوت .

رستريں زابلی سپاهيگ ءُ بسيجی، بلوچ ءِ قاتل اَنت


گوستگيں روچانی دستگر بوتگيں بلوچانی سياد ءُ مردم وتی چماں ديستگ ءُ باز شاهد هست انت که چونکا رستریں زابلی سپاهيگ ءُ بسيجی ماں شستون ءُ ايرآپ ءَ بے جست ءُ پرس ءَ ماں مردمان ءِ لوگاں مان شاننت ءُ بيگناهیں بلوچاں دروگيں بهتام جننت، آهان ماں وتی لوگ ءُ جاهاں دوا دژمان ءُ لٹ کٹ ءُ بے عزت کننت، بلوچ ورنايانی چمان بندانت، آهانی پاکيں دستاں دست بند جننت ءُ گوں وت ءَ برنت.جــُـڈالیں خامنه ای ءُ نالائکيں احمدی نژاد ءِ بلوچ کشيں سياستانی بنيات ءَ زابلی رستراں گوں بلوچ کشيں شهرياری ءُ نورا ءِ سروکی ءُ ڈنی يں علی محمد آزاد ءُ گنوکيں سليمانی ءِ هم شوری ءَ وتی

مهدی کروبی ءِ کارگس بند بوت


تهران ءِ دادستان حکم دات که مهدی کروبی ءِ هوربند (حزب اعتماد ملی)ءِ کارگس ماں تهران ءَ بند به بيت. گوں اے حکم ءَ پاسدار ءُ بسيجی ماں کروبی ءِ کارگس ءَ مانشانت ءُ بـَرَگــی چيز اِش زرت ءُ برت ءُ کارگس ءِ دروازگ اِش کُبل جت. کروبی ءِ حزب ءِ وبسايت ءِ کارمستر ماں اے هلگر ءَ دستگر بوت ءُ کارگس ءِ کمپيوتر ءُ بازیں سی دی ءُ کاگد ءُ سـَنــَـد هم زوربرد بوتنت.گوشگی انت که مهدی کروبی ءِ مردیں چک چه پيسرءَ دستگر ءُ بندی بوتگ.مير حسين موسوی ءِ بهشتی ناميں مشاورے هم بنديگ انت ءُ آيی ءِ گچينکاری کارگس بند انت

ه‍.ش. ۱۳۸۸ شهریور ۱۷, سه‌شنبه

نالائکيں احمدی نژاد ءِ چپورتی

رستريں احمدی مقدم


رستريں احمدی مقدم پدا مئی گلزمين ءِ کپ ءُ چنڈ کنگ ءِ شومیں حال ءَ چه رستریں پاسدارانی فارس حالرسان ءَ شنگ کرت ءُ گشت که په بلوچستان ءِ ديوال ءَ ۳۰ ميليا رد تومان (۳۰۰۰۰۰۰۰۰۰۰ تومان) همے سال ءَ کارمرز بيت. اے رسترءَ گشت که تان هنون ۶۰۰ کيلومتر چه بلوچستان ءِ سيمسر بندگ بوتگ.

ه‍.ش. ۱۳۸۸ شهریور ۱۴, شنبه

بيگناهيں بلوچ ورنا دستگرءُ بندی بيگ انت


تپتان حالرسان: گوستگيں روچاں بازيں بلوچ ورنا چھ شستون ءُ ايرآپ ( دزاپ ـ زاهدان ) ءَ دستگر ءُ ماں حکومتی کورچاتاں دؤر ديگ بوتگنت. لهتيں چه اے بيگناهيں ورنايانی نام ايش اَنت: ۱ـ حمزه ریگی
۲ـ سعید ناروئی
۳ـ عبدالرحمان ریگی
۴عزت الله ریگی
۵ـ عبدالمالک ریگی
۶ـ حبیب الله ریگی
۷ـ ابراهیم ریگی
۸ـ اسماعیل ریگی
۹ـ حامد ریگی
۱۰ـ احمد قنبرزهی
۱۱ـ عبدالله ناروئی
۱۲ـ اسدالله شه بخش
۱۳ـ ناصر شه بخش

هنونیں دؤر ءِ هونواریں ضحاک


ه‍.ش. ۱۳۸۸ شهریور ۱۳, جمعه

تهران ءِ آخوندانی مذهبی جنگ ماں بلوچ ڈيه ءَ


رستريں آخوندی حکومت په بلوچ کوم ءِ مذهب ءُ باورانی بدلينگ ءَ هما کار کنگ انت که جناوریں صفوی ياں هم نکتگ.. يکـے چه ايشانی کاراں ماں بلوچ ڈيه ءَ «حسينيه» ءُ شيعی مسيت ءُ « حوزه علميه » ءِ اڈ کنگ انت.اداں يک درورے (مثالے) ءَ په تپتان ءِ وانوکاں ياریں: «حوزه علميه » چابهار ءِ کار ءُ تبليغی چست ءُ ايريکے چه آخوندانی شيطانی کاران انت.
اے آخوندی مدرسه شش سال پيش ءَ بنگيج بوتگ . مروچی ۷۰ طلبه ماں اے شيعی مدرسه ءَ وانينگ بنت. آهاں مپتيں ورگ، پچ ءُ پوشاک، لوگ ءُ جاه رسيت. اے مدرسه وتی رستريں وانينوکیں آخوند بزاں معلم چه قم ءَ ياريت. ماں اے رافضی مدرسه ءَ کمپيوتر جاهـے گوں نوکیں کمپيوتران ءُ تيز راوجیں اينترنت هست انت. اے شيطانی جاگه ءَ ماشين ( گاڑی) ءُ موتور هم هست انت. اے مدرسه ءِ جاهليں کارمستر آخوند سید محمد موسوی ماں انترويوے گوں حکومتی رسا حالرسان ءَ پدر کرت که آ تاں هنوں چنت رندا تبليغی آخوند چهبار ءِ کلگاں راه داتگ ءُ گشت که اے «حوزه علميه» ءِ برنامه ءُ کارماں بلوچانی ڈيه ءَ
دراج کش (طولانی) انت

ه‍.ش. ۱۳۸۸ شهریور ۱۲, پنجشنبه

رستریں آخوندانی مافيايی مجلس ماں تهران ءَ


دو کورد کاسبکار ماں مريوان ءَ کشگ بوتنت.


کوردستان ميديا ءَ حال دات که ايران ءِ رستريں سپاهيگ دو کورد کاسبکار ءَ ماں مريوان تير جت ءُ کشت. اے کاسبکارانی نام صلاح ـ حاجی محمود ءِ چـُـک"سيفی ژورو" ءِ جاهمنندءُ دليرـ رحمان ءِچـُـک "کاريز" ءِ جاهمنند اَت.