ه‍.ش. ۱۳۸۸ شهریور ۹, دوشنبه

نالائکیں احمدی نژاد: من ءَ هپتاد میلیون دوست ماں اے ملک ءَ هست


حکومتی حالرسان مهر ءَ حال دات که احمدی نژاد په وتی وزیرانی منینگ ءَماں مجلس ءَ گپ کرت ءُ گشت که آیی ءَ ۷۰ میلیون دوست ماں ایران ءَ هست انت.
دروگبند ءُ چپورتیں احمدی نژاد گوں اے گپ ءَ یک رندے دگه پیش داریت که په بیه گنوک انت . .

ه‍.ش. ۱۳۸۸ شهریور ۸, یکشنبه

بلوچ سرزمین پر ایرانی یلغار

په وانگ ء نبشتانکی سرا کلیک کنئت

سوره اخلاصی ترجمه په بلوچی




چنت حال چه کوردستان ءَ


چنت حال چه کوردستان ءَ


کوردستان ميديا ءَ حال دات که ايران ءِ رستريں پليس ءُ بسيجی و سپاهيگ ماں گوستگيں هپتگ ءَ ۳۰بيگناهيں کورد ءَ ماں کوردستان ءِ «ثلاث بابا جانی» هند ءُ دمگ ءَ دستگر ءُ بندی کتگنت

*****

ايران ءِ رستريں سپاهيگ مان سقز ءَ يک ماشينے ءِ سرا تير گواری کرت ءُ سقز ءِ جاهمننديں
حسين ناميں کورد ے ءَ کشت آيی ءِ هشت ساليگيں چک ءَ زدگ کرتنت.شهيد حسين ءِ زدگيں تبل ءِ نام عمر انت.


*****

ماں سلماس، بانه ءُ سردشت ءَ رستريں سپاهيگ، کورد تاجر ءُ کاسبکارانی گــُنگــُداميں اسپانی سرا تيرگواری کرت ءُ گيش چه ۵۰ اسپ اِش کشت ءُ اے وڑءَ کورد کاسبان ءَ مزنيں تاوانے دات
.
*****


هرانا حالرسان ءَ حال دات که رستريں بسيجی ياں يک کورد ورناے ءَ چه اروميه ءِ صوفيان کلگ ءَ تير کت ءُ کشت .کورد کشيں بسيجی بے جست ءُ پرس ءَ يک رهگوزيں ماشينے ءِ سراتيرگواری کتءُ اے ۲۳ ساليگيں ورنا هما ماشين ءِ مساپر اَت. اے شهیديں ورنا ءِ نام پرویز میرزایی اَت..يکـے چه اے ورنا ءِ همراهاں زدگ بوت. رند چه تيرگواری ءَ ماشين اوشتيت ءُ گنوکيں بسيجی، بيگناه ءُ هبکه ئيں مساپراں په زور اير گيجنت، دوا دژمان ءُ لٹ کٹ کننت

:تمدن و فرهنگ فارس" ايش انت "




تهران ءِ هونواريں واکدار ءُ فاشيستيں فارسان باور انت که آهانی" تمدن و فرهنگ" باز ديما شتگ. بلے گوستگيں ۳۰ سال ءِ آخوند شاهی ءِ تهاريں دؤر، اشانی رستری کارکرد مان بلوچستان، کردستان ، ترکمن صحرا ءُ الاحواز ءُ دروگيں گچينکاريان ءُ بيگناهانی کشتار ءُ لٹ کٹ پيش داشتگ که اے رسترانی گور ءَ نئے تمدن ءِ نشان هست ءُ نئيکه تُشــے انسانيت
اے انسان نمائيں جناوراں دگنيا ءِ جاهل ترين ءُ پد منتگ ترين ءُ هونوارتريں رستر اَنت.

ه‍.ش. ۱۳۸۸ شهریور ۷, شنبه

يــک آشوبـــــے آرگ بــــات

يــک آشوبـــــے آرگ بــــات
«نيک ءُ بد» پجـّارگ بــــــات
نامــداريں بـــــد کــِــــرداراں
چـمّ سهرے پيشدارگ بـــــات
واننـــده ايں بــے بــــــــُـوداں
هرجاهے ڈوبارگ بـــــــــــات
راج ءِ پنــــــدل بــــــــــــازانی
هرچ رپک ءَ مــــارگ بــــــات
سر، داں پاداں، پُـــر عيــب اِيں
زنـــــد ءَ را پلگـــارگ بـــــــات
ڈيه ءِ هرچ سنــــــگ ءُ ڈوک ءَ
چـُـکگ چمـّــــــاں دارگ بـــات
ساحر، وازمنــديــــــں زرداں !
آه بات نے افــــارگ بــــــــات
نامدارين شائر واجه مراد ساحــــر

جـــُـڈاليـــں آخوند خامنه ای ءُ ٹگ ءُ مکــّاریں رفسنجانی


ٹگ ءُ مکــّاریں رفسنجانی گوں جــُـڈاليــں آخوند خامنه ای په مردمانی ريپينگ ءَ رند چه گچينکارياں په زاهرءَ ناتپاک اتنت، هنوں پدرا نت که په آخوندی حکومت ءِ سياهيں دؤر ءِ دراج کش کنگ ءَ اے رستريں هونواراں تپاک انت .
گوں زلم ءُ زوراکي ءُ بيگناهيں انسانانی کشتار ءُ دروگ ءُ دو تل ءُ دو پوستی وتا را تيار کنگ انت تاں په دروگيں «امام زمان» چه جمکران ءِ تهاريں چاه ءَ دربئيت ءُ ميليوناں انسان ءِ زندجاوراں چه جهندم ءَ گنتر بکنت

بلوچستان ءِ انسانی حقانی جھدکاراں

بلوچستان ءِ انسانی حقانی جھدکارانءِ انجمن حال دات کہ جمعہ روچ ءَ
بلوچ ورنائے ءِ لاش ماں چشمہ زیارت ءِ راہ ءَ ایرآپ ( زاھدان ) ءِ رونشت ءَ درگیجگ بوت۔ اے ورنا ءِ نام منوچھر شہ بخش انت کہ پنچ روچ پیسرترءَ چہ ایرآپ ءَ بیگواہ کنگ بوتگ۔ منوچھر ایرآپ ءِ شھرداری ءَ بلوچ دوستیں کارمندے اَت .

ه‍.ش. ۱۳۸۸ شهریور ۶, جمعه

نالائکیں احمدی نژاد زَھرکـِـن اِنـت۔


نالائکیں احمدی نژاد ماں تھران ءِ نماز جمعہ گشت کہ رند چہ گچینکاریان ءِ تظاھرات ءُ آشوب ڈنی واکانی کاراَت۔ بلے لھتیں چہ سیاسی سروک کہ گوں ڈنی یاں ھمکاری کتگ انگت ءَ گرگ نبوتگ انت۔ ایشاں مزنتریں میاریگ ءُ گنہ کار نت کہ باید انت دستگر ءُ محاکمہ بہ بنت۔

چوش کہ تھران ءِ گندھیں سیاسی جاوراں پیش دارگ انت ھونواریں احمدی نژاد ءُ رستریں سپاہ ھورگوں جڈالیں خامنہ ای پہ موسوی ءُ کروبی ءِ دستگر کنگ ءَ چن ءُ لانچ انت۔

بلوچانی زميناں زوربرد بوتنت.

بلوچ ءِ گپ وبلاگ ءَ حال دات که ڈنی ياں ماں ايرآپ ( زاهدان ) «ميدان فاضلی» ءَ بلوچانی زميناں زوربرد کتگ انت. گريبيں بلوچانی زمين که دولتی ياں په زور ءَ پچ گپتگ انت بها بيگانت ءُ زابلی ءُ پارسی يان دست په دست کنگ انت. اے بزگيں بلوچانی زمين انت که زوربرد بوتگنت

چار پيشمرگ شهيد بوتنت


کردستان ءِ دمکرات پارٹی (حزب دمکرات کردستان) ءَ حال دات که سی مرداد ماه ۱۳۸۸ چار پيشمرگ چه اے حزب ءِ باسکاں ماں يک نابريبريں جنگـے گوں ايران ءِ رستريں پاسداراں ، ماں کردستان ءِ سرزمين ءَ شهيد بوتنت. اے شهيديں پيشمرگانی نام ايش اَنت: حسین محمدی، یوسف فقیهی، آزاد برایی ءُ سیف الله دنیایی
‎ . کردستان ءِ دمکرات پارٹی ءَ مان شنگ کتگيں بيانے ءَ حال داتگ که ماں اے جنگ که دو شپ ءُ دو روچ ءَ دراج کش بوته .

هپت رستريں پاسدار کشگ ءُ بازينے زدگ بوتگنت

ه‍.ش. ۱۳۸۸ شهریور ۵, پنجشنبه

۸۰جاهليں آخوند ماں دلگان ءِ کلگان


رستريں پاسداران ءِ فارس حالرسان حال دات که ۸۰ آخوند ماں دلگان ءِ کلگاں وتی تبليغی کاراں بزاں رافضی فرقه ءِ تبليغ ءَ گلائيش انت.

ه‍.ش. ۱۳۸۸ شهریور ۴, چهارشنبه

۱۰۰جاهلیں آخوند پهره ءَ راه دیگ بوتنت


آخوند محمود زاده شيعه يانی تبليغی مسترماں پهره ءَ اعلان کرته که۱۰۰ کم زانگین ءُ جاهلیں آخوند پهره ءُ بنپور ءُ بزمان ءَ آتکگنت تاں رافضی فرقه ءُ باوران ماں بلوچانی سرزمین ءَ شنگ ءُ تالاں بکننت ءُ بلوچانی نیکراه (مذهب)ءُ باوران ءَ بدل بکننت ءُ اے وڑ ءَ تهران ءِ شيعه واکدارانی روک کتگيں مذهبی جنگ ءَ ماں مبارکيں رمضان ءِ ماه ءَ هم ديما برنت.

ه‍.ش. ۱۳۸۸ شهریور ۲, دوشنبه

نالائکیں احمدی نژادءَ نامینتگیں وزیر دادگستری


اے رستریں جناورءِ نام مرتضي بختياري انت که

نالائکیں احمدی نژادءَ نامینتگیں وزیر دادگستری بزان عدلیه ءِ وزیرانت

کوردستان



کوردستان میدیا ءَ حال دات که جمعه روچ ءِ بامگاه ءَ ايران ءِ رستريں پاسدار ءُ فوجی کوردستان ءِ "برده نازءُ چیای کود" ءُ "حاجی عمران" ءِ دمگانی سرا راکت دؤر دات

اے راکت گواری ءِ زوالکاری ءُ جانی ءُ مالی تاواں هنگت ءَ مالوم نهنت چه دگه نيمگے دروگبنديں فارس حالرسان ءَ حال داتگ که ايران ءِ رسترين فوجی ءُ سپاهی ماں کوردستان ءَ ، ۲۶نپر چه کومله ءُ پژاک ءُ حزب دمکراتءِ پيشمرگان ماں گوستگيں روچاں کشتگ۔

ايران ءِ وزير دفاع بين المللی تروريستے انت


رند چه اے حال ءِ شنگ بيگ ءَ که احمد وحيدی ايران ءِ وزير دفاع نامينگ بوت ، آرژانتين ، امريکه ءُ اسرائيل ءِ حکومتاں وتی پريشانی ءَ درشان کرتنت. بی بی سی ءَ حال دات که آرژانتين ءِ ڈنی ملکانی وزير اعتراضی بيانے داتگ ءُ احمد وحيدی ءِ وزير دفاع بيگ ءَ اير جتگ

.
احمد وحيدی يکے چه هما تروريستان انت که سال ۱۹۹۴ ءَ ماں آرژانتين ءِ بنجاهی شهر، بوينس آيرس جهودانی يک مذهبی بنجاهے ءَ گوں بمبانی تراکينگ ءَ گيش چه هشتاد مردم کشت ءُ بازينے ءَ ٹپی کرتنت.

گوشگی انت که چه دو سال ءَ گيش انت که انترپول ءَ اے بين المللی تروريست ءِ دستگر کنگ ءِ جار پرينتگ

ه‍.ش. ۱۳۸۸ شهریور ۱, یکشنبه

۶۵۰جاهليں آخوند بلوچستان ءَ راه ديگ بوتنت

ايران ءِ حکومتی حالرسان ايرنا ءَ حال دات که ۶۵۰ آخوند چه قم، مشهد ءُ اصفهان ءَ ديم په بلوچستان راه ديگ بوتنت .
گوشگی انت که تهران ءِ شيعه ئيں آخوند مدام وتی تبليغی مردمان بلوچستان ديم دينت تاں رافضی باور ءُ فرقه ءَ تبليغ بکننت ءُ بلوچانی مذهب ءُ باوران بدل بکننت. ۳۰ سال انت که اے انسان دژمنيں رستری حکومت په ايران ءِ جاهمننديں سنی مهلوک ءِ شيعه کنگ ءَ کوشست کنگ انت ءُ واب گندگاينت که وتی جاهلي ءُ تهاريں باوران ماں دگه ملکاں هم تالان بکننت..

ایرانءِ رستریں فوج ماشکیل ءِ سرا ھلگر کت۔


ایرانءِ رستریں فوج دوشی جمعہ ءِ شپ ءَ شانزدہ راکٹ دیم پہ ماشکیل ءَ دؤر دات کہ سئے نپر شھید ءُ بازیں بلوچ بےگناہ ٹپی بوتنت۔ ٹپی یں مردم پنجگور ءِ نادراھجاہءَ برگ بوتگنت۔ ایران ءِ رستریں فوج ءُ سپاھی چہ عاجزی ءَ بیگناھیں مردمانی لوگاں گوں راکٹ ءُ بمباں جننتءُ اے وڑ ءَ ھورگوں جلادیں پنجاپی یاں، بلوچ کشی ءَ دیما برنت۔

ه‍.ش. ۱۳۸۸ مرداد ۲۴, شنبه

بوت کنت کہ موسوی ءُ کروبی دستگر ءُ بندی بہ بنت۔


نوروز حالرسان ءَ حال دات کہ ایران ءِ واکدار، نارزائیں مردمان چوش کہ موسوی، علی اکبر محتشمي پور، مھدی کروبی، محسن الويری ءُ محمدرضا خاتمیءَ دستگر کنگ ءِ چن ءُ لانچ اَنت۔ نالائکیں احمدی نژاد
چہ “شورای امنیت ملی“ ءَ لوٹتگ تاں ایشانی گرگ ءِ تیاریءَ بکنت۔
تھران ءِ آخوندی بادشاھی روچ پہ روچ نگیگ تر بیگ انت ءُ ھنون رستریں آخونداں چہ وتی نزیکیں مردماں ھم ترسگ انت ءُ لوٹنت آھاں بگرنت ءُ ماں بندیجاھاں دؤر بہ دینت۔

ه‍.ش. ۱۳۸۸ مرداد ۲۲, پنجشنبه

رودراتکی بلوچستان

سئے شمبہ روچ، یازدہ اگست ءَ بلوچ مھلوک ماں شال، ڈالبندن، کراچی، تربت، تمپ، پنجگور ، سوراپ ، اواراں، کلات ءُ خضدار بلوچستان ءِ آزاتی ءِ روچ ءَ جشن گپت ۔ بلوچستان ءِ پرچم برز کنگ بوت بلئے پاکستانی پلیس ءُ فوجی مردمانی جشن ِء دیم دارگ کوشست کرت۔ گیش چہ چل بلوچ ورنا دستگر بوتنت۔

گوشگی انت کہ رودراتکی بلوچستان ءِ سیاسی سروک چاردہ اگست ءَ کہ پاکستان ءِ اڈ بیگ ءِ روچ اِنت، سوگ ءِ روچ اعلان کتگ۔

شورش مهدی ‌خانی پاھو دیگ بوت۔


ھرانا حالرسان ءَ حال دات کہ شورش مهدی‌خانی ھشت مرداد ءَ ماں سنندج ءِ بندیجاہ ءَ پاھو دیگ بوت۔ شورش مهدی‌خانی، کردستان ءِ اے بے گناھینءُ ایمانداریں پسگ، شانزدہ ماہ پیسر ءَ دستگر ءُ بندی بوتگت آیی ءِ
جرم ءُ گناہ “جھادی و سلفی“ مچی ءِ باسک اعلان بوت

ه‍.ش. ۱۳۸۸ مرداد ۲۱, چهارشنبه

قـــــــول


قـــــــول

گـوں جذبـه ءُ جوش ءَ تـران کنــن ما عهــد ءُ قســم پيمــان کنــن
حونــان ءَ وتــی ريچــــان کنــــن جـانــان وتی قربـــان کنــن
برز نام ءُ بلوچ ءِ شان کنــــــــــن مـا عهد کنيں پيمــان کنــن
آزات بلوچستــــــــان کنـــــــن

چو مرد ءَ بندين سرينـــــان ءَ اچ ميان ءَ کشين زحمــــان ءَ
چو شير ءَ زورين گامـــان ءَ گون پادان پروشيـن کوهــان ءَ
چو درياب ءَ طوفان کنــــــن مـا عهد کنيں پيمــان کنـــــــن
آزات بلوچستــــــــان کنـــــــن


او شوانگ ءُ بگجت ءُ آزاران او بــز گ ءُ پهـــوال نـــادارا
ناو بــزگر ءُ مزدور لاچــاران او گشنگ ءُ بے شام بيمـاران
ما نوکين زندے جوان کنـــــن مـا عهد کنيں پيمــان کنـــــــن

آزات بلوچستــــــــان کنـــــــن



بلوچستان ءِ شائر، زبانزانت، ندکار ءُ کواس نميرانين آزات جمالدينی

شستون - پانزدہ بیگناھیں بلوچ دستگرءُ بندی بوتنت۔


دزّک حالرسان ءَ حال دات کہ دوشمبہ ءُ سئے شمبہ ءِ روچ ءَ آخوند خامنہ ای ءِ رستریں پاسداراں ماں شستون ءَ پانزدہ بیگناھیں بلوچ کہ مدیر ءُ استاد انت، دستگر ءُ بندی کرتگنت۔۔

ه‍.ش. ۱۳۸۸ مرداد ۲۰, سه‌شنبه

شستون- شش بیگناھیں بلوچ دستگرءُ بندی بوتنت


دِزّک حالرسان ءَ حال دات کہ دوشمبہ ءِ روچ ءَ رستریں اطلاعاتی ماں شستون ءَ مردمانی لوگاں ھلگر کرت۔ اے وتسریں جناورکہ بے جُست ءَ ماں مردمانی دواراں ماں بوتنت، شش بیگناھیں بلوچ چہ لوگانی توک ءَ دستگر کرت ءُ بُرت ءُ ماں خامنہ ای ءِ کورچاتاں دؤر دات۔ اے بندیگاں، درستاں وانندئیں مردم ءُ مدیر بزاں درس وانینوک ءُ استاد اَنت۔

مــُــرداریں خمينی ءِ سيادان












فيروز آبادی ، امام زمان ءِ سپاهی


اے تگارلاپیں رستر فيروزآبادی انت که يکے چه ا یران ءِ فوج ءِ کارمستران انت

ه‍.ش. ۱۳۸۸ مرداد ۱۹, دوشنبه

رستریں پاسداران ءِ بالیگرابے ماں سرمچارانی آسگواری ءَ کپت


بلوچ سرمچاران مروچی ماں سیرچ ءِ کوھاں ، بلوچستان ءُ کرمان ءِ سیمسرءَ (شھداد ءِ ھند ءُ دمگءَ) چنت ساھت گوں رستریں پاسداراں جنگ دات ءُ بازیں پاسدار کشگ بوتنت ءُ آھانی ھیلی کوپترے ھم دؤر دیگ بوت۔
تمامیں پاسدار کہ ماں آ بالیگراب ءَ اتنت سھت انت ءُ مردار بوتنت۔ اے جنگ ءِ گیشتریں ھال رندترا شنگ بنت۔

کروبی: بندیگیں جنیں آدماں ماں تھران ءِ بندیجاھاں زناہ بنت۔


مھدی کروبی ءَ کاگدے پہ رفسنجانی نبشتگ ءُ اے حال ءَ پاشک کرتگ کہ ماں تھران ءِ بندیجاھاں بندیگیں جنکاں زناہ بنت۔
کروبی ءَ چہ رفسنجانی ءَ لوٹتگ کہ اے زناہ کاری یان ءِ باروا گیشتر مالومی لوٹیت ءُ زناہ کاراں شزا دیگ بہ بنت۔کروبی وت شر زانت کہ زناہ کاری یکے چہ رستریں آخوندانی حکومت ءِ برورد انت۔ اے نوکیں ھالے نھنت ءُ دراھیں رستری کارکردانی مستریں ذمہ وار آخوند خامنہ ای ءِ جند اِنت۔


ھما اِنت کہ پہ وتی بادشاھی ءِ مانگ ءَ ھر وڑیں “فتوا“ دنت۔ گڑا رستریں حزب الشیطانی ءُ شزادیوکیں پاسدار آیی ءِ “فتوا“ یانی سرا چشیں جناوری کاراں کننت۔

ه‍.ش. ۱۳۸۸ مرداد ۱۸, یکشنبه

آخوندانی رستری دؤر گون پاهو ءُ اعدام ءَ دراج کش نه بيت


میان استمانی پھلیءِ ھوربند ( سازمان عفو بین الملل) آدینہ ءِ روچ ءَ ماں شنگ تگیں بیانےءَ جار جت کہ رند چہ گچینکاریاں بزاں گوستگیں پنجاہ ءُ یک روچاں، یکصد ءُ پانزدہ ( ۱۱۵) نپر ماں ایران ءَ پاھو دیگ بوتگنت۔

تپتان: ايران ءِ واکداراں گون بيگناهيں مردمانی کشتار ءُ پاهو ءَ لوٹنت تاں وتی بادشاهی روچاں گيشتر بکننت. بلئے ايشی ءَ تماميں زالم ءُ زورانسريں حاکمانی تاريخ پيش داريت که گوں هون ريچگ ءُ مردمانی کشگ و شزا ديگ آهانی رستری حاکمی دؤر لــُـک تر بيت . گون اينکس زلم ءُ بيگناهيں هونانی ريچگ ءَ آخوند خامنه ای گوں آدگه رستريں آخوندانی بادشاهی ءِ دؤر دراج کش ( طولانی ) نه بيت که نه بيت

اے هم روگی انت ءُ الم انت که ميليونان انسان ءِ آزاتی لوٹی ءِ توار گٹ تروس کنگ نه بيت ءُ هزاران هزار بيگناهيں انسان ءِ شهادت ءُ کربانی، مکــّــارين آخوندانی زورانسری بادشاهی ءَ چپيگ کنت

آخوند خامنہ ای پہ بیہ ھارّ بوتگ۔




گوستگیں روچاں لھتیں بندیگیں مردم کہ پیش ءَ وت ھم حکومتی مردم اَتنت ماں تلویزون ءَ آرگ بوتگنت کہ پہ وتی کتگین ءُ نہ کتگیں کاراں پشومان انت ءُ توبہ اِش کتگ۔ اشاں چہ خاتمی ءُ موسوی ءُ کروبی ءِ نزّیکیں مردمان انت۔ لھتیں چہ اے پشومانیں بندیگاں ھنچو زاھر کتگ کہ مردمانی تظاھرات رند چہ گچینکاریاں پہ ڈنی یان ءِ بزاں امریکہ، فرانسہ ءُ انگریزانی لوٹ ءُ برنامہ ءَ بوتگنت ءُ آھانی دستمانجنی ءَ ماں ایران ءِ توکی حالات پیش داریت۔

لھتیں حکومتی آخوند ءُ رستریں سپاھی ءُ حزب الشیطانی ھونوار البت پہ آخوند خامنہ ای ءِ اشارہ ءَ بیان داتگ ءُ ماں حالتاک ُ روتاکاں درشاں کتگ کہ اصلیگیں میاریگاں بزاں خاتمی، موسوی ءُ کروبی باید انت دستگر ءَ دادگاہ ءَ آرگ بہ بنت ءُ پہ “محاربہ“ ءِ جرم بزان دژمنی گوں اللہ ءُ ولی فقیہ ءَ محاکمہ ببنت
ایران ءِ تھاریں سیاسی جاوراں آخوند خامنہ ای ءِ رستری ءَ شر پیش دارنت۔ آ ھنچو ھارّ بوتہ کہ ھنوں وتی ءُ مرداریں خمینی ءِ نزّیکیں مردمانی سرا ھم رحم نکنت۔

اے انگت کسّہ ءِ اول سر اِنت باریں گڈسرا گوں رفسنجانیءَ چے بہ بیت؟ رفسنجانی باز مکار یں رسترے ءُ بوت کنت کہ دابے یک وتا را گوں وتی زر ءُ سرمایہ ھاں ھداروکی بہ رکّینیت

ه‍.ش. ۱۳۸۸ مرداد ۱۷, شنبه

کھریزک، ایران ءِ ابوغریب


کھریزک ءِ بندیجاہ ماں تھران ءَ یکے چہ رستریں آخوندانی کورچاتان انت۔ کھریزک مروچاں باز ماں حالتاک ءُ روتاک ءُ اینترنتی وبسایت ءُ وبلاگاں نام گر بیگ انت۔
اوداں باز بندیگیں ورنا شزا دیگ ءُ لٹ کٹ ءُ تل تل ءُ کپ کپ بوتگ انت۔ اے بندیجاہ کہ اشکنگ ءَ چہ گوانتانامو ءُ ابوغریب ءَ گنترین ءُ رستری تریں کارانی جاگہ بوتگ، چہ رزوایی ءَ بند بوت۔

بلے بیگناھیں شھیدانی ریتکگیں ھونانی حک ءُ بے وسیں پس ءُ ماسانی آہ ءُ پریاتانی آس آخوندان گپت ءُ بازیں رستر ءُ شزاگر ءِ نام پاشک بوتنت۔ ھونواریں احمدی مقدم ءُ جلادیں احمد رضا رادان ءُ کومیجانی اے بندیجاہ ءِ مستر اتنت، عامریان (عامری) رادان ءِ معاون، پاسدار سید موسوی، پاسدار سید حسینی ءُ پاسدار زندی ، کھریزک ء آدگہ رستریں شزا دیوکانی نام اَنت۔
اشاں ھور گوں آخوند خامنہ ای ءُ نالائکیں احمدی نژاد کھریزک ء کشتارءُ رستری یں کارانی اصلی ذمہ وارنت۔

وانوکانی کامنت

ازات بلوچ :...
واجهين برات و سنگتان ! سلام و منتگ مه بئيت !« دَپـتـان » ءَ پارسی ءَ « تفتان » گوئشنت . دپتان ءِ لبز چه « دپ + تان » جوڑ بيتگ و بلوچی نامے انت .« دپتان » ءِ برزگ و « دپ » ءَ اوشتاتگين و « تان » اين آپے هست و په همئ هاترا بلوچان ائ كوه ءِ نام ءَ « دپتان گوئشتگ كه پارسی ءَ چه همئ نام ءَ « تفتان » اش ٹـهينتگ . « دپ » و « تان » تان هنون مان بلوچی ءَ كارمرز بيگ انت . تان ؛ اوشتاتگين و جـَـكـّتگين آپ ءَ گوئشنت . 1988 ءِ سال ءَ چه كراچی ءَ بلوچی تاكبندے شنگ بيت كه نام ئی « تپتان » نبشتگ ات ، بلے همے « تپتان » ءِ سرگال ءَ نبشتگ ات كه اے كوه ءِ راستين نام مان بلوچی زبان ءَ ، « دپتان » انت و چه همئ دوئين هورين گالان ٹهتگ و جوڑينگ بيتگ . پر شما جهد و سوبانی لوٹوكان !شمئی آزات بلوچ !
..........................
زباندوست :...
مڑاداریں آزات جان! شمئے بلوچی باز روان ءُ واناک انت۔ اے پیش داریت کہ شما کتہ کارین ءُ بلوچی زبان ءِ زانتکاریں ندکارے ھست ایت.اگاں شما گوں ھمے بلوچی “دپتان“ ءِ وبلاگ ءَ ھمکاری بکنیت الم انت کہ اے وبلاگ جوانتر ءُ ڈولدارتر بیت۔
بلوچی زندگ ءُ بلوچستان آزات ءُ سبز بات

ه‍.ش. ۱۳۸۸ مرداد ۱۶, جمعه

حالکارانی انجمن ءِ کارگس ماں تھران ءَ بند بوت


نوروز حالرسان ءَ حال دات کہ ایران ءِ حالکارانی انجمن ءِ کارگس ماں تھران ءَ چارشمبہ روچ، چاردہ مرداد ءَ بندگ بوت۔ تھران دادستان ءَ حکم داتگ کہ اے کارگس ءِ چست ءُ ائیر نامالومیں مدتے ءَ اوشتارینگ بہ بنت۔

ه‍.ش. ۱۳۸۸ مرداد ۱۴, چهارشنبه

تھران ءِ ھونواریں واکدار

تھران ءِ ھونواریں واکدار ءُ رستریں زابلی یاں گوں بلوچ کوم ءَ ھما کنگ اَنت کہ "علی ءَ گوں کاپراں نکتگ" ۔

اداں بچاریت

http://www.radiobalochi.org/BH_Rights/ListehBaziEdamiOkhoshteha.html

تھران چاردہ مرداد


انسانی حقانی جھدکاراں چھ تھران ءَ حال دات کہ مروچی بیگاہ ءَ ھزاراں نارزائیں مردم ماں تھران ءِ
میدان فاطمی،میدان ولی عصر ،میدان انقلاب،ونک." ءَ مچ بوتگنت۔ " چہ دگہ نیمگے حکومت ءِ ھزاراں سپاھی،بسیجی ءُ رستریں پلیس وت ءَ تیار کرتگ تاں تظاھرات کنوکیں مھلوکءَ پہ یکجاہ بیگ ءَ مہ ھلنت
حال رستگ کہ ماں بھارستان ءَ مردماں لٹ کٹ ءُ تالاں کنگ بیتگنت۔

ه‍.ش. ۱۳۸۸ مرداد ۱۳, سه‌شنبه

شھید یعقوب مھرنھاد


ایران ءِ بلوچ دژمن ءُ رستریں واکداران ءُ زابلی جناوراں، شھید یعقوب مھرنھاد اِش گوستگیں سالءِ چاردہ مرداد ءَ ماں ایرآپ ءَ پاھو دات۔ شھید یعقوب مھرنھاد کہ “انجمن صدای عدالت جوانان بلوچ“ ءِ سروک اَت بلوچ کوم ءِ ھما ایماندارین ءُ بیگناھیں پسگ ات کہ گوں پھکدلی ءَ لوٹت تاں بلوچستان ءُ ھاسکار ایرآپ ءِ گریبیں بلوچ مھلوک ءِ اڑ ءُ جنجالاں گوں تھران ءِ واکداراں گوں گپ ءُ ھبر گیش ءُ گیوار بکنت.
بلے اے بیگناہ ءُ پھکدلیں بلوچ پسگ ءِ شھادت پیش داشت کہ گوں ایران ءِ رستریں واکدار ءُ گنوک ءُ ھونواریں زابلی یاں گپ نہ بیت ءُ ھما پیما کہ بلوچستان ءِ مزن شائر نمیرانیں میر گل خان نصیر ءَ گشتگ:
گوں ظالم و سرزوراں نہ بیت گپ و حبر
رحم ءَ پہ، عرض گوئریشاں تو مبـــــــر
گر عاقل و دانــا و گــھ و سرحــا لــــــے
چیشاں بگر حقاں وتی گوں تیگ و تبـــر

تهران ۱۲ مرداد ۱۳۸۸


رند چہ رستریں احمدی نژاد ءِ نامینگ ءَ تھران ءِ ھزاراں پاد آتکگیں مھلوک ماں شھر ءِ چنت جاگہ ءَ مچ بوتنت ءُ
گوں “مرگ بر دیکتاتور ، مرگ بر احمدیءُ مرگ بر خامنہ ای“ ءِ نعرہ ءُ کوکاراں پیش داشت کہ
نالائکیں احمدی نژاد آھانی گچیں کتگیں کماش نہ انت۔
سپاہ ءُ بسیج ءِ ھزاراں سلھبندیں رستر کوشست کرت تاں گوں لٹ کٹ ءُ ارسی گاز ءِ چگل دیگ ءَ ماں مچی یاںمردماں تالاں بکننت۔

ه‍.ش. ۱۳۸۸ مرداد ۱۲, دوشنبه

نالائکیں احمدی نژاد سابورجیان ءِ نامینگ


ٹگیں جھود احمدی نژاد سابورجیان ءِ گڈی بادشاھی ءِ دؤر دوشمبہ ءِ روچ ءَ بنگیج بوت۔ چدءُُ رند زھرکنیں سپاہ، مردم کشیں بسیج ، ھونواریں حزب اللہ گوں رستریں خامنہ ای ءِ داب دابیں مافیایی مچی، بیگناھیں مردمانی کشتارءُ دستگر کنگ ءَ تیزتر ءُ گیشتر کننت۔ تاں اے انسان دژمنیں حکومت ءِ تھاریں دؤر ءَ دراج کش بکننت۔ چہ اے جناورانی دست ءَ ھلاسی ءُ پہ حکومت ءِ پروش دیگ ءُ پہ آزاتی ءِ ھاترا میلیونان انسان ءِ جد ءُ جھد دیما روان اِنت۔

ه‍.ش. ۱۳۸۸ مرداد ۱۱, یکشنبه

آ روچ نزّیکتر بؤان انت


آ روچ نزّیکتر بؤان انت کہ زالم ءُ ھونواریں آخوند خامنہ ای ایران ءِ زلم دیستگیں مردم ءُ ایر دستیں راجانی دیما وتی رستری کارکردانی جواب ءَ بدنت۔

ســـرمچــــــــار

ســـرمچــــــــار
تیر ءُ تفنــــــگ اِش زرتگ اَنـــــت

کاٹارِش میاناں بستگ اَنـــــــــــــت
پلّیں یل ءُ بيــل اَنت منـــــــــــــــی

زند ءَ وتی سرگوستگ اَنـــــــــــت

چہ ھوناں چراگ اَنت روک کنــاں

زوراکی ءِ سیاھیں شپــــــــــــــاں

منزل بہ منزل گام جنــــــــــــــــاں

چو آس ءِ زراب ءَ سرپتگ اَنــــت


پادموش کنان اَنت ڈنگــــــــــــراں

سربر گوزان انت کنڈگــــــــــــــاں

دیراَنت چہ وشیں شادھــــــــــــاں

شتکیں تلاراں وپتگ اَنــــــــــــت



باج بُرتگ اِش چو کوکـــــــــــــرءَ

مثل گروک ءَ شھم کنـــــــــــــــــاں

جنداِش کتگ قربان وتــــــــــــــــی

کوھیں ھساراِش پروشتگ اَنــــــت
پچ دِرتگ ءُ پاداں شپـــــــــــــــــاد

سھراَنت اِش چم بے وابـــــــــــیءَ
ھم دست ءُ ھم گام ءُ تپــــــــــــــاک
کوٹ ءُ کلات اِش گپتگ اَنــــــــــت
دلگوش کن اِت بیل ءُ يــــــــــــلاں
راجءِ منــی کیميــاگــــــــــــــــراں
بیائیت کہ وشیں زند کئيـــــــــــت
ورنا مرادے سرگراَنـــــــــــــــــت
وت واجہ ءُ جوانیں ســـــــــــراں
شوھاز کنت سھریں ســــــــــــلام
بیرک بلند بات اِنت شمـــــــــــے

گال من دوئیں پربستگ اَنـــــــت


شعر چہ راجی شاعر واجہ غلام حسین شوھاز




آخوند ءِ توبه


اے واجکار محمد علی ابطحی انت که په کتگين ءُ نه کتگيں کاراں توبه کنگ انت. پيش ءَ اے بدنسيبين آخوند ايران ءِ پيشيگيں کماش ( صدر ) خاتمی ءِ معاون اَت. هنوں بنديگ انت ءُ چوش که وت گشتگ په ترندیں دوا ءُ درمان ءَ هيلدار اِش کتگ.رند چه ايشی ءِ توبه کنگ ءُ چه رستریں خامنه ای ءَ پهلی لوٹگ، بوت کنت که ديمترا رفسنجانی، کروبی، موسوی ءُ خاتمی ءِ باريگ هم برسيت، اے هنگت ءَ کسّـه ءِ اول سر اِنت.

ه‍.ش. ۱۳۸۸ مرداد ۱۰, شنبه

قـــــــول


گـوں جذبـه ءُ جوش ءَ تـران کنــن ما عهــد ءُ قســم پيمــان کنــن

حونــان ءَ وتــی ريچــــان کنــــن جـانــان وتی قربـــان کنــن

برز نام ءُ بلوچ ءِ شان کنــــــــــن مـا عهد کنيں پيمــان کنــن
آزات بلوچستــــــــان کنـــــــن

چو مرد ءَ بندين سرينـــــان ءَ اچ ميان ءَ کشين زحمــــان ءَ

چو شير ءَ زورين گامـــان ءَ گون پادان پروشيـن کوهــان ءَ

چو درياب ءَ طوفان کنــــــن مـا عهد کنيں پيمــان کنـــــــن



آزات بلوچستــــــــان کنـــــــن


او شوانگ ءُ بگجت ءُ آزاران او بــز گ ءُ پهـــوال نـــاداران

او بــزگر ءُ مزدور لاچــاران او گشنگ ءُ بے شام بيمـاران

ما نوکين زندے جوان کنـــــن مـا عهد کنيں پيمــان کنـــــــن

آزات بلوچستــــــــان کنـــــــن

بلوچستان ءِ شائر، زبانزانت، ندکار ءُ کواس نميرانين آزات جمالدينی

ایرآپ گنوکیں سلیمانی


ڈنی یانی رستریں آخوند ماں ایرآپ (دزآپ) ءَ گنوکیں سلیمانی گوشینے انگت ءَ سھی نہ انت کہ نالائکیں احمدینژاد سابورجیان پہ کلپی ءُ دروگ ءُ مردمانی رای یانی دزگ ءَ ایران ءِ کماش نامینگ بوتگ۔ آ ماں ایرآپ ءَ ڈنی یانی نماز جمعہ ءَ جھودیں احمدی نژاد ءَ باز ستا ءُ توسیپ کرت ءُ گشت کہ میلیونانی مردم پہ اے ھاترا احمدی نژاد ءَ گچین کت کہ آ "ایمانداریں سروکے ءُ آیی ءَ باز یں شھراں تر ءُ تاب کتگ ءُ مردمان ءَ آیی ءِ گپ دوست بوتگنت"۔ گنوکیں سلیمانی الّما سھی اِنت کہ مشھد ءُ کرمانءُ یزد ءُ تھران ءُ رشت ءُ اصفھان ءُ شیرازءِ میلیوناں مردم ھور گوں ایردستیں کوماں کوکارکنگ انت "مرگ بر دیکتاتور، مرگ بر خامنہ ای ءُ مرگ بر استبداد" بلئے
نالائکیں احمدی نژاد ءُ رزوائیں خامنہ ا ی وڑ ءَ کرمہ گوشی کنت۔