۱۳۸۸ مرداد ۹, جمعه

منی وطن

منی وطن
منی وطـــن،یک پچیں دیارے منی وطن،دشت وکوھسارے
منی وطـــــن،کیچگ و تیابے منی وطن، پٹ وریگزارے
منی وطـــن ھرچی است منیگنت
منی وطـــــــن، بگجتانی کہچر منی وطن،شوانگانی بندر
منی وطــــــــن،بزگرانی ھنکیں منی وطن ،کوچیانی پژدر
منی وطـــن ھرچی است منیگنت

منـــی وطن، کلگانی تصویر منی وطن،میتگانی زمزریر
منــــی وطن، کنگرانی بازار منی وطن،سرگلانی شمشیر
منی وطـــن ھرچی است منیگنت


منی وطـــــن ، مہدن کھزانگ منی وطن ، زروسھر ءِ چانگ

منی وطن ،نپت ءِ سیاھیں ساوڑ منی وطن ،پمن درءِ دانگ



منی وطــــن ھرچی است منیگنت

منی وطـــن ھرچی است منیگنت




نميرانيں مير گلخان نصير ـ کراچی ۲۱ جولای ۱۹۶۵

تــُـرکستان ءِ بيگناهيں مسلمانان


بانــُک ربيعه قدير که چين ءِ ایگور مسلمانانی سروک انت اعلان کتگ که چينی فوج ءُ جاسوسی اداره هاں
کساس ده هزار مسلمان چه «سين کيانگ» ءَ ماں يک شپے گپتگ ءُ بيگواه کرتگ اَنت. رويترءِ شنگ بوتگيں حالے ءِ بريبر ءَ بانــُک ربيعه قدير چه ميان استمانی هوربندا ں کمک لوٹتگ تاں اے بنديگين ءُ بيگواهيں مردمان در گيجگ به بنت.

. ماں سين کيانگ ءَ که پيش ءَ تـُرکستان گوشگ بوتگ ميليونانی ايردستيں مسلمان جاهمنند انت. اے انسانان مدام زالميں چينی واکدارانی لٹ کٹ ءُ شزا ءُ کشتارءِ آماچ اَنت.

ایران ءِ بزگیں مھلوک ءِ دزتگیں زر

اداں بچاریت کہ ایرانی دُزیں واکداراں چوں دزتگیں زراں چہ ملک ءَ درکنگ اَنت۔
اے ھژدہ ءُ نیم میلیارد دلار ءُ تلاہ (۱۸۵۰۰۰۰۰۰۰۰ دلار) پاری زمستان ءَ چہ ایران ءِ دربیگ ءِ درگت ءَ ماں ترکیہ ءِ سیمسرءَ گرگ بوتگنت.
ترکیہ ءِ واکدار اے زر ءُ تلاه گپتگ ءُ واھندی کتگ ءُ ماں وتی ملک ءِ خزانہ ءَ ایر کتگنت۔

ترکاں چہ اے گپ ءَ بزاں اے مپتیں مال ءِ دست کپگ ءَ گیش چہ حدءَ گل ءُ شادان انت۔

تهران

تہران



پشمبہ ءِ روچ ھشت مرداد ءَ ھزاراں سوگیگیں مردم ماں تہران ءِ میدان مصلی ءُ بھشت زھرا ءِ کبرستانءَ جم بوتنت تاں تہران ءِ حکومت ءِ ھلاپءَ گوں موسوی ءُ کروبی ءِ ھمراھی ءَ تظاھرات بکننت۔
بلے رستریں بسیجی ءُ پاسدار بازینے چہ مردماں لٹ کٹ ءُ ٹپی ءُ دستگرکرتنت۔

جــــــار


جــــــار

پاکيـــں پروردگــار ءِ نـــام ءَ


جنبش مردمی ( جنداللہ ) حال دنت کہ پاکستانی حالتاک ءُ روتاکانی اے شنگ کرتگیں حال کہ جنبش ءِ سروک امیر عبدالمالک بلوچ گوں جنبش ءِ ھشت سرمچار ترور بوتگنت، پہ بیہ دروگ انت۔
جنبش جنداللہ جار جنت کہ سرمچار امیر عبدالمالک بلوچ زندگ ءُ جاندراہ انت ءُ ھورگوں جنبش ءِ شیرمردیں سرمچاراں ماں بلوچستان ءِ کوہ ءُ ماتکوھاں اَنت. ایرانءِ حکومت ءِ رستریں جاسوسی ادارہ یاں، بید چہ دروگیں حالانی شنگ کنگ ءَ دگہ کارے اِش واک نہ بیت۔ ایران ءِ اطلاعات ءُ جاسوسی ادارہ یانی وڑ وڑیں رپک ءُ پندلاں پہ جنبش ءُ بلوچ سرمچاراں پاشک ءُ زاھراَنت۔چنت رند ءَ ایرانءِ جاسوسی وزات خانہ ءُ آیانی رستریں چُگــُـل ماں بلوچستان ءَ لہتیں مردم ءَ بازیں زرّ داتگ اَت تاں جنبش ءِ سروک ءَ ترور بکننت، بلے ھما مردم کہ چہ بلوچ دژمنیں حکومت ءِ پندلاں سرپد اتنت گوں جنبش ءِ مردماں دچار کپتنت ءُ اطلاعات ءِ زرّان اِش دات جنبش ءِ دست ءَ تاں اے شیطانی حکومت ءِ ھلاپ ءَ کارمرز بہ بنت۔
ایرانءِ اطلاعاتی رستراں، بلوچ سرمچارانی دیما ھنچو عاجز انت کہ ھمے گپ اِش گوں لھتیں بلوچ کماش ءُ اسپیت ریش جتگ ءُ گِلہ اِش کتگ کہ لھتیں بلوچ، اطلاعات اِش ریپنتگ ءُ عبدالمالک ءِ ترورءِ جاگہ ءَ زراِش داتگنت جنداللہ ءَ وت ھم گوں آھاں ھوار بوتگنتت۔
رستریں اطلاعاتی ءُ بلوچ کشیں پاسدار زانگ لوٹیت کہ جنبش چہ آھانی پلینڈی برنامہ ھاں سھی اِنت۔ جنبش کامیاب بوتگ کہ ماں اطلاعات ءِ دلجمیں رِداں چاروگ راہ بدنت۔ آھانی خاصیں حالان ءُ شیطانی برنامہ ھاں، سرمچارانا زوت سر بنت۔

بلوچ مھلوک دلگوش گور بکننت کہ ایران ءِ رستریں جاسوسی وزارتخانہ ءُ چُگــُـلی ادارہ ھاں چنت حالکار ءَ ماں پاکستان، پہ بھا زرتگ ءُ آھاں بازیں زرّ دنت تاں جنبش مردمی ءِ باروا دروگیں حال شنگ بکننت۔ ھمے رُزوائیں حالکار اَنت کہ سرمچار عبدالمالک ءِ ترور ءِ دروگیں حال ءَ شنگ کننت ءُ چہ ایران ءِ بلوچدُژمنیں جاسوسی وزارت ءُ ادارہ ھاں زرّ گرنت۔ بلئے حکومت ءِ اے پلینڈی کارھں، زوت پدّر ءُ پاشک بوتگ ءُ دروگیں حالانی شنگ ءُ تالاں کنگ ھچ کمکے آھاں نکنت۔
اے پنامیں حالکار کہ وت اِش بھا کتگ ءُ ایران ءِ انسان دژمنیں واکدارانی گُلام اَنت، لوٹنت تاں گوں دروگیں حالانی شنگکاری ءَ بلوچ مھلوک ءَ ماں رودراتکی بلوچستان ءَ بژنیگ ءُ ناامیت بکننت.

ایرانءِ رستریں اطلاعاتی ءُ جاسوسی ادارہ ھاں ءُ ولایت فقیہءِ گلامیں حالکاراں بزاننت کہ بلوچ چشیں دروگیں حالاں باور نکننت ءُ بلوچ گوں اے پندلاں دلسرد ءُ ناامیت نہ بنت۔



جنبش مردمی ( جنداللہ )

۱۳۸۸ مرداد ۸, پنجشنبه

رستریں احمدی نژاد ءُ ھونواریں آخوند خامنه ای


نالائکیں احمدی نژاد کہ آیوکیں چارسال ءِ وتسريں سرکماشی ءِ واب ءَ گندگاینت ، نگیگ ءُ پريشان انت کہ ھونواریں آخوند خامنہ ای گوں وتی درگوشیں گلاماں،ماں آیی ءِ بادشاهی ءُ کماشی ءَ وت ءَ ھورتور کننت۔
احمدی نژاد وتی مشایی نامیں نز یکیں سیادے ءَ وتی معاون کرت۔ چنت روچ نہگوستگت کہ آخوند خامنہ ای حکم دات تاں مشایی در ببیت۔نالائکیں احمدی نژاد کہ باور کتگ ایران ءِ سرکماش انت وتی چپورتیں سیاد ءَ چہ معاونی در کت ءُ وتی کارگس ءِ کارمستر کرت۔بازینے چہ آخونداں کاگدے شنگ کرت ءُ ماں اے رستری جنگ ءَ چہ خامنہ ای ءَ پشتداری کرت۔ “جامعه اسلامی مهندسین“ کہ خامنہ ای گلام اَنت ماں شنگ کتگیں بیانے احمدی نژاد اِش پاترپ داتگ کہ گوں آخوند خامنہ ای ءَ یک ءُ دو مہ کنت ءُ گوں آیی ءَ وت ءَ ھم سنگ مہ زانت۔
تہران ءِ رستریں واکدارانی وت ماں وتی جنگ ءُ چوپ پہ ایردستیں کوماں نیکیں پالے انت۔

۱۳۸۸ مرداد ۷, چهارشنبه

رستریں احمدی نژاد سابورجیان ایران ءِ جاسوسی وزارتءِ سرکماش


رستریں احمدی نژاد سابورجیان چنت روچ پیش ءَ آخوند محسنی اژہ ای ءَ چہ اطلاعات ءِ وزیری ءَ درکرت ءُ آیی ءِ جاگہ ءَ دگہ کسےءَنہ نامینتگ۔ ایشی ءِ مانا ایش انت کہ اے نالائکیں ٹگ جاسوسی ادارہ ءُ وزارت ءَ وت کارمستری کنگ انت۔

۱۳۸۸ مرداد ۶, سه‌شنبه

پنچ کـُـرد ورنا ءِ محاکمه ماں سنندج ءَ


ھرانا حالرسانءَ حال دات کہ يک شمبه ءِِ روچ ۴ مرداد ءَ ايران ءِ رستريں حکومتی آخوند «قاضی بابایي» ماں سنندجءَ پنچ کرد ورنا ءَ محاکمه کرت.
ايران ءِ رستريں اطلاعاتی بزاں جاسوسی اداره اے بيگناهين ورنايان شش ماہ پيش ءَ دستگر کرتگ ءُ زورانسريں حکومتی اعلام کتگ که ايشانی جــُرم « محاربه» بزان دژمنی ءُ جنگ گون الله اِنت
اے ورنايانی نام ايش اَنت: هوشیار احمــدی ، بهمن سعيــدی ،, جهانبخش احمـــدی ،, سیروان محمــودی ءُ سيـوان رحیمــی. بوت کنت کہ پہ مردمانی ترسینگ ءُ بیم دؤر دیگ ءَ اے بیگناھیں ورنایاں، شہیدیں بلوچ ورنایانی پیمءَ پاھو دیگ بہ بنت۔

پادائــت

پادائــت اَو بـــزّگ و واریں براســـــــــان

پہمندگ و پر زور و تیاريـں براســـــــان
اے لوچی و چمداری و گـژن ءِ زنــــــــد ءَ
ھیروپاں دیہت او منی سـاریں براســــان


نميرانیں مير گل خان نصير

۱۳۸۸ مرداد ۵, دوشنبه

واجه حسن امينی ماں ايرآپ ءَ دستگر بوت


رستريں اطلاعاتی واجه حسن امينیءَ که کردانی مذهبی رهنما ءُ زانتکاريں کماشے ماں ايرآپ ءِ بالی پٹ ءَ دستگر کرت. واجه امينی ماں ايرآپ دارالعلوم ءِ ميان استمانی مذهبی برنامه اے بهر زرتگت ءُ ماں هما ديوان ءَ ملک ءِ بديں سياسی حالتانی باروا گپ کتگ. همے په رستريں اطلاعاتی ياں نيمونے بوته که آ واجه ءَ دستگر ءُ بندی بکننت.

۱۳۸۸ مرداد ۳, شنبه

تہران ءِ رستریں واکدارانی ھلاپ ءَ تظاھرات


مروچی شنبہ ءِ روچ ءَ ھزاران درانڈیھیں ایرانی ھور گوںدگنیاءِ انساندوستیں مھلوک تہران ءِ زورانسریں حکومت ءِ ھلاپ ءَ ماں گیش چہ ھپتاد شہراں تظاھرات کرت۔ درانڈیھیں تظاھرات کنوکیں مردماں جار جت کہ ھونوار ر ءُ مکاریں احمدی نژاد ایرانءِ کماش نہنت۔

ایرآپ : سئے بلوچ ورنا پاھودیگ بوتنت۔


حکومتی حالرسان ایرنا ءَ پدا موت ءِ حال ءَ شنگ کرت۔ مروچی شمبہ ءِ روچ ءَ رستریں حکومتی جلاداں سئے بیگناھیں بلوچ ورنا ءَ ماں ایرآپ ( دزآپ)ءَ پاھو دات ۔

۱۳۸۸ مرداد ۲, جمعه

بـے علم و ھنــر کس مــن جھاں شــات نہ بيــــــــت

بـے علم و ھنــر کس مــن جھاں شــات نہ بيــــــــت
بــے جھد و عمــــل ، ھچ کسے آبات نہ بيــــــــــــت
یک ٹـکے گوئـــــــشاں ، ایشرا تو مھر بــــــــــــــدار
قربانــی ءَ بید ، تئـــی وطـــن آزات نہ بيـــــــــــــــت
نمیرانیں مير گل خان نصير

تپاکی مئے تاریخی مِنزِل ءَ نزیکتر کنت۔


رستریں آخوند خامنہ ای، اے جلاد ءُ ھونواریں پلینڈ کہ پہ وتسری ءَ چہ مُرداریں خمینی ءَ دستاں دیماترجتگ انت ، انشااللہ باز رو نکنت۔اے جڈال ءِ دؤر ءُ آخوندانی بادشاھی ھلاس بیگ انت۔درستیں بلوچاں پہ چشیں روچاں تیار بیگی انت۔تاں رند چہ اے زالمانی حکومت ءِ گار ءُ گمسار بیگ ءَ گوں وت ءَ بژنیگ مہ بئیں کہ اے رند ءَ ھم تیار نہ اتیں۔تھران ءِ نژادپرستیں حکومت ءَ ھور گوں گنوک ءُ جاھلیں زابلی یاں ماں بلوچانی گلزمین ءَ باز کارزوالی کرتگ ءُ آھانی اڈ کتگیں مشکل ءُ دیمپاں چہ ھساب ءَ گیش اَنت۔ گوں راجی ءُ کومی تپاکی ءَ توانیں ھر دابیں دیمپان ءُ سکّی یاں گیش ءُ گیوار(حل و فصل) بکنین ءُ چہ وتی آزاتی ءُ وت مستری ءِ راہ ءِ دیما دور کنیں۔ تپاکی مئے تاریخی مِنزِل ءَ نزیکتر کنت۔وت مان وتی اڑ ءُ جنجالاں باید انت پہ بلوچستان ءُ شزادیستگیں بلوچ کومءِ ھاترا بسوچین ءُ گار کنیں۔

اداں کردستان انت۔



http://www.youtube.com/watch?v=V25XI-zfjVY

ماں ارومیہ ءَ ایردستیں کرد مھلوک گوں رستریں پاسدار ءُ پلیس ءُ بسیجی یاں جنگ دیگ اَنت۔

۱۳۸۸ تیر ۳۰, سه‌شنبه

تھران سی تیرماہ

سئے شمبہ ءِ روچ سی تیرماہ ءَ گیش چہ ھزار مردم ماں تھران ءِ "بهارستان, ولي عصر و ھفت تير " ءَ حکومت ءِ ھلاپ ءَ تظاھرات کرت ءُ مرگ بر دیکتاتور ءِ برزیں توار ءُ "استعفا استعفا" ءِ کوکاراں پدا نالائکیں احمدی نژاد سابورجیان ءِ کلات ءَ جکسینت۔
رستریں بسیجی ءُ پلیس مردمانی سرا گوں لٹ ءُ گُرز ءُ ارسی گاز ھلگر کرت ءُ یکے چہ تظاھراتی بیگناھاں کشت ءُ بازینے ٹپی ءُ دستگر کرتنت۔

ساہ کندن


ارواہءِ چیھانٹاں سرا زرتگ

کرّاَنت تئی گوش و منی گنگ اِنت زبان

تو چو بدل زرتیں زبانءِ منّتءَ بے باورئے

من چو زمین جنبانی قھریں نیتءَ پیداوراں

تو پہ سگارانی گپتگیں کوٹ و کلاتاں گل ئے

من پہ پتی میراث و ماتیں گلزمینءَ تلوساں
من آدمءِ اوبادگاں

مھرانی ھکیں وارثاں

راستے کہ تئی سوبءَ منءَ مرکی کتگ
شاتءِ کہ تئی زوراکیءَ مرچی پدا زندءِ یلیں بچے جتگ

بچ آجوییءِ

بچ ایمنی

بچ گلزمینءِ دیدگ و زردءِ مراد

بچ دیر مانیں شادہءِ شوھازگءِ مُزدءِ مُراد

بچ زندءِ مھرءِ مُجتی ارمان مستاگءِ عذابءِ آسرءِ
تو پہ سرانی گڈاگءَ زندءِ ھیالانءَ کشے؟

پہ سندگءَ داشت کنے پُلان چہ بُوّ تالانیءَ؟
مرکءَ منی لوٹے تو ارواہءَ بکُش
کوشءَ منی ساڑائے مھرءِ واھگاں پاھو بدۓ

بیگواھیءِ زھرءِ بکن، رژنءَ منیگءَ ایرجیگ


زانتءَ بکن تیرءِ نشان
من پہ مرگ گار نباں

مھراں کہ آوار نبان
داں عاقبت ھست منی گامانی رَند
داں زند بیت روک اِنت منی ھونانی لیک

مرتگاں تو ھم مرئے، تو زندگءِ من زندگاں

شعر چه بلوچستان ءِ مزن شاعر واجه عطاشاد

تهران ءِ رستريں واکدارانی جشن

زیراِت تفنـــــــگءَ

زیراِت تفنـــــــگءَ
زیراِت تفنـــــــگءَ
پہ راج ءِ ننـــــگ ءَ


بیلاں ببیت نــــــوں
جاڑیگ پہ جنـــگ ءَ
منّاں کہ ظلـــــــــم ءِ
شپ سک تھــار ان
تروک اِنت چراگــے
ماں زرد ءِ کــــــلءَ

واھگ سرپان انـت
چو آسمـــــــــی پُلّ ءَ
عيــب انــت غـلامــی
پہ مــا مدامـــــــــــی
دارگ نہ بنت نـــــوں
واھگ دلانــــــــــــی



گوں راج ءَ قول انــت
ریچیں ما ھونــــــاں
********
****
****
***
***
***
**
*
شئیر ھلاس نہ انت
شئیر چہ راجی شائر واجہ بشيــر بيــدار


کرد جہدکاراں ماں انسان دژمنیں حکومت ءِ کورچاتاں

موکریان نیوزءَ حال دات کہ رند چہ بیست ءُ دوتیرماہ ءَ بازینے چہ کرد جہدکاراں ماں کردستان ءِ شھراں دستگر بوتگ ءُ رستریں حکومت ءِ کورچاتاں دؤر دیگ بوتگنت۔

گوشگی انت کہ کردستان ءِ مردم بیست ءُ دوتیرماہ ءَ کہ شہید دکتر عبدالرحمن قاسملوءِ شہادت ءِ بیستمی سالروچ اَت ، کارءُ بار اوشتارینت ءُ دکاناں بند کرتنت۔واجه قاسملو ماں ۲۲ تير ماه ۱۳۶۸ (۱۹۸۹ ميلادی ) ءَ ماں اتريش ءِ مزن شهر بزاں وين ءَ شہید بوت. ايران ءِ مکاريں واکدار آ واجه ءَ گوں همراهان په رپک ءُ پندل ، مذاکرات ءِ نيمون ءَ ماں لوگے ءُ لوٹاينت ! هموداں مان ترينت ءُ تير اِش کتنت ءُ اے پيم ءَ پيش داشت که اے هونواريں رستر اں بزان تهران ءِ تروريست ءُ زالميں واکدار، تُشے هم بروسه کنگی نه انت۔

۱۳۸۸ تیر ۲۸, یکشنبه

بلوچ کُشی ءَ بند بکنیت۔


ماں پسنی ءَ بلوچ مھلوک ایرانِ ءِ حکومت ءِ ھلاپ ءَ تظاھرات کرت
ءُ چہ میان استمانی ھوربندان ھاسکار تپاکیں راجانی ھوربند ءَ لوٹت تاں تہران ءِ حکومت ءَ مگزا بکننت تاں بلوچ کشی ءَ بند بکننت۔

چنت روچ پیش ءَ انجمن اتحاد مری ھم رستریں ایرانءِ حکومت ءِ بلوچ
بلوچ کشی ءَ پہ زپتی ایرجت۔


گوستگیں ھپتگ ءَ نوشکی ءِ تپاکیں علما ءِ جارچین مولانا شیرانی، چہ ایران ءُ اوگانستان ءَ لوٹت کہبلوچستان ءِ مھلوک ءِ حقاں بہ منّ انت ءُ چہ بلوچانی ڈیہءَ دربہ بنت۔

سئے دگہ بلوچ ورنا پاھو دیگ بنت۔


فارس حالرسان ءَ حال دات کہ حکومت ءِ ھونواریں آخوند حمیدیماں ایرآپ ( دزآپ ) ءَ جارجتگ کہ ھمے ھپتگ ءَ سئے دگہ بلوچ ورنا ماں ایرآپ ءَ پاھو دیگ بنت۔ یکے چہ اے ورنایاں عبدالحمید ریکی انت۔

اَے بلوچاں اتحاد پہ وشیں روچـــــاں اتحـــــــــــاد


اَے بلوچاں اتحاد پہ وشیں روچـــــاں اتحـــــــــــاد


زندگوازینگ نہ بیت ،مھتاجی ءُ چَمــــــــــــــداریءَ


وشدلیں باریگ نئیت پہ نندگ ءُ رھچــــــــــــــاری ءَ

گوانک جنت ساحر شما را درتگ پچیں پادشپـــــــــاد


اَے بلوچاں اتحاد پہ وشیں روچاں اتحــــــــــــــــاد



بلوچستانءِ نامداریں شائر واجہ مراد ساحر

۱۳۸۸ تیر ۲۳, سه‌شنبه

زابلی رستران ءِ بلوچ کُشی


رستریں حکومتی جلاداں ماں ایرآپ (دزآپ) ءَ حال دات کہ سیزدہ بلوچ ورنا اِش مروچی بزاں سئے شمبہ ءِ بامگاہ ءَ پاھو داتنت۔ آھاں یک لیستے چہ ورنایانی نام شنگ کرتگ۔
رستریں ڈنی یا نی دروگبندیں اطلاعات پہ وتی شیطانی ءُ بلوچ کشیں شومیں مکسداں مئے بیگناہیں ورنایاں بے نام ءُ نشان یا گوں بدلی ناماں ھم کُشنت۔ تاں مئے شہیدانی لوگ مردم وت ، مبارکیں لاشاں پجاہ نیاؤرتگ ءُ کبر ءُ جاہ نہ کتگ رستریںزابلی ُ آدگہ ڈنی یانی ھبراں شہیدانی نام ءُ نشان ءِ باروا باور کنگی نہنت

بلوچستان ءِ شھیدانی بیگناھی ءُ بلوچ ورنایانی شھادت ، بلوچ کوم ءُ بلوچستان ء کومی جد ءُ جُہداں
زوراکتر کنت۔ زالم ءُ زو رانسریں ڈنی یان ءُ ھونواریں زابلی یانءِ دؤر، انشاءاللہ ھلاس بیت ءُ آ روچ دگہ بلوچ ءِ مہر ءُ مھماندوستی ءِ تماہ اِش مہ بیت۔

۱۳۸۸ تیر ۲۲, دوشنبه

پدا پاھو ءِ حکم


حکومتی حالرسان فارس ءَ حال دات کہ حکومت ءِ بلوچ کشیں آخوند ماں ایرآپ (دزآپ) ءَ رستریں ابراھیم حمیدی سیزدہ بلوچ ورنایاں پاھو ءِ حکم دا تگ۔ بلوچ ورنایاں مولوی عابد گوھرام زھی ءُ عبدالحمید ریگی نام گِر بوتگنت بلے آدگہ بے گناھیں ورنایانی نام ھم مالوم نہ انت۔

وزیرخارجہ ءِ معاونءِ ملاقات گوں پاکستانی واکداراں

حکومتی حالرسان ایسنا ءَ حال دات کہ ایرانءِ سفیر ماں اسلام آباد ءَ ھورگوں ایران ءِ وزیر خارجہ ءِ معاون پاکستانی حکومت ءِ زرداری ءُ دگہ رستریں حکومتی گپ ءُ تران کرتگ ءُ ایران ءُ پاکستان ء
سیمسرءَ "اشرار" ءِ (بلوچستان ءِ کومی جھدکار ءُ سرمچاران) ھلاپ ءَ ھوری ءَ راھے شوھاز بکننت۔

ایران ءِ سفیر ءَ گشت کہ ایران ءُ پاکستان ءُ اوگانستان ھوری ءَ کمیتہ اے ٹاھیننت تاں سئیں ملکانی اقتصاد ءُ اطلاعات بزاں جاسوسی ءُ داخلہ وزیراں گوں یکدگرا ھمکاری بکننت۔

تپتان: گوشگی انت کہ اسلام آباد ءِ ھونوار ءُ زرپرستیں واکدار پہ جول ءُ رشوت، مدام تھرانءِ رستریں واکداراں کمک کتگ تاں بلوچ سرمچاران ءُ جھدکارانا نزور بکننت۔

۱۳۸۸ تیر ۱۷, چهارشنبه

زوراکی ءِ سیاھیں شپاں“نماننت کہ نماننت۔“



انسانی حقانی جھدکاراں حال دات کہ دوشی ھم گوستگیں شپانی داب ءَ
تھران ءِ مردماں وتی دوارانی سرا سرکپتنت ءُ “اللہ اکبر“ ءُ “مرگ بر دیکتاتور برزیں توآر ءُ کوکاراں شپ ءِ بے تواری ء پروشت۔
بسیجی ءُ پاسداراں لھتیں چہ مردمانی لوگاں ماں تھرانءَ اروش برتگ ءُ اللہ اکبر گشوکیں مردماں دستگر کرتگ۔
بوت کنت کہ زالمیں آخوند خامنہ ای ءُ وتسریں حکومت “اللہ اکبر“ گوشگ ءَ چہ ماڑی ءُ لوگانی برزا مھن بکننت۔

بلوچی سیاھگ ءِ راست نبیسگ (سبک کتابت بلوچی)... سید ظھورشاہ ھاشمی

بلوچی سیاھگ ءِ راست نبیسگ (سبک کتابت بلوچی)... سید ظھورشاہ ھاشمی


http://www.saughat.net/saughat/books/Balochi%20Raasth%20Nabeesag/index.html

رستریں احمدي مقدم: بلوچستان ءِ سیمسرءَ بندیں۔


حکومتی حالرسان ایسنا ءَ حال دات کہ حکومت ءِ فوجی سرمسترے رستریں احمدي مقدم گشت کہ گوستگیں سال ءَ سئے سد کیلومتر چہ بلوچستان ءِ سیمسر ءَ آھاں بستگ ءُ امبری دگہ سئے سد کیلومتر چہ بلوچستان ءِ گوریچی (شمالی ) بھرءِ سیمسرءَ بند اَنت

تپتان: اگاں اے رستریں حکومتی برلین ءِ دیوال یا اسرائیل ءِ بستگیں دیوالءِ پیمءَ ماں مئے گلزمینءِ دلءَ بہ بند اَنت ، آ زانگ لوٹیت کہ نئے آھانی حکومت مانگی انت ءُ نئیکہ اے دیوال۔۔

سھل دوستیں کماش : سیاسی بندی یاں آزات کنیت۔


بی بی سی ءَ حال دات کہ دہ مزن نامیں مردم کہ پیش ءَ نوبل ءِ سھل ءِ انام اِش برتگ کاگدے پہ تپاکیں راجانی ھوربند ءِ سرکماش ءَ راہ داتگ۔ آھاں چہ واجہ بانکی مون ءَ لوٹتگ کہ نمائندہ اے ایران ءَ راہ بدنت پرچا کہ ماں ایران ءَ انسانانی بنیاتی حقان ءِ جاور باز نگیگ انت۔ گیش چہ ھزار سیاسی بندی اوداں ھست کہ باید انت آزات ببنت۔ اے انساندوستیں مردم چوش کہ ءزِرباری افریکا ءِ اُسموند تو تو ءُ کوریا ءِ کیم دایه جونگ ماں وتی کاگد زانتجاھان ءِ سرا ھلگر ءُ تظاھرات کنوکان ءُ دانشجویانی کُشتار ءُ مردمانی لٹ کٹ ءَپہ زپتی ایرجتگ۔

محمود سابورجیان: دگنیا ءِ آزات تریں ملک ایران انت۔


نالائکیں محمود سابورجیان (احمدی نژاد) پہ دروگبندگ ءَ خامنہ ای ءِ بَلّ اِنت۔ اے بے دریں جھود سئے شمبہ ءِ شپ ءَ ماں حکومتی تلویزیون ءَ چپورتی کرت ءُ گشتکہ "بیست ءُ دو خرداد ءِ گچینکاریاں دگنیا ءِ آزات ترین ءُ پکّاتریں گچیینکاریان اَت۔ ایران دگنیا ءِ آزات تریں ملک انت ءُ ھنوں نوکیں دؤرے بنگیج بوتگ۔
چِل میلیون (بزاں چارسد لک) مردم ماں اے گچینکاریاں رای (ووٹ) دات"۔

گوں ظالم و سرزوراں نہ بیت گپ و حبر

گوں ظالم و سرزوراں نہ بیت گپ و حبر
رحم ءَ پہ، عرض گوئریشاں تو مبـــــــر
گر عاقل و دانــا و گــھ و سرحــا لــــــے
چیشاں بگر حقاں وتی گوں تیگ و تبـــر

نمیرانیں میر گل خان نصیر

۱۳۸۸ تیر ۱۶, سه‌شنبه

موسوی ،کروبی ءُ خاتمیءِ گپ ءُ تراں


العربیہ ءَ حال دات کہ مروچی سئے شمبہ روچ ءَ موسوی ،کروبی ءُ خاتمی ماں دیوانے ءَ گپ ءُ تراں کرت تاں ھوری ءَ پہ وت ءَ راھے دربگیجنت۔
رند چہ گچینکاری یاں اولی رند اِنت کہ اے سئیں ھوری ءَگپ ءُ تراں کننت۔
ماں اے دیوان ءَ پیسلہ بوت کہ ھوریں چست ءُ ایرے احمدی نژاد ءِ ھلاپ ءَ دیما بہ برنت۔

بارک حسین اوباما: ایران یک مشکلے اِنت۔


ریانوستی حالرسان حال دات کہ دوشمبہ ءِ روچ ءَ بارک اوباما امریکہ ءِ کماش گوں روس ءِ کماش مد ویدیف
ماں مسکو ءَ گپ ءُ تراں کرت۔ آھاں ایران ءُ شمالی کرہ ءِ اڈکتگیں اڑ ءُ جنجالانی باروا گپ جت ءُ گڈسرا اوباما گوں حالکار اں گشت کہ ایران یک مشکلے اِنت۔ ایران ءُ شمالی کرہ میان استمانی رھبند ان ارزشے ندینت ءُ وتی ذمہ واری یاں اِش شموشتگ۔

رستریں علی محمد آزاد


تھران ءِ سیاسی نمایندہ ماں مئے گلزمیں، رستریں علی محمد آزاد کہ چہ بلوچ سرمچارانی بیم ءَ بے واب انت پدا بلوچ جھدکارانی ھلاپ ءَ وتی رستری کینگاں پیش داشت ءُ گشت: "اے بلوچانی دژمن انت، اشاں بلوچانی گھبودی ءُ وشھالی ءُ نہ لوٹنت" ۔۔۔

اے رستریں ڈنی شر زانت کہ بلوچانی دژمن آیی ءِ جند گوں نالائکیںسابورجیان (احمدی نژاد) ءُ رستریں آخوند خامنہ ای اَنت۔
ھچ بلوچے چہ اے رستر ءَ نہ لوٹتگ کہ مئے سرزمین ءَ بئیت ءُ بلوچ کُشی بکنت۔ اے ڈنی یں ھونوارچہ تُرس ءَ یک روچے، یک رندے ھم بید وتی چاروگ ءُ بادیگارڈاں ماں ایرآپ (دزآپ)ءِ شھرا دربیت نکنت
رستریں علی محمد آزاد گوں مانشانگ ءَ ماں بلوچستان، بلوچ کشیں شھریاری ءُ بے دریں دھمردہ ءِ ردا ھور بوت۔
اے رستراں بلوچستان ءِ تاریخ ءِ ھما ھونواریں ڈنی انت کہ اسکندر یونانیءَ چہ اشانی ھونواری ءُ رستری ءَ شرم کنت۔

۱۳۸۸ تیر ۱۵, دوشنبه

اَے بلوچاں اتحاد پہ وشیں روچـــــاں اتحـــــــــــاد


اَے بلوچاں اتحاد پہ وشیں روچـــــاں اتحـــــــــــاد


زندگوازینگ نہ بیت ،مھتاجی ءُ چَمــــــــــــــداریءَ


وشدلیں باریگ نئیت پہ نندگ ءُ رھچــــــــــــــاری ءَ


گوانک جنت ساحر شما را درتگ پچیں پادشپـــــــــاد


اَے بلوچاں اتحاد پہ وشیں روچاں اتحــــــــــــــــاد



بلوچستانءِ نامداریں شائر واجہ مراد ساحر

جوبایدن : ما اسرائیل ءَ مھن نکنیں


یکشمبہ ءِ روچ ءَ کماش بارک اوباما ءِ معاون، جوبایدن
ماں گپتءُ ترانے گوں “اِ بی سی“ ءَ گشت کہ اگاں اسرائیل ءِ فوج بلوٹیت ایرانءِ اتمی بُنجاھانی سرا اروش ببارت گڑا ما آھاں نہ اوشتارینیں۔
پرچا کہ اسرائیل وت مستریں ملکے اِنتءُ اسرائیلی وتی نپ ءُ پائدگ ءَ وت گِھتر زاننت ۔

آخوند خامنہ ای: "من تاں ابد، سر کماش ءُ مذهبی رهدربر اوں


گُردُون براون: اروپائی مُلک، ایران ءِ ھلاپ ءَ تپاک اَنت


فرانس حالرسان ءَ حال دات کہ انگریز ءِ سروزیر گوں فرانس ءِ کماش ماں لندنءَ دیوانے کرت ءُ ایران ءِ باروا گشت اگاں جاوران ھمے وڑ ءَ دیما برونت گڑا یوروپی ملک ھوری ءَایرانءِ حکومت ءِ ھلاپ ءَ راھے درگیجنت۔ نیکلاس سرکوزی ءَ گشت که گوں براون ءِ گپاں تپاک انت

۱۳۸۸ تیر ۱۴, یکشنبه

نوکیا سیمنز ءِ آھیری ءُ ایران ءِ جاسوسی ادارہ یاں


نوکیا سیمنز، فنلاندی نوکیا ءُ آلمانی سیمنزءِ شرکتانی موبایل تلفن ءُ نت ورک ءِ تجارتی، پٹ ءُ پولی، بازارءُ گراک درگیجگءِ ھوریں بھرے انت۔ ایران ءِ حکومت یکے چہ نوکیا سیمنز ءِ گراکاں انت۔

http://www.nokiasiemensnetworks.com

اے کارءُ بارھم پہ فنلاندی یانی نپ ءُ پائدہ ءَ بوتگ ءُ ھم پہ آھیریں آلمانی زرداران گنجے ءِ مانا انت ۔ بلے ایران ءِ جاسوسی وزارتخانہ کہ شہ چشیں کاراں پہ وتی شیطانی مکسداں پائدگ زوريت شہ ھما بُنــدَرءَ وت ءَ ماں نوکیا سیمنز ءِِ قرارداد ءَ ھنچو ھور کتگ کہ درستیں کُد ءُ کلید ءُ رمزاں وتی دست ءَ گپتگ انت. حکومت ءِ مخابرات بزاں تلفنانی وزارت اے باروا ھچ اِنت۔

ایران ءِ جاسوسی وزارتخانہ توانت اینترنت ءِ تیزی ءَ ماں ايران ءَ کنترول بکنت۔
حکومت ءِ جاسوس ءُ چار وگان مردمانی تلفنی گپاں تواننت گوش بدارنت ءُ
نبشتگین ءُ راھداتگیں کلہ یاں بواننت ءُ مردمانی تلفناں پچ ءُ بند کرت کننت۔
ماں پکائين ءُ آزاتیں ملکاں که رھبند ءُ کانود ھست اِنت چشیں جاسوسی ءُ چاروگی کاراں جرم اَنت ءُ هچکسءَ اے وڑیں وتسريءِ اجازت نیست انت۔ بلے ماں چشیں ملک کہ ایران ءُ پاکستان گوں پگری پد منتگیں واکدار ءُ ھونواریں فوج ءُ وتسریں چاروگی ادارہ یاں رھبندے وَ نیست۔

نوکیا سیمنزءِ بـِن رومز ناميں نمایندہ اے منّتگ کہ آیاں ماں دو ھزار ءُ ھشت (2008 ) ءِ سال ءَ
Nokia Siemens Networks سیستم ءَ پہ بھا ایران ءِ واکداراں داتگ ءُ گوں اے سیستم ءَ بزان گوں اے نت ورک ءِ په بها زورگ ءَ گراکاں اے واک ھم بیت کہ دراھیں چست ءُ ائیراں اے نت ورک ءِ سرا پچ ءُ بند یا کنترول بکننت۔
وال استریت جورنال ءَ ماں پکائیں پٹ ءُ پولی نبشتانکے ھمے باروا نبشتگ کہ گوں ھمے تکنولوجی ءَ وبلاگ ءُ وبسايتانی فيلتر کنگ ءُ اینترنت ءِ گامگیج ءُ تیزی کم ءُ گیش کنگ بيت.
http://online.wsj.com/article/SB124562668777335653.html

نوکیا سیمنز ءِِ ھمکاری ءُ دئے ءُ گِرءِ حال وَ ماں دگنیا ءِ ميديا ءَ شنگ بوتگ بلے بید چہ ایران ءِ جاسوسی وزارت خانہ ءُ نوکیا سیمنز ءِِ آھیریں تاجر کس نزانت کہ اے شومپالیں قرارداد ءَ چے مان انت۔

ھمے اپسوزی گپے انت کہ نوکیں تکنولوجی کہ پہ انسانانی دیمروی ءَ کارمرز بہ بوتین انت ، ایران ءِ رستریں واکدارانی دست انت ءُ ھور گوں حزب اللہ ءُ بسیجی ءُ پاسدارانی تیر ءُ تپنگاں پہ بیگناھیں انسانانی ساہ گیری ءَ شپ ءُ روچ کار کنگ اِنت. نوکيا سيمنزءِ نوکتریں تکنولوجی که جاسوسی وزارتخانه ءُ رستریں جاسوس ءُ چاروگانی دست انت په ميليونان ميليون انسان ءِ ايردست دارگ ءَ تهران ءِ آخوندی حکومت ءِ کار آسان کتگ.

په هميش ءَ دراهیں بلوچان دلگوش کنگی اِنت که ماں ايران ناميں جنگل ءَ تلفن، موبائل تلفن ءُ انترنت ءِ سرا چست ءُ اير حکومت ءِ کنترول ءَ انت هنوں آهيريں نوکيا سيمنز ءَ ماں ايران ناميں بے کانودیں ءِ جنگل ءَ هچ وڑيں واکے نيست. نوکيا سيمنز ءِ آهيريں تاجران وتی زر گپتگ ءُ وتی تکنولوجی ءُ وتی انسانيت ءُ وتی عزت ءَ بها کتگ ءُ داتگ ايران ءِ رستريں جاسوسی وزارتخانه ءُ وتسريں آخوند خامنه ای ءِ دست ء َ.

پمیشکا لھتیں چہ انساندوستیں سیاستداں ماں یوروپی ملکان ءُ امریکہ ءَ نوکیا سیمنز ءِمیلیاردریں تاجر ءُ آھیریں زرداراں ایرجتگ ءُ بازنت آزاتی پسندیں انساں کہ چہ اے تجارت ءَ سک پدرد ءُ ھبکہ انت۔ اے باز جوان انت کہ نوکیا سیمنز ءِ دئے ءُ گر گوں انسان کشیں تھران ءِ واکداراں پاشک بوتگ ءُ ھبر چہ ھلوت ءَ گوستگ۔ بلے آ روچ نیک بھتیں روچے بیت کہ نوکیا سیمنز پہ بیہ چہ ایران ءِ تھار پکریں واکدا ر ءُ ایران ءِ شیطانی جاسوسی ادارہ یاں سندگ بہ بیت بزاں نوکيا سيمنز ءُ ايران ءِ شومپالين ءُ انسان کشيں قرارداد اوشتارينگ به بيت.


پروشت ءُ پروش بات ایران ءِ شیعی ــ فاشیستــی حکومــتآزات ءُ آبـــــــاد بــات گنجيــــــں بلوچستـــــــــــان

جولای ۲۰۰۹


محمد کريم بلوچ

پاھوبدئے گٹ گیربکــــــــن


پاھوبدئے گٹ گیربکــــــــن
دو رءَ بکش دزگیربکــــــــن

چہ زندءِ وشيـــــں لذتـــــان
دائم من ءَ دل گیر بکــــــــن

تو وھد ءِ قھریں حاکـــم ئے
اولاک من دائم غـــــــــــم ءِ

تو زند پیرئے تا ابـــــــــــد
چہ وت تو انچو دلجمئــــے؟

من دوستی ءُ مھرءِ گنـــوک
آزاتـــــــی ءُ رژن ءِ زروک



تو پہ غلامی ءَ مجــــــــــاز،
وت واجھی ءِ من ھــــــدوک



اِے پاھو و اِے ساد و لـــــوپ
اِے ظلم و زور و لَٹ و چوپ

پہ سرمچاراں ھچ نہ اَنــــت
اِے تیر شانیں ٹینــــک و ٹوپ

بِل ئے رچنت ارسانی ھَـــــور
بِل ئے تچنت حونانی کـَــــــور

بِل ئے نہ بیت پہ ما را نيــــک
اِے برھنگيـــــــں باری ءُ دَور


وارئے تا کد گوں ما تو جنــگ

کُٹ اَنت تئی تیر و تفنــــــــگ



باریں تا کد ليــلام بنــــــــــــت

مئے عزت و مئے نام و ننــگ




**************
***********
*********
*******
*****
***
*
راجی شائر واجہ بشيــر بيــــدار

رستريں سپاه پاسداران

حکومتی حالرسان مهر ءَ حال دات که سپاه پاسداران ءِ سر کماش مروچی گشت که دگه تهمبل بس انت ما ٹگ ءُ آشوبگريں مردمانی ديما وت گريں.
http://www.youtube.com/watch?v=X2aUNsO1vVs&feature=related

محمود سابورجيان آخوند خامنه ای ءِ نامينتگیں کماش


دکترمهدی خزعلی: «سابورجيان» محمود احمدی نژادءِ هاله ئیں (اصلی) ءُ بُن پـيـرُکی فاميل انت. «سابورجيان» بيه ءَ جهود اَنت
گوشگی انت که خزعلی په همے حقيقت ءِ نبيسگ ءَ ماں وتی وبلاگءَ دستگر بوتگ ءُ هنوں ماں خامنه ايءِ کورچاتان بند انت

۱۳۸۸ تیر ۱۳, شنبه

رستریں حکومتی سئے بلوچءَ ماں کرج پاھو دات۔


ایران ءِ دولتی حالرسان ایرنا ءَ حال دات کہ مروچی شمبہ ءِ روچ ءَ بیست نپرماں کرج ءَ درنجگ بوتنت۔
اے پاھو داتگینانی نیام ءَ سئے بلوچ ورنا ھست انت۔

زیراِت تفنـــــــگءَ

زیراِت تفنـــــــگءَ
زیراِت تفنـــــــگءَ
پہ راج ءِ ننـــــگ ءَ
بیلاں ببیت نــــــوں
جاڑیگ پہ جنـــگ ءَ

منّاں کہ ظلـــــــــم ءِ

شپ سک تھــار انت

روک اِنت چراگــے

ماں زرد ءِ کــــــلءَ
واھگ سرپان انـت
چو آسمـــــــــی پُلّ ءَ

عيــب انــت غـلامــی

پہ مــا مدامـــــــــــی

دارگ نہ بنت نـــــوں

واھگ دلانــــــــــــی

گوں راج ءَ قول انــت
ریچیں ما ھونــــــاں
***********
********
*****
***
*

شئیر ھلاس نہ انت


شئیر چہ راجی شائر واجہ بشيــر بيــدار

تپاکی مئے تاریخی مِنزِل ءَ نزیکتر کنت۔




رستریں آخوند خامنہ ای، اے جلاد ءُ ھونواریں پلینڈ کہ پہ وتسری ءَ چہ مُرداریں خمینی ءَ دستاں دیماترجتگ انت ، انشااللہ باز رو نکنت۔
اے جڈال ءِ دؤر ءُ آخوندانی بادشاھی ھلاس بیگ انت۔


درستیں بلوچاں پہ چشیں روچاں تیار بیگی انت۔تاں رند چہ اے زالمانی حکومت ءِ گار ءُ گمسار بیگ ءَ گوں وت ءَ بژنیگ مہ بئیں کہ اے رند ءَ ھم تیار نہ اتیں۔

تھران ءِ نژادپرستیں حکومت ءَ ھور گوں گنوک ءُ جاھلیں زابلی یاں ماں بلوچانی گلزمین ءَ باز کارزوالی کرتگ ءُ آھانی اڈ کتگیں مشکل ءُ دیمپاں چہ ھساب ءَ گیش اَنت۔ گوں راجی ءُ کومی تپاکی ءَ توانیں ھر دابیں دیمپان ءُ سکّی یاں گیش ءُ گیوار(حل و فصل) بکنین ءُ چہ وتی آزاتی ءُ وت مستری ءِ راہ ءِ دیما دور کنیں۔ تپاکی مئے تاریخی مِنزِل ءَ نزیکتر کنت۔
وت مان وتی اڑ ءُ جنجالاں باید انت پہ بلوچستان ءُ شزادیستگیں بلوچ کومءِ ھاترا بسوچین ءُ گار کنیں۔

“زوراکی ءِ سیاھیں شپاں“ نماننت کہ نماننت۔

گوستگیں شپانی داب ءَ دوشی ھم تھران ءِ مردماں وتی دوارانی سرا سرکپتنت ءُ “اللہ اکبر“ ءُ “مرگ بر دیکتاتور برزیں توآر ءُ کوکاراں الھان کرت “ اللھ اکبر حکومت ءَ سک بے واڑ کتگ۔ نئے مردماں چھ اے کار مھن کرت کنت ءُ نئیکھ آیاں پھ
اللھ اکبر ءِ گوشگ ءَ گپت ءُ بندی کرت کنت۔
گوستگیں شپاں “مرگ بر خامنہ ای“ ءِ کوکارءُ چیھالاں ھور گوں “اللہ اکبربرزیں نعرہ یاں تھران ءِ سیاھیں شپانی بے تواری ءَ پروشتگ

۱۳۸۸ تیر ۱۲, جمعه

بلوچستان ءِ انسانی حقانی جھدکاراں

بلوچستان ءِ انسانی حقانی جھدکاراں حال دات کہ ایران ءِ حکومتی حالرسان ایسنا ءَ یکے چہ بیگناھیں بلوچان کہ بوت کنت پاھو دیگ بہ بیت نام گر کرتگ۔ آ مولوی عابد گوھرام زھی انت کہ چہ نصیرآباد سرباز ءَ دستگربوتگ۔
تپتان: گوشگی انت کہ ایران ءِ شیعی حکومت پہ وتی بلوچ کشیںسیاستانی دیما برگ ءَ چہ مئے عالم ءُ نیکراھی(مذھبی) رھنمایانی کشگ ءَ پرواہ نکنت۔ اے سیاست ءُ کارکردانی سروک آخوند خامنہ ای ءُرستریں احمدی نژاد اَنت

ایران ءِ حاکم ماں اینترنتی جنگ ءُ بُرد نکننت۔


اگاں چہ سیمنز تھران ءِ واکداراں نوکیں تکنولوجی ءُ چاروگیازباب داتگ بلے سیمنزءِ زرداراں بایدانت کہ آزاتیں ملک ءُ مردمانی لوٹ ءَ بہ مننت ءُ تھران ءِ انسان دژمنیں حکومت انگار بکننت اگاں ناں بوت کنت کہ وتی گراکاں ماں مگربی ملکاں چہ دست بدینت۔

رستریں بسیجی ءُ پاسداراں

اداں بچاریت رستریں بسیجی ءُ پاسداراں کہ چوں مردماںلٹ کٹ کننت۔ تاں تالان ءُ یک یک بنت ءُ تظاھرات مکننت۔



http://www.youtube.com/watch?v=AD_Rd_MxcFg

بسیج دانشجوئی: موسوی اللہ ءِ دژمن انت!



العربیہ ءَ حال دات کہ
تھران ءِ بسیج ءِ یک ٹولی ے موسوی ءِ شکایت ءَ تھران دادستان ءَ کرتگ ءُ نُہ دلیل اِش داتگ کہ موسوی ءِ کاراں، رند چہ گچینکاری یاں “محاربہ با خدا “ بزاں جنگ ءُ دژمنی گوں اللہ اِنت۔

تپتان: موسوی کہ لوٹت ملک ءِ کماش بہ بیت اگاں پہ “ محاربہ با خدا “ جرم ءَ محکوم بہ بیت گڑا شکنیست کہ دیمترا آیی ءَ "مفسد فی الارض" ھم بزاننت۔

ســـرمچــــــــار

ســـرمچــــــــار

تیر ءُ تفنــــــگ اِش زرتگ اَنـــــت
کاٹارِش میاناں بستگ اَنـــــــــــــت

پلّیں یل ءُ بيــل اَنت منـــــــــــــــی
زند ءَ وتی سرگوستگ اَنـــــــــــت

چہ ھوناں چراگ اَنت روک کنــاں
زوراکی ءِ سیاھیں شپــــــــــــــاں

منزل بہ منزل گام جنــــــــــــــــاں
چو آس ءِ زراب ءَ سرپتگ اَنــــت

پادموش کنان اَنت ڈنگــــــــــــراں
سربر گوزان انت کنڈگــــــــــــــاں

دیراَنت چہ وشیں شادھــــــــــــاں
شتکیں تلاراں وپتگ اَنــــــــــــت
باج بُرتگ اِش چو کوکـــــــــــــرءَ
مثل گروک ءَ شھم کنـــــــــــــــــاں


جنداِش کتگ قربان وتــــــــــــــــی
کوھیں ھساراِش پروشتگ اَنــــــت


پچ دِرتگ ءُ پاداں شپـــــــــــــــــاد
سھراَنت اِش چم بے وابـــــــــــیءَ
ھم دست ءُ ھم گام ءُ تپــــــــــــــاک
کوٹ ءُ کلات اِش گپتگ اَنــــــــــت


دلگوش کن اِت بیل ءُ يــــــــــــلاں
راجءِ منــی کیميــاگــــــــــــــــراں

بیائیت کہ وشیں زند کئيـــــــــــت

ورنا مرادے سرگراَنـــــــــــــــــت

وت واجہ ءُ جوانیں ســـــــــــراں

شوھاز کنت سھریں ســــــــــــلام

بیرک بلند بات اِنت شمـــــــــــے
گال من دوئیں پربستگ اَنـــــــت


شعر چہ راجی شاعر واجہ غلام حسین شوھاز